Statistiek: 'n Groot dankie aan al ons e-lesers

Senior gemeentelede: Geniet julle lentefunksie

Die lente van die hart:

Met die winter wat finaal agter ons lê (ons hoop so), groet ons die koue en verwelkom ons die warm, lewendige kleure van die lente. Hierdie seisoen herinner ons daaraan dat hernuwing en skoonheid nie net aan die jeug behoort nie, maar dat die hart op enige ouderdom weer opnuut kan blom.

Met die geur van jasmyn in die lug en nuwe hoop in ons harte, hoop ons dat julle hierdie funksie terdeë sal geniet en deel sal maak van julle skatkis vol herinneringe. Mag dit vir jou vandag vrede en 'n glimlag bring!

Ons seënbede vir jou
Mag die Here jou hierdie lente en die res van die jaar ryklik seën met die warmte van Sy liefde en die lig van Sy teenwoordigheid. Mag Hy elke stram lit verkwik, elke bekommernis wegneem, en jou hart vul met 'n diep, standhoudende vrede.
Soos die natuur rondom ons nuut word, bid ons dat jou gees daagliks verfris sal word met nuwe krag, vreugde en dankbaarheid vir die pad vorentoe. Blom waar jy geplant is, omring deur Sy genade.
Amen.

Kerkgenotjies: Blondines voer nog steeds die botoon ...

* Twee blondines staan in die stort:

Blondine 1: "Leen my jou sjampoe, asb."
Blondine 2: "Gebruik jou eie sjampoe."
Blondine 1 : "Ek kan nie - op die houer staan "VIR DROË HARE" en my hare is nou sopnat!"

* Twee blondines staar na die volmaan:
"Dink jy daar's lewe op die maan?" vra die een.
"Moet wees - daar skyn dan 'n lig!"

* Blondekopdogtertjie aan haar pa: "Pa, Meneer sê dat ons voorouers almal ape was."
Pa baie verontwaardig: "Jóú voorouers mag dalk ape gewees het, maar myne was beslis nie." 

* Die blondine se werkgewer roep haar kantoor toe.
"Jy is afgedank," sê hy.
"Maar ek het niks gedoen nie," protesteer sy.
"Dis presies die probleem!" bulder hy.

Afkondiging: Uitnodiging na eerskomende Sondag se erediens

Eendag gaan ons besef ...

Eendag gaan ons besef
dat die lewe nooit oor die groot goed gegaan het nie.

Dit was die koffie in die oggend.
Die lag in die kombuis.
’n Kind se arms om jou nek.
’n Hond wat wag by die deur.
’n Liedjie wat jou vir ’n oomblik terugvat
na ’n tyd toe alles nog eenvoudig gevoel het.

Ons jaag so baie na môre
dat ons vergeet om vandag raak te sien.

Want die waarheid is ...
ons kry nie een van hierdie dae terug nie.

So sê vandag vir iemand jy is lief vir hom.
Hou jou kind ’n bietjie langer vas.
Bel jou ma of pa.
Gaan sit langs jou vrou.
Lag harder.
Kyk op wanneer die son sak.

Want later, wanneer die huis stil geword het
en die mense wat jy liefhet nie meer daar is nie,
sal jy besef ...

Die grootste rykdom wat jy ooit gehad het,
was nie wat jy besit het nie.

Dit was die mense
wat saam met jou deur die lewe gestap het.

En miskien is dit al wat die lewe eintlik van ons vra:
Moenie so besig wees om te oorleef,
dat jy vergeet om te leef nie.

