Bybelskool: 1-5 Desember 2025

Ongeveer 60 kinders het vir hierdie wonderlike geleentheid geregistreer - evangelisasie deur kleure.  

Foto's: Ds. Ensie Enslin

Kantoorafsluitingsfunksie by Rooifontein

Foto's: Elsa Minne

Dankie, Dagbestuur vir 2024!

Dankie vir jul entoesiasme waarmee julle jul taak verrig het. Dankie vir al die harde werk wat julle deur die loop van die jaar ingesit het en dankie vir die geestelike voetspore wat julle laat - daar waar julle arbei. Seënwense vir hierdie Kersgety.

Foto's: Elsa Minne

Sally Aucamp se 67-minute

Ds. Ensie en Allan

Sally Aucamp se 67-minute vir Madibadag-projek is geskoei op Nelson Mandela se woorde: “Wanneer ons ons lig laat skyn, laat ons ander onbewustelik toe om dieselfde te doen.“

Allan Visagie, een van die inwoners, het hierdie projek gereël. Die doel van vandag se uitreik was om die omstandighede gemakliker te maak vir hulle wat vandag by Beaconsfield se kliniek gestaan en wag het om gehelp te word. Die koue vaal wintersdag het dadelik van kleur verander toe heerlike warm sop en toebroodjies aan die wagtendes uitgedeel is. Daar was baie honger magies wat reeds van vroeg af in die ry gestaan het. Almal het genoeg gehad en daar was nog oor. Dit laat 'n mens onwillekeurig dink aan die Bybelse vissies en broodjies

Endry Strauss en Pula
Leburu saam met
Allan.

wat aan die skare uitgedeel is en toe almal genoeg geëet het, het die dissipels nog twaalf mandjies vol kos opgetel wat oorgebly het.

Ons roeping as rentmeesters is om te dien en om 'n verskil in mense se lewens te maak. Mense wat 'n entoesiastiese en energieke Allan gehelp het om vandag die lig in ander se lewens te wees, was Rina, ds. Ensie, Endry, Pula en Daphne. Ds. Ensie het 'n relevante boodskap van bemoediging gebring. 

Sally Aucamp se hartsprojek en omgeeprojek was geseënd. Die hand van ons Hemelse Vader was so duidelik sigbaar met hierdie uitreik en daarom weet ons dat die saad wat vandag by Beaconsfield Kliniek gesaai is, vrugte sal dra.

'n Groot dankie aan elkeen wat vandag tyd en bereidwilligheid vir hierdie saak gegee het.

Foto's: Rina Groenewald
'n Vrywillige werker by Sally Aucamp.

Allan is 'n uitreiker en 'n rolmodel. Lees die artikel HIER.

Geseënde Paasfees