Flitsgedagte: Hartskatte

Mandjie Hoop: Jou rigtingaanwysers

Dit is EK wat jou RED uit die NET van die voëlvanger, sê die HERE.
Jou EINDBESTEMMING is groter as wat jy BESEF.
Ek het reeds die REGTE MENSE opgelyn wat JOU moet HELP.
Verskillende RIGTINGAANWYSERS is reeds besig om vir JOU in plek te SKUIF.
Wat EK vir jou doen, is 'n DEMONSTRASIE van My GROOTHEID en ALMAG.
Ek spreek EEN WOORD en die WIEL DRAAI vir jou.
Daarom SKUD jy die KETTINGS van minderwaardigheid af.
Ek gee vir jou nuwe VLERKE vir nuwe HOOGTES.
Nuwe WYSHEID vir nuwe UITDAGINGS!
Nuwe WAPENS vir nuwe OORWINNINGS.
Nuwe VOORSIENING vir ‘n nuwe VISIE!
You are a walking MIRACLE!
Dis EK wat dit oor jou SPREEK, sê die HERE.
Jou oë AANSKOU MY HEERLIKHEID.
Ook NOU terwyl jy hier lees, ervaar jy MY intense NABYHEID by JOU.
Dankie JESUS. Amen

Gedig: Kruispad

[Opgedra aan die 2023-matrieks wat nie tevrede met hulle uitslae is nie.]

Eendag het ek by 'n kruispad gestaan ...
my oë het na alle rigtings gegaan ...
oral het skerwe van my lewe gelê ...
Ai, Vader, dit was nie wat ek vir myself wou hê ...
soos n spieël het my lewe afgespeel ...
elke hoofstuk so deel vir deel ...
ek het gebuk en 'n skerf opgetel ...
'n Stukkie van my lewe - my grootste hel ...
Ek het dit neer gegooi verder geloop ...
toe tel ek 'n skerf op en ek kry weer hoop ...
die storie het helder voor my afgespeel ...
die mooiste herinnering was in daai deel ...
ek het geloop en gesoek, waar God dan is ...
Ek wou sê daar is iets wat ek mis ...
waar Hy is as ek hom so nodig het ...
Dis toe dat ek neerval in gebed ...
"God, my pad is duister ek ken geen hoop ...
wys my die pad wat ek moet loop ...
Heer, soos U sien lê my lewe in stukke voor my ...
ek kan glad nie meer die regte rigting kry ...
ek het hopeloos verdwaal ...
Vader God, kan U my weer kom haal ...
Vader, vir so lank was ek te besig om tyd aan U af te staan ...
en nou het ek nêrens om heen te gaan ..."
Skielik hoor ek die mooiste stem en die helderste lig wat my verblind ...
dis God - Hy sê:
"Gee my jou hand en staan op my kind!"
Dankie Heer, U het my nie gelos nie
Amen!

-JJ Jacobs-

[Is daar 'n leser wat vir ons 'n skakel na die digter se werk kan gee - sodat daar erkenning aan hom/haar gegee kan word?]