Uitreik: Wat moet ons doen?

Ons moet mekaar liefhê 

met die Liefde wat God vir ons gee.

Ons moet mekaar vergewe 

soos God ons vergewe.

Ons moet vir mekaar bid,

sodat God ons kan beskerm 

teen die gevaar dáárbuite. 

Ons moet die Woord deel

met hulle wat ons pad vandag kruis.

Uitreik: Enigste hoop vir die toekoms

In hoofstuk 1:16 skryf Paulus aan die Romeine: "Ek skaam my nie oor die evangelie van Christus nie, want dit is 'n krag van God tot redding vir elkeen wat glo, eerste vir die Jood en ook vir die Griek."

In Paulus se dae het die Grieke meer in poësie en filosofie belanggestel as in iets anders. Dié soort godsdiens wat hulle maklik kon aanvaar, was "verlossing deur kennis," omdat hulle gehou het van enigiets wat met wysheid te doene gehad het. Toe Paulus dus gespreek het oor verlossing deur geloof in Jesus Christus wat gekruisig is, het die Grieke hom vir 'n dwaas aangesien.

Die Jode daarenteen, het belanggestel in die leerstelling van die "verlossing deur werke." Hulle het gedink dat hulle as uitverkore volk gered sou word deur die formele nakoming van die tien gebooie en seremoniële wette. Toe Paulus hulle op die dwaling wys en dit beklemtoon dat hulle slegs deur geloof in Jesus Christus gered kon word, het hulle hom gehaat. Vir hulle was die evangelie 'n struikelblok.

Daar is vandag nog 'n groep mense wat soos die Grieke van destyds bloot belangstel in die sogenaamde wetenskap, en die filosofie aanhang wat God ignoreer. Daar is hulle wat liewer die evolusieleer ondersteun en grade toeken aan mense omdat hulle sulke leuens glo, as om God as Skepper te erken en te gehoorsaam. Hulle verag die Kruis-evangelie en beskou die Christelike geloof as dwaasheid.

'n Ander groep glo dat Jesus Christus 'n geskiedkundige persoon en profeet was, maar omdat hulle gemaklik wil lewe en die wêreldse dinge wil geniet, weier hulle om Hom as Verlosser aan te neem. 

Daar is ook diegene wat 'n hekel het in mense wat die waarheid van die evangelie aan hulle wil openbaar, omdat dit hulle rus verstoor. Die evangelie is vir hulle 'n struikelblok.

Tog bly die evangelie die enigste hoop in die deurmekaar wêreld en vir die toekoms.

Ons is die draers van die Evangelie en as ek nie 'n aktiewe dissipel is nie, hoe gaan hierdie verlossingsboodskap by my familie, my buurman en my medemens uitkom nie. 

Daar is nie meer tyd om te sit en wag vir ander om dit te doen nie - die tyd is min!

Getuienis-uitreik:

Wanneer: Getuienis-uitreike vind Sondae direk na die erediens plaas.

Kontak Coen by: 082 821 0217 vir verdere inligting.

[The Railway Messenger  July 1985 - Tekens van die tye] 

Uitreik: 'n Treffende preek

In Nu-Mexiko loop die spoorlyn deur talle Indiaanse nedersettings, en by elke stasie word die treine oorval deur Indiane wat hulle produkte te koop aanbied.

Terwyl 'n paar passasiers besig was om die ware van 'n Indiaanse meisie te koop, het iemand skertsend opgemerk: "Toeriste word oral berowe. Maak julle klaar om bedroë daarvan af te kom."

"Ek bedrieg niemand nie," het die meisie geprotesteer. "Ek maak self hierdie mandjies, en dit neem my baie dae om hulle klaar te kry."

"Toemaar," het die persoon ongeërg voortgegaan, "almal sê dieselfde. En waarom sal julle ook nie kul nie? Ek sou dieselfde gedoen het as ek in julle plek was."