[Dankie, Rosetta Venter]

Die Meesterplan: Maak toe jou oë en luister …

Hoor jy dit?
Hoor jy hoe waai die wind?
Hoor jy God se sagte stem?
Hy wil hê jy moet luister.
Hy wil weet dat jy luister.
Luister ‘n bietjie harder!
Luister met jou hart.
Hy wil nuwe vuur in jou inblaas.
Hy wil in elke dimensie van jou lewe, 

nuwe lewe bring.
Hy wil jou vul met Sy krag en jou
nuwe stamina gee.
As Hy weet dat jy luister,
praat Hy anders ...
Luister ...
Vra Hom vir nuwe Woord,
vars en nuwe openbarings.
Vra Hom vir antwoorde.
As jy mooi luister,
sál jy vandag nog die
antwoorde kry!
Mag Sy wind deur jou waai!
Mag daar ‘n nuwe VUUR in jou brand, 

wat niks en niemand sal kan blus nie.
Mag jy toeneem in krag en bonatuurlike stamina en 

terugkyk op al die stil gevegte wat God vir jou gewen het!
Mag jy vandag nog die antwoorde kry waarop jy gewag het.
Mag jy in Sy liefde rus, met jou ore in afwagting vir Sy stem ...

Aan God al die eer!! 

[Kyk weer na die tema van hierdie week: Alles kom uit Hom, bestaan deur Hom en is tot sy eer (Ons Skeppingsdoel: Om God te verheerlik)

* Aangestuur

Die Meesterplan: Leesrooster-reis (Week 18 - Donderdag)

4.1.4 Of jy eet of drink of enigiets doen ... (Ons Skeppingsdoel: Om God te verheerlik)

Klik HIER en kyk na die video. 

Videotoeligting tot: 

DIE MEESTERPLAN-LEESROOSTER 4.1.4 

Hoofstuk 4: Leef Verheerlikend (leitourgia) 

Week 1: Ons Skeppingsdoel: Om God te Verheerlik 

Dag 4: Of jy eet of drink of enigiets doen — doen alles tot eer van God. 

Lees: 1 Kor. 10:31-11:1 

Oordink: 

Wat beteken dit prakties indien elke faset van my daaglikse lewe God se eer ten doel het? Of is Paulus se stelling maar net geestelike mooipraatjies?

 

Skakel na WhatsApp-groep vir daaglikse Bybelstudie-inligting:
Klik HIER.

Die Meesterplan - Dr. Frans Hancke 

Kopiereg: 2026 DiePLAN

Alle regte voorbehou 

Dink hieroor: Dit is só kosbaar ...

Hoe kosbaar het God ons gemaak om te blom met dit wat Hy in elkeen van ons gedeponeer het - dit vloei natuurlik uit jou uit na ander om jou.

Die Meesterplan: Leesrooster-reis (Week 18 - Woensdag)

4.1.3 Alles kom uit Hom, bestaan deur Hom en is tot sy eer (Ons Skeppingsdoel: Om God te Verheerlik)

Klik HIER en kyk na die video. 

Videotoeligting tot: 

DIE MEESTERPLAN-LEESROOSTER 4.1.3 

Hoofstuk 4: Leef Verheerlikend (leitourgia) 

Week 1: Ons Skeppingsdoel: Om God te Verheerlik 

Dag 3: Alles kom uit Hom, bestaan deur Hom en is tot sy eer. Dis die grondtoon van lewe. 

Lees: Rom. 11:33-36 

Oordink: 

Tot watter mate word Paulus se siening van God (God-beskouing) en sy siening van die mens (mens-beskouing) duidelik in hierdie verse? Hoe sou jy sy siening beskryf?

Die Meesterplan - Dr. Frans Hancke 

Kopiereg: 2026 DiePLAN

Alle regte voorbehou

Afkondiging: Besoek Sally Aucamp

Kom kuier gerus saam met ons om 11:00!

Mossiestilte: Hooglied 2:11-12 - Lente 'n nuwe seisoen

"Want kyk, die winter is verby, die reëntyd is oor, dit het verbygegaan. Die bloeisels word gesien in die land, die sangtyd het aangebreek, en die tortelduif laat sy stem hoor in ons land."

• Septembermaand is lente en ons verklaar dat die winter verby is. Winter is een van daardie seisoene waarvan niemand hou nie.
• Net so het ons ook seisoene in ons lewe. Wintertye is gewoonlik die tyd wanneer dit nie goed gaan nie en jy voel alles is teen jou, maar dit is eintlik die belangrikste tyd.
• In hierdie tye moet jy vasstaan in jou vertroue in die Here. Die Here bou jou karakter en versterk jou geloof, want elke seisoen het 'n einde.
• Na die winter het ons lente - dan begin alles groei - die gras is weer groen na die eerste reën en plante en bome begin blom. Net so verander jou seisoen as jy vasstaan in jou geloof en die Here vertrou.

