Wednesday, 13 May 2026
Die Meesterplan: Leesrooster-reis (Week 2 - Woensdag)
Video toeligting tot:
DIE MEESTERPLAN-LEESROOSTER 1.2.3
Hoofstuk 1: Die Groot Toneel
Week 2: Beeld van God en Verteenwoordiger
Dag 3: Ons werk en verhoudings is deel van ons roeping as rentmeesters van God se skepping
Lees: Genesis 2:15-25
Oordink: Waar in jou alledaagse werk of verhoudings kan jy vandag meer bewustelik as rentmeester van God se skepping leef?
Die Meesterplan - Dr. Frans Hancke
Kopiereg: 2026 DiePLAN
Alle regte voorbehou
https://dieplan.org
Drie woorde: Voorreg. Verantwoordelikheid. Vertroue.
Mossiestilte: Deut. 30:19b
Dit het Hom behaag om sy Seun vir jou sondes te offer en jou vry te spreek.
Jy het die keuse om van die boom van die lewe te eet, noudat jy weet, wat die verskil tussen goed en kwaad is.
Jesus Christus se liggaam is jou voedsel, jou daaglikse brood; spandeer tyd met die Heilige Gees en Hy sal jou leer en lei en troos.
Jesus het gekom om jou, sy geregtigheid te gee en jou verhouding met God te herstel.
Dankie, My Vader wat in die hemele is, dat U my gereinig het met u Seun se bloed. Jesus, ek kies om van die boom van lewe te eet. U het vir my 'n plek gaan voorberei . U het 'n belofte gemaak dat U, my weer sal kom haal. U Heilige Gees leer en verander my denke daagliks. Ek kies om van die boom van die ewige lewe te eet. U is my daaglikse brood, U vul my met my met lewe en genesing, vreugde en blydskap. Amen.
Tuesday, 12 May 2026
Die Meesterplan: Leesrooster-reis (Week 2 - Dinsdag)
Video toeligting tot:
DIE MEESTERPLAN-LEESROOSTER 1.2.2
DIE MEESTERPLAN-LEESROOSTER 1.2.2
Hoofstuk 1: Die Groot Toneel
Week 2: Beeld van God en Verteenwoordiger
Dag 2: God gee ons waarde deur sy nabyheid – ware menswees is afhanklikheid
Lees: Ps. 8:3–9
Hoe verander hierdie psalm jou verstaan van jou waarde en afhanklikheid voor God?
Die Meesterplan - Dr. Frans Hancke
Kopiereg: 2026 DiePLAN
Alle regte voorbehou.
https://dieplan.org
Mandjie Hoop: Genade!
Jesus smous met genade ...
Genade is gratis,
God deel dit uit -
jy kan dit nie verdien nie.
Daar is niks wat jy kan doen wat verseker dat God jou meer liefhet nie.
Daar is niks wat jy kan doen wat sal maak dat God jou minder liefhet nie.
Dít is hoe genade werk.
Die oomblik as jy dit begryp,
is jy vrygemaak.
Monday, 11 May 2026
Die Meesterplan: Leesrooster-reis (Week 2 - Maandag)
Klik HIER en kyk na die video
Video toeligting tot:
DIE MEESTERPLAN-LEESROOSTER 1.2.1
Hoofstuk 1: Die Groot Toneel
Week 2: Beeld van God en verteenwoordiger
Dag 1: Die mens dra God se beeld - Sy karakter word in ons lewens sigbaar.
Lees: Genesis 1:26-31
Hoe nooi hierdie teks jou om anders oor jou identiteit en roeping as mens te dink?
Die Meesterplan - Dr. Frans Hancke
Kopiereg: 2026 DiePLAN
Alle regte voorbehou
https://dieplan.org
I bless you with this blessings
God bless you.
God bless your heart.
God bless your life.
God bless your health.
God bless your home.
God bless your family.
God bless your work.
God bless your spiritual life.
God bless your finances.
God bless all your projects.
God bless you and your family.
God is liefde
God het my in sy hart, al het ek Hom nie in my hart nie.
Daarom hou ek my hart na Hom uit en ek sê: "Here, wát my hart ook al tot nou toe gevoel het, stuur U liefde deur hom."
Ek hou my gedagtes na Hom uit en ek sê: "Here, wát my gedagtes tot nou toe ook al bedink het, stuur U gedagtes deur hulle."
Ek hou my hande na Hom uit en ek sê: "Here, wát my hande ook al tot nou toe gedoen het, werk U deur hulle."