Sonder aarseling het die meisie se antwoord gekom: "'Wat sal dit 'n mens baat as jy die hele wêreld win en aan sy siel skade ly? Of wat sal 'n mens gee as losprys vir sy siel?' Dit is wat ons in die Sendingskool geleer het, en ek sal nie lieg nie, al moet ek ook honger ly."

"Dit was nie 'n lang preek nie, maar dit het getref," was die kondukteur se opmerking toe die trein uit die stasie beweeg.  

Getuienis-uitreik:

Wanneer: Getuienis-uitreike vind Sondae direk na die erediens plaas.

Kontak Coen by: 082 821 0217 vir verdere inligting.

Flitsgedagte: Hartskatte

Straatuitreik: 'n Voorbeeld van 'n boemelaar

Hy sien hom sit - moeg, moedeloos en verwaarloos.

Hy stap oor die pad na dié boemelaar wat sku langs die gebou sit. Half verskuil teen die ongenaakbare wind. Hy gee vir die persoon die boks met die oorblywende pizza wat hy wou huis toe vat. Die man is sigbaar dankbaar en begin dadelik eet.

Terwyl die man nog besig is, kom 'n persoon van die anderkant aangestap en vra vir die boemelaar ’n stukkie pizza. Sonder enige huiwering, gee die boemelaar vir hom ’n stuk en sit en smul die twee vreemdelinge lekker.

Dis ’n eenvoudige verhaal van ’n boemelaar wat honger ken, wat weet hoe dit voel as iemand jou uitskel en wegjaag, wat weet wat dit is om soos ’n hond behandel te word. Al het hy min, deel hy graag, want hy wil nie ander mense soos ’n hond laat voel nie.

Op ’n manier het die omstandighede waarin die boemelaar is, hom gevorm. Op ’n manier het God die omstandighede gebruik om hom te vorm. Op ’n manier het God hom vaardighede gegee om goed te doen aan ander, al sit hyself nie goed daarin nie.

Ons groot gemeenskaplike doel op aarde is om ’n verskil te maak. Orals waar ons gaan, wil God ons gebruik om ander mense se lewens te verryk. God wil ons gebruik om goed te doen. 

Hiervoor hoef ons nie eintlik te gaan swot nie. Ons hoef nie spesiale kursusse te volg om dit te doen nie. Nee, God gebruik die omstandighede om ons te vorm, sodat ons hierdie gawe van uitreik en goed doen, wat ons ook van Hom ontvang het, te kan deel.

Ons elkeen is gebore met ’n gawe, sommige het meer gawes as ander gekry, sodat ons vir ander die lewe 'n bietjie makliker en lekkerder kan maak. Dit is outomaties deel van die pakkie. Maar op ’n manier kry sommige dit reg om dit onder ’n emmer te sit en nie ’n stukkie van hul pizza te deel nie.

'n Mens wonder hoekom sal ’n boemelaar ’n stukkie van sy min deel en die restaurant-klante, wat oorgenoeg het, die ander se honger nie raaksien nie of net ’n veer daarvoor voel?

Ons los voetspore in harte van mense - veral hulle wat minder as ons het.

Ons spore is net aan ons geleen

Die spore van gister lê oral om ons heen.

Ons almal het spore wat ons leen.
Ons spore van gister is daar gelaat en dalk al toegemaak.
Môre se spore is die gister se spore van vandag.
Ons spore lê soms diep en ons spore lê soms vlak,

maar 'n spoor is daar!
Ons spore bly soms agter op iemand anders se hart ...
Daardie spore van 'n liefdeshart.
Elke mens het 'n spoor en elke mens het seer,

maar daar is 'n rede vir jou spoor.
Daar kom spore oor ons pad wat diep aan ons hart vat.
Dit is soos gegote spore in die beton van ons hart.
Soms, as ons omkyk, is ons spore alleen ...
Dan wonder ons waar is die ander spore heen.
En besef ons ... ons spore is net geleen ...

[Oorgeneem: internet]

Remember ...

