Mossiestilte: Ef. 2:21-22

in wie die hele gebou, goed saamgevoeg, verrys tot 'n heilige tempel in die Here, 

in wie julle ook saamgebou word tot 'n woning van God in die Gees. 

Jy en almal wat kinders van God is, is deel van die liggaam of gebou waarin God woon.

Jou liggaam is 'n tempel van God, maar ook deel van die heilige tempel van die Here.

Die hoeksteen van hierdie gebou is Christus, die hoeksteen wat deur die bouers verwerp is.

So is jy dan nie meer 'n vreemdeling of bywoner nie, maar medeburger van die heiliges en huisgenote van God (vers 19).

Dankie Here, want nou in Christus het ek wat vroeër ver was, naby gekom deur die bloed van Christus (vers 13). U is my vrede, U wat die skeidsmuur afgebreek het het en my nou een gemaak met hulle wat na aan U was (vers 13). U het die vyandskap tot niet gemaak, naamlik die die wet van gebooie wat in insettinge bestaan; U het die vrede gebring en my 'n nuwe mens gemaak (vers 15). U het die evangelie gebring aan hulle wat ver was en die wat naby was; want deur Hom het ons albei die toegang deur een Gees tot die Vader (verse 17 en 18). Amen.

[Aangestuur deur Pieter Swanepoel]

Oesmaande: Desember

Kerkgenotjies: Blondines

* Twee vriendinne staan en gesels. Die brunet sê sy wil met 'n man met 'n hoë IK trou. 

"Jy bedoel een met 'n hoë intelligensie-kwosiënt?" vra die blondine.

"Nee," sê die brunet, "ek verkies een met 'n hoë inkomste-kwosiënt.

* Die heeltemal oorgewig blondine is ewig by die dokter. Hy sê later vir haar hy dink die meeste van haar probleme kan aan haar gewig toegeskryf word. Hy gee vir haar 'n wetenskaplike uitgewerkte dieet met die raad om dit getrou te volg en hom oor 'n maand weer te besoek.

Sy kyk aandagtig deur dit en sê toe: "Dokter, ek hou hiervan. Maar sê my, moet ek dit saam of tussen my maaltye geniet?"

* Dosent aan blonde student: "Dit is die tweede maal hierdie week dat u laat is vir die agtuur-klas. Onthou, dis ongesond om so laat te slaap."

Student: "Dit mag so wees, professor, maar ek is nie op universiteit vir my gesondheid nie."

[Bron: Finansies en Tegniek, 28 Junie 1996]  

Verjaardagwense

Eddie, baie geluk met jou verjaardag. Mag elke oomblik gevul wees met ons Vader se groot genade. Vreugde vir 'n heerlike dag.

Statistiek: Dankie vir 294 000 e-besoeke

Afkondiging: Welkom by die erediens

Dink hieroor: Jou denke

Ons lewenskwaliteit en suksesse wat ons in die lewe behaal, word deur ons denke oor ons omstandighede bepaal. Dit is ons DENKE wat ons motiveer of demotiveer om iets te doen, betrokke te raak of om te onttrek. 

Ons moet daagliks doelbewus daaraan werk om hierdie hierdie kritieke waarheid te kan toepas, maar belangriker nog is dat ons dit vir ons kinders moet leer.

Die manier HOE jy dink, bepaal ook HOE jy na jou omstandighede kyk en daarom is dit een van die  belangrikste opvoedingstake wat ons het. Goeie karatereienskappe is 'n groter geskenk as modeklere en moderne speelgoed. Rus jou kind toe met eienskappe wat hom of haar deur hul lewe kan dra.

Dit is dus ons DENKE oor ons omstandighede wat ons suksesse bepaal.

Sit en gesels met jou kind en stel vas hoe hulle oor sekere aspekte van die lewe voel en jy sal maklik kan vasstel watter karaktereienskappe kort 'n bietjie aandag en watter onsekerhede is reeds uit die weg geruim.

Onthou, jy lê die fondasie vir jou kinders se lewenskwaliteit. Dink daaroor hierdie Kersfees as jy met die duur onnodige speelgoed in jou hand staan. Gaan hierdie speelgoed wat ek op my kredietkaart gaan koop, bydra tot my kind se mensweessuksesse of sus ek my ouergewete?? 

Dutoitspan sê dankie aan elke adverteerder op die kerkalmanak

Ondersteun asb. hierdie lojale borge!

(Vlg Woensdag word die ander borge geplaas - hou die spasie dop.)

Klik HIER om verlede week se borge te sien!

Mossiestilte: Ps. 105:4-5

Vra na die Here en sy sterkte; soek sy aangesig altyddeur.
Dink aan sy wonders wat Hy gedoen het, aan sy wondertekens en die oordele van sy mond.

