 |
| Ds. en mev. Vidius Nel |
Uit die argiewe:
Ds Vidius Nel was Diamantveld-gemeente se predikant tydens Dutoitspan se eeufeesvieringe. Hy was ook die konselentleraar en daar was goeie samewerking tussen Diamantveld-gemeente en Dutoitspan. Verenigings het mekaar oor en weer besoek. Daar was tye dat Diamantveld hulle basaar op 'n Vrydagmiddag en -aand gehou het en Dutoitspan hulle s'n die Saterdag daarna. Alle bederfbare produkte wat hulle nie tydens hulle basaar verkoop het nie, het hulle dikwels aan ons geskenk - grootkoeke was gewoonlik bo-aan hierdie lysie.
In Junie 1986 kry ds. Nel 'n hartaanval op die kansel terwyl
hy 'n huweliksbevestiging lei. Hy tree op 30 Augustus 1986 met vervroegde
pensioen af en lewer op 31 Augustus, vier dae ná sy 62ste verjaardag, sy
afskeidspreek. Hy en sy vrou gaan vestig hulle in die Strand, waar hulle die
laaste agt maande van sy lewe in die Altena-aftreeoord woon. Hier is hy oorlede
op 31 Maart 2007. Ds. Dawie Scheepers lei die roudiens op 4 April 2007.
Gesinslewe
Ds. Vidius en mev. Deidré Nel toe hulle die pastoriepaar op
Somerset-Wes was. Ds. Nel is op 3 Junie 1950 in die Groote Kerk in Kaapstad
met Deidré Schoombie in die eg verbind. Hulle was 57 jaar getroud. Uit die
huwelik is vier seuns gebore. Ten tyde van ds. Nel se dood het Coligny, genoem
na sy oom, op Secunda gewoon, Johan in Johannesburg (hy was op sy dag die
jongste landdros in die land en het later as regsadviseur by Sasol gaan werk),
Ovidius in Welgemoed, Kaapstad, waar hy sedert 1997 'n stelsel-ingenieur by die
Foschini-groep was, en Marius in Francistown, Botswana.
Op 24 Januarie 1971 word die NG gemeente Diamantveld, wat in
1955 van die NG gemeente Dutoitspan afgestig het, sy sesde gemeente. Dit was
die begin van 'n besonder vrugbare bediening in die Diamantstad. As medeleraar
van Diamantveld was dit veral ds. Nel se taak om 'n deel van die gemeente voor
te berei op afstigting, want reeds twee jaar voor dit eindelik sou gebeur, het
Diamantveld se lidmate meer as 1 500 getel. Diamantveld se
 |
Mev. Deidré Nel van Diamantveld-
gemeente links voor, |
kerkraad het in
Februarie 1979 besluit om 'n beplanningskommissie te benoem met die oog op die
afstigting van die woonbuurte Monumenthoogte, South Ridge, Ronaldsvlei en
Rustic. Op 12 Oktober 1979 lees ds. Nel 'n konsepbrief aan die kerkraad voor,
gerig aan die skriba van die Ring van Dutoitspan, waarin hy vra dat Diamantveld
mag voortgaan met die afstigting. Uit die geskatte 700 lidmate van die te
stigte nuwe gemeente, steun 491 die afstigting. Ná stemming is op die naam
Kimberley-Suid vir die nuwe gemeente besluit.
 |
Ds.Vidius Nel gee 'n groeteboodskap
van die dogtergemeente tydens die
eeufeesvieringe in 1972. |
Die Ring keur die afstigting op 15 Oktober 1979 goed en die
gemeente Diamantveld besluit om R50 000, die kerkperseel en pastorie by
Kekewichrylaan 31 Kimberley, waar ds. Nel en sy gesin gewoon het, as bruidskat te gee.
Die afstigting vind op 13 November 1979 plaas, waarna die eerste kerkraad nog
die selfde dag verkies en op 18 November in hul amp bevestig word. Net mooi
sewe dae later beroep hulle ds. Nel as die gemeente se eerste leraar. Hy neem
die beroep aan en spit saam met sy vrou, Deidré, die eerste sooi van die nuwe
kerkgebou op 4 April 1981. Op 1 Augustus 1982 is dit ook hy wat die hoeksteen
onthul. 'n Week later lei hy die eerste Nagmaalsviering toe die gemeente
bestaan het uit 396 huisgesinne, 480 skoolgaande kinders, 130 voorskoolse
kinders en 300 in die N.J. Heynsskool. Die sieletal was destyds 1 670.
[Mev. Deidré Nel (nooi Schoombie) was 'n gemeentedogter van Dutoitspan.]
.png)
%20kerk%20van%20Rosestraat.jpg)
