Verjaardagwense

Verjaardagwense

Pieter, baie geluk met jou verjaardag, mag jy 'n geseënde lewensjaar geniet vol goeie gesondheid, vreugde en liefde van Bo. Geniet 'n heerlike dag.

Einde-van-die-jaar-dankies: Barmhartigheid en getuienis

Foto's: koffiehuiskonsert (deel 2)

\

Die entoesiastiese bieërs by die uiters suksesvolle wildsveiling was Pieter Britz, Henry Weideman, Herman Combrink, Coen Visser en Marizaan du Toit (die leier).

Ds. Ensie was die goue leeu van Dutoitspan, bekend vir sy krag en dapperheid - die koning van die oerwoud. Malan Smith was die groot gesogte en trotse gemsbok wat seker die moeilikste is om te jag, die vlugvoetige, fassinerende loopvoël, algemeen bekend as die volstruis, was Dirk Marais, terwyl Jannie Stroebel die legendariese begeesterde Poenskop Bloubul was en aan stuur van die mikrofoon was die afslaer Fanie Minne. 

Ds. Ensie as The Jawning man

Ds. Ensie as Oriki

Klik HIER vir nog foto's.

Foto's: Elsa Minne

'n Dankie-boodskap van die voorsitter

Pieter: "Goeienaand julle, ons het vanoggend vir die kospakkie-ontvangers 'n hoenderpot gemaak wat uit die boeke was. As dit 'n kompetisie was, het ons sekerlik die eerste plek gehaal. Ons wil vir tannie Sarie, Elsa, Anna, dominee Ensie en Maans bedank vir hul hulp en opregte omgee. 'n Geseënde aand en naweek vir julle toegewens."

Die jaar lê op sy rug ... nog net Desember is oor van 2023 se 12 maande. 2024 met al sy uitdagings lê en loer vir ons. In die gees van Kersfees het Dutoitspan se voorslagdames 'n heerlike bederfete is vir hierdie gemeentelede gemaak. En soos Pieter in sy dankie-sê-boodskap noem ... hierdie is 'n wenresepgereg! Dankie vir die gewaardeerde hulp met hierdie uitreik.

Koffiehuiskonsert: 26 Mei 2023

LAG gewaarborg!!

Klim op die lekker-lag-vliegtuig en vergeet 'n wyle van PROBLEME!!  

Plek: Dutoitspan-kerksaal (Hier waar jy jou swaarkry-bekommernis kan vervang met lekkerkry-lag - met apologie aan Langenhoven.)

Nooi jou familie, bure, vriend en vyand om teen R10 per persoon te ontspan - beter as enige TV-program.

Kontak: Pieter Britz by 082 290 2104 vir kaartjies vir die hele gesin.
Kerkkantoor: 053 842 1100 vir die winskoop van die jaar!

Moenie te laat wakkerskrik nie - beperkte aantal sitplekke!!!

KAARTJIES OOK BY DEURE BESKIKBAAR!!

Lief en leed: Ons groet vir John O'Ehley

Wat ek is, is net genade,

Wat ek het, is net geleen.
Eintlik smag ek na U waters van rus
Lei my, Heer, vanaand daarheen.
[Gebed van Koos du Plessis]

’n Geliefde inwoner van Ons Huis en 'n jarelange gemeentelid, John O'Ehley (76), is gisteroggend oorlede.

Hy stap vanaf 1992 'n pad met Dutoitspan-gemeente. 'n Vriendelike, innemende mens met 'n blymoedige geaardheid - 'n fyn waarnemer. 

Hy was 'n baie getroue kerkganger en al kon hy die laaste ruk nie meer hoor nie, wou én het hy elke Sondag kerk toe gekom. Pieter Britz het hom Sondae kerk toe gebring. Dit was sy gebruik om altyd so 'n uur voor die diens sy plek in te neem en die tyd dan te gebruik om te bid. 'n Stille voorbeeld vir ons almal. 

Die troosdiens is Vrydagoggend, 26 Mei om 10h00 in Ons Huis se siekeboeg. Dit sal deur ds. Ensie gelei word.

Rus in vrede, liewe oom John.

Koffiehuiskonsert: 26 Mei 2023

Moenie wag nie!! Koop jou kaartjies vroegtydig!! 

Plek: Dutoitspan-kerksaal (Hier waar jy jou swaarkry-bekommernis kan vervang met lekkerkry-lag - met apologie aan Langenhoven.)

Nooi jou familie, bure, vriend en vyand om teen R10 per persoon te ontspan - beter as enige TV-program.  

Kontak: Pieter Britz by 082 290 2104 vir kaartjies vir die hele gesin.

Kerkkantoor: 053 842 1100 vir die winskoop van die jaar!

Moenie te laat wakkerskrik nie - beperkte aantal sitplekke!!! 

Koffiehuiskonsert: 26 Mei 2023

Koop jou kaartjies vroegtydig!! 

Hierdie is 50 jaar terug se kaartjiepryse en daarvoor kan jy vir twee heerlike ure vergeet van beurtkrag, waterprobleme, gate in die pad en die prys van petrol. Kom lag, gesels en ontspan. Vrydagaandete is by die koffiehuiskonsert beskikbaar en los sommer ma se probleem ook op.

Kontak: Pieter Britz by 082 290 2104 vir kaartjies vir die hele gesin.

Kerkkantoor: 053 842 1100 vir die winskoop van die jaar!