Hart-afdrukke

Here, oral waar ek gaan, laat ek vingerafdrukke agter,
op die hande wat ek aanraak, op borde, mure, ruite, deurknoppe, boeke.
Daar is geen wegkomkans nie, waar ek vat,

plaas ek 'n teken van my identiteit ...

Help my Here, om vandag waar ek ookal gaan
hart-afdrukke na te laat!
Hart-afdrukke van regverdigheid en deernis,
van begrip en liefde,
van barmhartigheid en belangstelling.
Hart-afdrukke van hartlike vriendelikheid en
van opregte betrokkenheid en omgee.

 
Mag my hart 'n ander hart aanraak
en 'n afdruk laat van U liefde ...

Laat ek 'n sagte aanraking agterlaat by 'n

eensame buurman of buurvrou,

by 'n wegloopkind,

'n bekommerde ouer,

'n verstommende oumensie.

Here, stuur my vandag uit om hart-afdrukke

op mense se lewe te laat.

En as iemand sou sê:
"Jou aanraking het my vandag versterk

jou nabyheid het my vertroos",
laat hulle agterbly met die bewussyn dat dit
U liefde was wat hulle in my optrede ervaar het!!!

- Anoniem in Die Groot Gebedeboek - 

[Dankie, Anoniem, wat die fotostaat gestuur het.]

My vingerafdrukke

Here Jesus, oral waar ek gaan

laat ek vingerafdrukke na.

Op die hande wat ek aanraak,

op borde, mure en boeke.

Daar is nie wegkomkans nie,

waar ek vat,

los ek 'n teken van my identiteit.

Help my Here,

om vandag waar ek ookal gaan hartafdrukke na te laat ...

Hartafdrukke van regverdigheid en deernis,

van begrip en liefde,

van barmhartigheid en belangstelling.

Hartafdrukke van hartlike vriendelikheid

en van opregte betrokkenheid.

Mag my hart 'n ander hart aanraak

en 'n afdruk van U liefde laat.

En as iemand sou sê: "Jou aanraking het my vandag versterk",

laat hulle agterbly met die wete dat dit U liefde was wat hul in my ervaar het