In jou swakhede vra na die Here en Hy sal jou sy krag gee
In jou armoede sal Hy jou rykdomme gee, selfs as jy slaap.
In jou dwaasheid sal Hy jou wysheid gee as jy Hom vrees en van Hom bid.
Wanneer jy siekte of kwale het, sal Hy jou genesing wees.

Here, my God, ek dink aan al u wonders. My lippe verheerlik U grootheid en aansien. U is hoog en verhewe en u soom vul die tempel. U het wonders aan my gedoen. Groot en ontsagwekkend is U aangesig. U is my Voorsiener en die Vredevors in my lewe. My oë bly op U gevestig my God en my Heer. U spreek en dit gebeur, u oordele hou my veilig. Amen.

[Aangestuur deur Pieter Swanepoel]

Mandjie Hoop: Ons verlosser

Tussen die armes

nederig en gewoon.

Het ons Verlosser

die aarde bewoon.

[Cecil Frances Alexander] 

Gebed: Dankie dat ons erfgename mag wees

Here, God van liefde, ons kom na U in die Naam van Jesus van Nasaret ons Verlosser en Saligmaker. Dankie dat U die Koning van die Konings is wat tot in ewigheid regeer. Dankie dat ons U erfgename mag wees. Ja, Here, Prinse en Prinsesse van U koninkryk.
Here, ons moet bely dat ons nie altyd so na aan U is as wat U ons wil hê nie. Ons laat toe dat dinge skeiding tussen U en ons bring en vergeet om dit vir U te gee en by U te los.
Leer ons om stil en kalm te wees, om U te vertrou. U woord leer ons in Eksodus 14 v 14 dat ons moet stil wees en kalm bly, want U veg self vir ons.
Here, vergewe ons wanneer ons te midde van ‘n chaotiese wêreld sommer net pad vat sonder om U te raadpleeg.
Skryf U Woord op ons harte en lê dit in ons gedagtes vas. Laat ons in U voetspore volg, en laat ons nooit vergeet dat U die Een is wat vir ons paaie gelyk maak en brons poorte oopbreek nie. Amen

Mossiestilte: Ps. 124:1-8 As die Here ons nie gehelp het nie ...

Lees Psalm 124, saam met my verwerking - ek het "my" en "ek" in die Psalm gesit om dit persoonlik te maak.

'N BEDEVAARTSLIED. Van Dawid. As die HERE nie vir ons was nie - laat Israel dit sê - as die HERE nie vir ons was toe die mense teen ons opgestaan het nie, dan het hulle ons lewendig verslind toe hulle toorn teen ons ontvlam het; dan het die waters ons oorstroom, 'n stroom het oor ons siel gegaan; dan het die trotse waters oor ons siel gegaan. Geloofd sy die HERE wat ons aan hulle tande nie as buit oorgegee het nie! Ons siel het vrygeraak soos 'n voël uit die vangnet van die voëlvangers; die vangnet is gebreek, en ons, ons het vrygeraak. Ons hulp is in die Naam van die HERE wat hemel en aarde gemaak het.

[PSALMS 124:1-8 AFR53]

Die verwerkte weergawe:

'n Bedevaartslied van Dawid. As die Here nie vir my was nie - laat ek dit sê - as die Here nie vir my was toe die mense teen my opgestaan het nie, dan het hulle my lewendig verslind toe hulle toorn teen my ontvlam het; dan het die waters my oorstroom, 'n stroom het oor my siel gegaan; dan het die trotse waters oor my siel gegaan. Geloofd sy die Here wat my aan hulle tande nie as buit oorgegee het nie!
My siel het vrygeraak soos 'n voël uit die vangnet van die voëlvangers; die vangnet is gebreek, en ek, ek het vrygeraak. My hulp is in die Naam van die Here wat hemel en aarde gemaak het.
Amen.

[Dankie, Anoniem]

Oesmaande: Desember

Kerkgenotjies: Die regte resep

SA sukkel maar om by die nuwe wêreld van mededinging aan te pas. Prof. Johan Combrink, die bekende taalkundige, het die probleem kostelik in die volgende stukkie saamgevat.

'n Japanse en 'n SA-maatskappy het besluit om jaarliks 'n bootwedvaart tussen die twee maatskappye te hou.

Die dag van die wedvaart het die Japanners 'n bestuurder en agt roeiers in hulle boot gehad. Die Suid-Afrikaners het een hoofbestuurder, twee assistent-hoofbestuurders, een waarnemer en twee roeiers gehad.

Die roeiers van albei spanne het 'n manjifieke poging ingesit. Die resultaat was dat die 4 Japanners met tien lengtes gewen het. Die prysgeld is regverdig verdeel tussen almal wat 'n aandeel in die Japannese oorwinning gehad het. Onder die Suid-Afrikaners was daar groot ontsteltenis. Die maatskappy se hoofbestuur het onmiddellik 'n verduideliking geëis oor waarom hulle so verneder is.

