Ons lewens is soos kombuisvloere ...

Ek was vanoggend die kombuisvloer en 'n gedagte neem vorm in my kop. 

Is ons lewens nie maar soos kombuisvloere nie? 

* Ons word gewas, want ons is vuil.

* Soms is ons nog "nat" en terwyl ons nat is, stap iemand oor ons pad en los 'n modderspoor, en God kom en was ons weer skoon. 

* Maar soms los ons die vloer vuil en ons laat toe dat baie meer vuil ingetrap word en eendag dan gaan ons op ons knieë en dan vra ons Jesus, was my Lewe Skoon, en die harde mop word ingespan en die ou vuilgoed word afgeskrop en die trane rol en die pyn is groot maar die vloer kom skoon. 

* Dan word dit jou keuse - ‘n keuse of jy die vloer gaan skoon hou en of jy gaan toelaat dat die vuil spore weer ingetrap word.

* Maar wees nie bekommerd, want wanneer jy die vloer weer laat vuil word, draai Jesus die Krane van Genade weer oop en Hy skrop jou weer skoon. So groot is Sy genade en die ammoniak wat uit Sy woord vloei en jou ontsmet en skoon was, maar wees gewaarsku, as jy die emmer nie vol hou en die waslap byderhand hou en op die knieë gaan en "was" nie, gaan nog vuil voete oor jou vloer trap ...

Wees geseënd ... wees nederig ... wees dankbaar ... en onthou ... 

Jou Bybel is jou onuitputlike bron van skoonmaak ... 

Moenie jou botteltjie cleaner in die kas bêre, toegemaak vir die vuilste vloer of vuilste bak skottelgoed nie, haal dit gereeld uit en maak elke dag skoon ... elke dag Bybel lees ... elke dag bid ... elke dag vertrou op Jesus, want Hy is by jou elke dag.

[Aangestuur]

Is dit nie wonderlik nie?

 Hoe sien ander ons gelowiges versus ongelowiges.

Lank gelede was daar ’n man wat graag die verskil wou weet tussen die gelowiges en die ongelowiges want dit wat hy in die alledaagse lewe kon sien het vir hom geen aanduiding gee van die verskil nie.

Albei groepe het baie seëninge ontvang soos gereelde reëns, suksesvolle oeste, geen groot teëspoed nie.
Hy het ernstig gebid dat hy die verskil tussen die twee groepe kon verstaan.

Eendag terwyl hy in die veld wandel kom daar ’n engel na hom en deel hom mee dat hy gestuur is om aan hom te toon die verskil tussen die gelowiges en die ongelowiges. Die engel het hom weggevoer en aan hom gesê dat hy hom eers gaan wys hoe is dit gesteld met die ongelowiges.

Hulle het in ’n groot vertrek gekom waar daar baie mense rondom ’n groot pot met bredie gesit het. Elkeen was uitgehonger en desperaat om van die bredie te eet.

Elkeen het ’n lepel gehad wat tot in die pot kon bykom maar die lepel se steel was langer as hul eie arm gewees en hulle kon die kos skep maar hulle kon nie die kos in hul mond kry nie ...

Die leiding was verskriklik gewees.

Die engel neem die man en sê, “Kom, nou sal ek jou die gelowiges gaan wys.”

Hulle het ’n ander vertrek binnegegaan, soortgelyk aan die eerste vertrek, die mense om die pot bredie, die lang steel lepels. Maar almal was gelukkig en goed gevoed.

“Ek verstaan dit nie” sê die man. “Hoekom is die klomp hier so gelukkig en opgeruimd terwyl die ander in die eerste vertrek verhongerd en misrabel is terwyl alles dieselfde is?”

Die engel glimlag. “Ah, dis baie maklik,” sê hy. “Hier het hulle geleer om mekaar te voed met die lang steel lepels.”

GOD het ons hierdie wonderlike aarde gegee ... om daar te wees vir mekaar ... mekaar te help ten alle tye!

God is liefde

God het my in sy hart, al het ek Hom nie in my hart nie.

Daarom hou ek my hart na Hom uit en ek sê: "Here, wát my hart ook al tot nou toe gevoel het, stuur U liefde deur hom."

Ek hou my gedagtes na Hom uit en ek sê: "Here, wát my gedagtes tot nou toe ook al bedink het, stuur U gedagtes deur hulle."

Ek hou my hande na Hom uit en ek sê: "Here, wát my hande ook al tot nou toe gedoen het, werk U deur hulle."

Want ek weet dat Hy nie Sy krag net aan die sterkes gee nie, dat Hy nie Sy wysheid net aan die wyses gee nie, ook nie Sy vreugde net aan dié wat vreugdevol is nie, of Sy seëninge net aan hulle wat geseënd is nie.

God help my nie oor wat ék is nie.