Here, dankie vir al die seisoene in my lewe waar my karakter gebou word en dit my geloof versterk. Lei my in die lenteseisoen van my lewe waar ek die vrugte pluk van die saad wat gesaai is. In Jesus naam. Amen.

Die Meesterplan: Leesrooster-reis (Week 18 - Dinsdag)

4.1.2 Die hemel getuig van God se heerlikheid ... (Ons Skeppingsdoel: Om God te Verheerlik)

Klik HIER en kyk na die video. 

Videotoeligting tot: 

DIE MEESTERPLAN-LEESROOSTER 4.1.2 

Hoofstuk 4: Leef Verheerlikend (leitourgia) 

Week 1: Ons Skeppingsdoel: Om God te Verheerlik 

Dag 2: Die hemel getuig van God se heerlikheid — die hele skepping is ’n loflied. 

Lees: Ps. 19:1–7 

Oordink: 

Luister na die stem van die skepping. Waarheen wys hierdie loflied jou uiteindelik?

Die Meesterplan - Dr. Frans Hancke 

Kopiereg: 2026 DiePLAN

Alle regte voorbehou 

Verjaardagwense

Mandjie Hoop: TEL op jou kop, sê die HERE

Tel op jou KOP en KYK die wêreld vierkantig in die OË. 

Daar is nie ‘n manier dat jy ooit hoef SKAAM te wees of weg te KRUIP nie. 

Nie ‘n manier om MINDERWAARDIG of afgeskeep te voel nie. 

Lig op jou kop. 

EK het jou beklee met GODDELIKE EER en WAARDIGHEID, sê die HERE. 

Jy het nie enige mens se goedkeuring of kompliment nodig om jou SPESIAAL te laat voel nie. 

Jy is SPESIAAL omdat die ALLERHOOGSTE GOD so sê. 

Hy het jou GEMAAK en Hy weet PRESIES hoe KOSBAAR en SPESIAAL Hy jou GESKAPE het. 

Hy beskou elke mens as Sy meesterlike KUNSWERK. 

Daarom is jy ‘n TOONBEELD en REFLEKSIE van jou WONDERLIKE VADER. 

Jy is na SY BEELD geskape en Hy is baie TROTS op Sy kosbare KIND. 

Dankie JESUS. Amen

Die Meesterplan: Leesrooster-reis (Week 18 - Maandag)

4.1.1 Die hele skepping getuig van God se majesteit ... (Ons Skeppingsdoel: Om God te Verheerlik)

Klik HIER en kyk na die video. 

Videotoeligting tot: \DIE MEESTERPLAN-LEESROOSTER 4.1.1 Hoofstuk 4: Leef Verheerlikend (leitourgia) 

Week 1: Ons Skeppingsdoel: Om God te Verheerlik 

Dag 1: Die hele skepping getuig van God se majesteit — daarom kom ons voor Hom in aanbidding en erkenning van sy heerlikheid. 

Lees: Ps. 29:1–11 

Oordink: 

As die Bybel beklemtoon dat die hele skepping van God se heerlikheid en majesteit getuig, wat impliseer dit vir my as skepsel wat na sy beeld geskape is?

Skakel na WhatsApp-groep vir daaglikse Bybelstudie-inligting:
Klik HIER.

Die Meesterplan - Dr. Frans Hancke 

Kopiereg: 2026 DiePLAN

Alle regte voorbehou  

Seënbede: Mag jy vandag geseën word ...

God sal ons seën,
en al die eindes van die aarde sal Hom vrees.
Psalm 67:8

Die Meesterplan: Simboliek van agtergrond prent van hierdie week

Die stralende lig simboliseer God se heerlikheid waaruit alles ontstaan en waardeur alles bestaan.

Die lig vloei deur mense én die hele skepping, wat weerspieël dat alles uiteindelik tot God se eer bestaan.