'n Deurtastende ondersoek is gelas. Talle vergaderings is gehou. Die bestuur het besluit om buite-konsultante in te roep. Op die ou end het hulle met 'n grootse plan vorendag gekom. Belê in 'n meer vaartbelynde boot en breër roeispane, en maak dit aan die roeiers duidelik dat hulle prestasie aansienlik sal moet verbeter.

Die SA-bestuurders is beloon vir hulle uitmuntende plan. Die konsultante het 'n aardige bedraggie ontvang.

Die volgende jaar wen die Japanners die wedvaart toe met 15 lengtes.

Waarop die SA-maatskappy besluit het om sy roeiers in die pad te steek en vir die volgende jaar twee buite-roeiers in diens te neem.

[Bron: Finansies & Tegniek, 10 Maart 1995]

Ons Huis se bederfdag

Dankie aan elkeen wat só ruimhartig begedra het tot hierdie bederffunksie. Ons waardeer elkeen se bydrae om kleur aan Ons Huis-inwoners se dag te gee.

Wie van ons ken nie 'n persoon wat van kla en kerm hou nie?

DALK IS JY SELF EEN ...

* OM NEGATIEF IN DIE LEWE TE WEES OOR ALLES IS 'N KEUSE WAT JY SELF MAAK.
Ek is seker elkeen van ons het al iemand vermy wat elke dag net kla oor alles, omdat dit vir jou voel dat dit maak nie saak wat jy doen of sê nie, hulle verkies om in alles die NEGATIEWE te sien.

* DIE PROBLEEM MET 'N NEGATIEWE GESINDHEID IS ...
Jy trek mense AF na jou NEGATIEWE vlak toe, en POSITIEWE mense hou NIE daarvan om afgetrek te word NIE - hulle vermy jou liewer.
Mense wat NEGATIEF is en oor ALLES kla, doen GEEN MOEITE om iets in hulleself en hulle lewens te VERANDER NIE. Dit verg te veel energie en dis makliker om op die ou trant aan te gaan.

* NEGATIEWE MENSE LEEF NIE DANKBAAR NIE ...

Jy sien nie die mooi om jou raak nie.

Indien jy wel dankbaar is, gaan dit altyd gepaard met 'n MAAR ... 

ONTHOU:
👍 As JY 'n persoon is wat voortdurend kla en met alles foutvind, moet jy weet dat jy GEEN GELOWIGE se LIEFDE kan uitstraal na ander toe NIE.

👍 Ons Skepper het vir jou 'n BREIN, ENERGIE en KREATIWITEIT gegee, GEBRUIK dit.

👍 As JY TYD het om te KLA en KERM, dan het JY TYD om iets daaraan te DOEN. Raak stil en kom in aanraking met jou Skepper - Hy leef immers binne jou.

 
👍 Laat ons weer BEGIN om ons KLAENDE vriende opnuut AAN TE MOEDIG om saam met ONS 'n VERSKIL te MAAK.

👍 Ons kan slegs 'n VERSKIL maak, as ons met nuwe oë na die wêreld om ons kyk en die mooi raaksien.

👍 Leef dankbaar!!

Afkondiging: Welkom by die erediens

Kersfunksie: Resthaven

Foto's: Rina Groenewald

Dink hieroor: Wat beplan jy vir Desember?

Wat is op jou agenda vir die feestyd
'n Vakansie by die see, 

kuier tot jy lê, 

duur geskenke vir mekaar?

Wat van vergifnis, omgee en liefde? 

Is dit nie tyd om jou ouers of kinders te vergewe nie?

Dalk 'n oproep om te sê: "Mamma, ek is lief vir jou, no matter what!"

Kom ons begrawe die verlede, 

dit kan in elk geval nie verander word nie.

Kyk vorentoe en maak 'n hartsverskil.

Die lewe is bitter kort, 

daar's nie tyd om kwaad te bly, 

en kwaad te lewe nie ... 

Môre is dalk te laat!

Ons kan nie verwag om die Hemel ons ewige tuiste te maak,

as ons nie kan vergewe nie ...

as ons die  wrok in ons hart vertroetel en lewend hou.

Neem JY die eerste tree en wees die minste.

As God kan vergewe, 

hoekom kan ons nie?
As 'n kind van die Here, 

weet ons wat reg is.
Onthou, tyd staan nie stil nie ...

[Aangestuur]

Bybelskool: 1-5 Desember 2025

Ongeveer 60 kinders het vir hierdie wonderlike geleentheid geregistreer - evangelisasie deur kleure.  

Foto's: Ds. Ensie Enslin