Hy help my oor wat Hy is.

God is LIEFDE.

[Dankie, Ann, vir die deel.] 

2026-seënwense

# Ek seën jou met die vreugde van guns in God se oë en ook in die oë van ander.

# Ek seën jou met mense wat om jou inskuif en jou hande oplig en 'n pad saam met jou begin stap.

# Ek seën jou met goddelike vriendskappe, mense wat jou sal aanmoedig, en jou droom met jou sal deel.
# Ek seën jou met 'n sagte hart, 'n hart vol liefde.
# Ek seën jou met God se wysheid in elke besluit van jou lewe.
# Ek seën jou met God se leiding, Sy guns en Sy genade oor jou.
# Ek seën jou talente, jou gawes en jou verhoudings.
# Ek seën jou finansies, jou besigheid en jou denke.
# Ek seën jou gees, jou siel en jou liggaam.
# Ek seën jou lewenstaak met vreugde, harmonie en liefde.
# Ek seën jou gesin, familie en jou drome.
# Ek seën jou om jou ware identiteit te vind in Christus.
# Ek seën jou met die wete dat jy 'n Vader het wat jou innig lief het, dat niks wat jy kan doen Hom liewer kan maak vir jou nie, ook nie minder nie.
# Ek seën jou om daagliks Sy voorsiening te beleef, Sy totale beskerming en Sy doel vir jou lewe.
# Ek seën jou met die wete dat niks in jou lewe, verlede of toekoms jou kan skei van die liefde van God nie.

"Die Here sal jou seën en jou behoed;
Die Here sal Sy aangesig oor jou laat skyn en jou genadig wees;
Die Here sal Sy aangesig oor
jou verhef en aan jou vrede gee"

Geseënd is jy, geliefde van God! Geseënde 2026!
Ontvang die seën in die Naam van Jesus Christus!

[Ek deel graag hierdie seënwense van Ella Goosen met almal wat hierdie blog besoek!]

Kerswense vir 2025

Jy is gebore om ...

'n seën te wees vir ander!
Dalk besef jy dit nie altyd nie,
Maar jy het iets spesiaal om aan ander te gee.
En daardie iets spesiaal is jouself:
* Jou glimlag ...
* Jou vriendelikheid ...
* Jou aanmoediging ...
* Jou positiewe energie ...
* Jou omgee ...
* Jou begrip ...
* Jou onvoorwaardelike aanvaarding ...

* Jou luistervermoë ...  
Hierdie is seëninge wat elke mens op aarde kan gee ...
Dit kos jou nie 'n sent nie ...
Maar dis goud werd vir ander ...
En vir jouself.
Die gelukkigste mense op aarde,
is mense wat liefde & geluk bring aan ander.

Ek LEWE in GENADE

Ons swem in die seën van God,
swem in voorspoed,
swem in geluk en blydskap en
swem in die liefde van ons Almagtige Vader!
Dit is somtyds net nodig dat ons stop en dit raaksien!
Somtyds is dit selfs nodig dat ons so ‘n tydjie afknyp om God te dank daarvoor.
Wees jy nou die klein vissie en gaan vertel jou vriende waarmee God jou VANDAG geseën het!
Ek het vandag ‘n werk, kos, klere, gesondheid, ‘n dak oor my kop, familie, vriende en ek ervaar liefde.

Ja, ek LEWE in GENADE!!

Tiendemaand: Ons sê dankie!

Tiendemaand: Ons sê dankie!

Tiendemaand: Ons sê dankie!

Mandjie Hoop: Jou ou seisoen sal tot 'n einde kom ...

"Daar is ’n vaste tyd ('n nuwe seisoen) vir alles, elke ding onder die son het sy tyd:" (Pred. 3:1 NLV)

• As daar iets is wat ons as mens voortdurend mee sukkel, is dit om geduldig op die Here te wag vir sy perfekte tyd. Ons moet leer om lankmoedigheid toe te pas.
• Vir Dawid was sy seisoen as skaapwagter klaar, want die Here het koningskap vir hom beplan.
• Vir Rut wat in die velde gewerk het, is haar seisoen verander sodat sy die eienaar van daardie velde geword het.
• Die een seisoen het Job alles verloor en die volgende seisoen gee die Here dubbel aan hom wat hy verloor het.

Liewe leser, hou vas aan die Here en moenie moed te verloor nie. Jou seisoen sal ook tot ‘n einde kom.
Die Here maak gereed om jou te seën bo alle verwagtinge wat voorlê, daar is ‘n nuwe seisoen vir jou lewe.

Gebed: Here, vergewe my vir die tye wat ek mismoedig raak en nie geduldig wil wag op U tyd nie. Lei my om geduldig te wag op my nuwe seisoen met lankmoedigheid. Amen

Mandjie Hoop: Ek is God se kind ...