Die menslike figure in aanbidding wys dat ons, as mense wat na God se beeld geskape is, nie net God se heerlikheid ontvang en weerspieël nie, maar Hom bewustelik eer en aanbid.

Die lig wat deur mense, diere, natuur en water voortvloei, verbind die hele skepping in één loflied: alles wys terug na die Een uit wie, deur wie en tot wie alles is.

Die donkerte rondom die beeld beklemtoon die kontras met die goddelike lig en laat die kernboodskap uitstaan: ons skeppingsdoel is om God se heerlikheid in die hele lewe te weerspieël en Hom daarin te verheerlik.

Flitsgedagte: Genade

Mossiestilte

God en die mens ... die mens is skepsel van God. Die mens is ‘n nietige wese, maar o tog, soms só uitgesproke! Kom jy ook agter hoe ongelooflik uitdagend sommige mense met God raak? Ons as mens is aanhoudend besig om ons posisie teenoor God te probeer vind, en ons raak soms só aanmatigend. Aan die een kant is daar die ongelowiges wat blatant die Here belaster, Sy Godheid van die tafel probeer afvee, mense wat hulleself openlik as ateïste verklaar, en uiters roekeloos met die Here omgaan.

Toe besef Job waar sy plek is, en hy blaas die aftog. En waar los dit ons vandag?

• Ek dink ons moet verstaan dat God die hele prentjie sien en weet waarmee Hy besig is.

• God is ‘n soewereine God, en maak wat Hy die beste weet. Ons kan seker sê: Hy kan maak wat Hy wil, want Hy is God.

• God se weë maak nie altyd vir ons sin nie. Hoe sal ons Sy bedoelinge verstaan, as ons nie eers die bedoelinge van ander MENSE verstaan nie.

• God is ten volle in beheer, al dink ons nie so nie.

• God is altyd betyds, al dink ons nie so nie. Sy tyd is nie ons tyd nie!

• Hy is vir ons géén verduideliking verskuldig nie, al sukkel ons om Sy motiewe in ons lewe te posisioneer.

• Die Here het altyd net die beste vir ons in gedagte, en Hy vorm ons deur vreemde situasies.

• Hy is ons vriend, en meer werd as enige vriend op aarde. Ons kan met enige situasie na Hom toe gaan, Hom enige iets vra en alles vertel. Maar ... met eerbied en respek.

• Sy eer kan nooit deur ‘n mens in gedrang gebring word nie. Al dink ons so. En ons kan nie Sy eer verdedig en beskerm nie, al wil ons. Hy is God.

• Sy troonkamer is ‘n heilige plek, maar ons het vrye en volle toegang. Ons kan op Sy skoot gaan klouter, en teen Hom vas nestel. Maar steeds buig ons die knie as ons daar ingaan. Ons doen dit met vreugde. Die ongelowige sal ook ‘n draai daar gaan maak met die oordeel, maar vir hulle sal dit met trane en tande kners gepaard gaan.

Vrees, eerbied, ontsag, respek, liefde, koestering, warmte, eenheid, sagtheid  ... dis lekker by HOM.  

Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)

Kerkgenotjies: Die blondine-grappies bly maar gewild

* Die blondine stap een Saterdagmiddag by Fruit &Veg in:
Verkoopsman: "Middag, Dame, kan ek help?"
Blondine: "Ja, asseblief, ek het 'n braai vanaand en wil 'n ou slaaitjie maak en is op soek na ses prokureurspere."
Verkoopsman: "Wat op aarde, dame, is prokureurspere? Ons het nie dit op ons rakke nie."
Blondine: "Ja, man, daardie groen goed met die groot pit in die middel!"
Verkoopsman: "Oooo, u bedoel avokadopere?"
Blondine: "Ja man, een of ander wetlike pere, gee vir my ses!"

* Twee blondines ry fiets:
Die een hou stil en begin die lug uit haar fiets se bande te laat.
"Wat maak jy nou?"
"My saal is te hoog!"

 

* Die ander blondine begin om haar fiets se handvatsel en saal om te ruil:
"En wat maak jy nou?"
"Jy's te onnosel - ek het besluit om terug huis toe te ry!"