Covid-19-oordenking 17

Ds. Ensie Enslin van Dutoitspan-gemeente doen vanaand die oordenking.

Tema: Ons Huwelik vir Christus

Aandtema: (Inleiding) Hoe sien jy & ek die Huwelik?

Dutoitspan-seënwense.

Oordenking 13 April 2020 (Druk op die woord "oordenking" om die boodskap van ds. Ensie Enslin te aktiveer)

Covid-19-oordenking 16

Ds. Ensie Enslin doen vanaand die oordenking.

Tema: Stille Saterdag van verslaenheid

Skriflesing: Lukas 23

Dutoitspan-seënwense.

Oordenking 11 April 2020 (Druk op die woord "oordenking" om die boodskap van ds. Ensie Enslin te aktiveer)

Covid-19-oordenking 15 - aand

Luister gerus vanaand na ds. Ensie Enslin se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore

Skriflesing:  Johannes 19:38-42

Dutoitspan-seënwense.

Oordenking van 11 April 2020 (Druk op die woord "oordenking" om die boodskap van ds. Ensie Enslin te aktiveer)

Covid-19-oordenking 15 - oggend

Luister gerus vanoggend na ds. Rian Jansen van Vuuren van Kimberley Christen Netwerk se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore 

Vandag se tema: Voetspore van Jesus na die kruis en die voetspore van die mense wat saam met Jesus geloop het.

Teksvers: Matt. 27:31
                 Lukas 23:26-27

Dutoitspan-seënwense.

Oordenking van 10 April 2020 (Druk op die woord "oordenking" om die boodskap van ds. Dawie Scheepers te aktiveer)

Covid-19-oordenking 14

Luister gerus vanaand na ds. Dawie Scheepers van Harmonie-gemeente in Kimberley se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore

Vanaand se tema: Die pad na Getsemane

Skriflesing: Lukas 22:39-53

Dutoitspan-seënwense.

Oordenking van 9 April 2020 (Druk op die woord "oordenking" om die boodskap van ds. Dawie Scheepers te aktiveer)

Covid-19-oordenking 13

Luister gerus vanaand na ds. Pieter-Roux du Toit van Diamantveld-gemeente in Kimberley se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore

Vanaand se tema: Die voetewassing

Skriflesing: Johannes 13

Dutoitspan-seënwense.

Oordenking van 8 April 2020 (Druk op die woord "oordenking" om die boodskap van ds. Pieter-Roux du Toit te aktiveer)

Covid-19-oordenking 12

Luister gerus vanaand na ds. Neels Klynsmith van die Trinity Metodiste Kerk in Kimberley se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore

Vanaand se tema: Voetspore van verraad.

Skriflesing: Markus 14

Dutoitspan-seënwense.

Oordenking van 7 April 2020 (Druk op die woord "oordenking" om die boodskap van ds. Neels Klynsmith  te aktiveer)

Covid-19-oordenking 11

Luister gerus vanaand na ds. Roland Greenland van die Metodiste Kerk Beaconsfield Kimberley se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore

Dutoitspan-seënwense.

Oordenking van 6 April 2020 (Druk op die woord "oordenking" om die boodskap van ds. Roland Greenland te aktiveer)

Covid-19-oordenking 10

Luister gerus vanaand na ds. Ensie Enslin se bemoedigende oordenking en word versterk deur die boodskap. Klik slegs op die skakel "Oordenking" hieronder.

Tema van die Lydensweekdienste: Voetspore

Vanaand se tema: In die voetspore van Jesus in Jerusalem in.

Teksvers: Matt. 16:21
                 Matt. 17:22 en 23
                 Matt. 20:17-19
                 Luk. 19:28-44

Dutoitspan-seënwense.

Oordenking van 5 April 2020 (Druk op die woord "oordenking" om die boodskap van ds. Ensie Enslin te aktiveer)

Voetspoor in die klip ...

'n Stukkie woestynpad ...

Dankie, Jesus ...

Voetspore...