Ek glo nie net in Jesus nie,

maar - 

ek aanbid Hom

ek vertrou Hom

ek is lief vir Hom

Ek volg Hom 

Ek preek Hom

Ek deel Hom

Ek dien Hom

Ek is God se kind!

Maklik vs. Moeilik

Waarom is dit so moeilik om die waarheid te praat 

en tog so maklik om 'n leuen te vertel?
Waarom word ons so vaak in die kerk,

maar skielik nugter wakker onmiddellik na die preek verby is?
Waarom is dit so moeilik om oor God te praat,

terwyl dit maklik is om oor lelike dinge te praat?
Waarom is dit so vervelig om in 'n Christelike tydskrif te lees, 

maar soveel makliker om in 'n smerige een te kyk?
Waarom word 'n e-pos met 'n godvresende strekking so maklik uitgewis, 

terwyl ons al die smeriges aanstuur?
Waarom word die kerke al hoe kleiner,

terwyl die kroeë en klubs al groter word?

Die keuse is joune en joune alleen.
Mag God jou bewaar en jou seën.

Gebed: Krag vir vandag

Here, gee ons krag vir vandag,
wees ons opgeeharte genadig.
U weet hoeveel moed dit vat om oor te gee,
U weet alleen waar ons vandaan kom,
hoe swaar ons dra aan alles,
laat moed ons opgee se hand vat
sodat ons saam ‘n nuwe lewe kan begin.
Neem ons vrees en maak ons dapper
sodat ons die lewe kan leef
wat U vir ons beplan het
volgens U wil en vir U.
Help ons asseblief, Here,
niks is by U onmoontlik nie.
Maak ons hart stil
sodat ons U stem kan hoor.
Amen

Mandjie Hoop: Geluk ...

As jy vir 'n uur gelukkig wil wees,

knip 'n uiltjie.

As jy vir 'n dag gelukkig wil wees,

gaan vang vis.

As jy vir altyd gelukkig wil wees,

help iemand anders. 

Plant glimlagte.

Kweek vreugde.

Oes liefde.

Ps. 89:2

Ek wil altyd sing van die goedheid van die Here.

Gebed: ’n Ou Fransiskaanse seën

Mag die Here jou seën met ongemak oor maklike antwoorde,
halwe waarhede en oppervlakkige verhoudings
sodat jy uit die diepte van jou hart kan leef.

Mag die Here jou seën met woede oor onreg,
onderdrukking en die uitbuiting van mense
sodat jy kan werk vir geregtigheid, vryheid en vrede.

Mag die Here jou seën met trane om te stort vir mense
wat pyn, verwerping, honger en oorlog ervaar
sodat jy ’n hand kan uitreik en hulle pyn in blydskap verander.

En mag God jou seën met genoeg dwaasheid om te glo
dat jy ’n verskil in die wêreld kan maak
sodat jy dinge sal kan doen wat ander mense dink nie gedoen kan word nie.

Mandjie Hoop: Wees 'n seën

Mag God se guns op jou wees,
Mag God se guns op jou oorloop van generasie tot generasie.
Mag God jou behoed en jou seën.
Mag Hy tot julle redding veskyn en vir julle bonatuurlike vrede gee.
Mag Hy jou en jou familie bewaar waar julle ookal gaan.
Mag Hy julle genadig wees.
God die Almagtige sál jou seën en
jy sál ‘n seën wees vir almal op jou pad.
Hy is by jou, Hy is met jou,
elke sekonde van die dag.
In die kosbaarste Naam van Jesus Christus!

'n Gedagte om die week mee te begin

Wanneer jou omstandighede jou in 'n hoekie vasdruk -

Stel jou vertroue in God:

* Hy is ons Hulp
* Hy is ons Rotsvesting
* Hy is ons Skuilplek

as storms dreigend rondom ons woed. 

Wees geseënd en wees ook 'n seën vir ander in hierdie nuwe dag en nuwe week wat ons onverdiend uit die Vader se hand ontvang.

Mandjie Hoop: Wees 'n seën vir ander

Ons is geseënd om 'n seën te wees.

Kom ons wees vandag 'n seën vir iemand

en vervul die belofte in die Psalm 67:

"Mag God ons genadig wees en ons seën; mag Hy sy aangesig by ons laat skyn! Sela. Sodat die mense op aarde u weg kan ken, onder al die nasies u heil."

Mandjie Hoop: Mag jy geseënd wees ...

Mag jy geseënd wees wanneer jy opstaan.
Mag jy geseënd wees wanneer jy gaan slaap.
Mag God Sy Engele opdrag gee om jou te beskerm waar jy gaan.
Mag Sy vreugde en vrede jou verkwik
en mag jy daagliks Sy Sabbatsrus beleef.