Want ek weet dat Hy nie Sy krag net aan die sterkes gee nie, dat Hy nie Sy wysheid net aan die wyses gee nie, ook nie Sy vreugde net aan dié wat vreugdevol is nie, of Sy seëninge net aan hulle wat geseënd is nie.
God help my nie oor wat ék is nie.
Hy help my oor wat Hy is.
God is LIEFDE.
[Dankie, Ann, vir die deel.]
Sunday, 10 May 2026
Moedersdag: Gedig
wou jy ons vashou op jou skoot
en jou liefde in ons oortjies fluister.
Maar ons het honde en maats
en sonlig buite gesien
en ons uit jou arms losgewikkel.
Nou kom ek terug soos die één melaatse
wat darem onthou het
voordat dit te laat was.
Ek het Ma lief,
want ek wéét nou
die sonlig was nooit buite nie:
die sonlig was Ma.
[Dankie, vir die deel, Ann]
Moedersdag: Liewe Ma
Jou voorbeeld het my lewe gevorm, Ma.
Jy het my geleer van
liefhê
en omgee
en aanhou gee.
Jy is my inspirasie.
Jy het my leer droom.
Jy is altyd daar vir my -
en ek sal jou altyd liefhê.
Ma, jy het my geleer ...
Om te lag;
dis medisyne vir die hart.
Om 'n storie goed te vertel;
dis soos sonskyn in 'n donker vertrek.
Om vriendelike dinge van mense te sê;
dit doen niemand kwaad nie.
Om sarkasme te vermy;
dit gee tog geen blywende bevrediging nie.
Om so min moontlik te kla;
'n glimlag koop meer vriende as 'n frons.
Om my kritiek vir myself te hou;
niemand wil dit in elk geval hê nie.
Om die beste in ander raak te sien;
dit maak die wêreld soveel mooier
[Lord Langdale]
Waar daar 'n ma in die huis is,
loop dinge glad.
Sy ken my - beter as
enigiemand anders.
Sy het my lief - meer as
die meeste minnaars.
Sy lag nie as ek 'n fout
maak nie, maar sy huil
as ek seerkry.
Sy is so sterk soos 'n eik
maar so buigsaam
soos 'n wilg.
Sy het simpatie met my
swakhede, maar luiheid
en valsheid duld sy nie.
Sy is my ma - en ek het
haar baie, baie lief.
Dankie, Ma, vir alles wat Ma vir my doen en beteken.
Mossiestilte: Matt. 11:28
Vandag nog wil die Here vir jou vrede in jou hart en gedagtes gee.
Hy het reeds vir jou rus gegee, want Hy het geweet die wêreld wil jou uitput en moeg maak as jy op jou eie kragte staatmaak.
Miskien sien jy nie kans vir die groot uitdagings op jou pad nie.
Miskien sê jy: Ek verdien dit nie; die Here weet watse slegte gedagtes ek het en wat ek wegsteek.
Miskien misken die wêreld jou, maar lees vers 11c: maar die kleinste in die koninkryk is groter as hy (Johannes die doper). Daarom is jy nie gering geag by die Here nie, maar baie hoog geag.
Liewe Vader, dankie vir u genade, wat my 'n nuwe mens gemaak het. U het my vuilheid afgewas en skoon en vlekkeloos voor U laat staan. U het my gereinig en sal nie toelaat dat die satan my reg as kind van God, wegneem nie, die prys was net te duur daarvoor. Ek loof en dank en eer u heilige Naam. Amen
Saturday, 9 May 2026
Kerkgenotjies: Bybelkennis van kinders
* OU Egipteland was bewoon deur mummies en hulle het almal in hierdie griewe geskryf. Hulle het in die Sarah-woestyn gewoon. Die klimaat was só erg dat al die inwoners op ander plekke moes bly.
* Moses het die Hebreeuse slawe na die Rooi See gelei waar hulle ongesuurde brode gebak het, dit is brood wat sonder enige bestanddele gemaak is.
* Moses het die berg Sianied uitgeklim om die tien gebooie te kry.
* Wat het met Lot se vrou gebeur?
Sy was bedags 'n soutpilaar, en snags 'n vuurkolom.
* Wat het met Lot se vrou gebeur?
Sy was bedags 'n soutpilaar, en snags 'n vuurkolom.
Friday, 8 May 2026
Leesrooster-reis (Week 1 - Vrydag)
DIE MEESTERPLAN-LEESROOSTER 1.1.5
Hoofstuk 1: Die Groot Toneel
Week 1: God as Skepper en Opperheer
Dag 5: God se heerlikheid vul die hemel, maar Hy kroon die mens met eer en verantwoordelikheid.
Lees: Psalm 8: 1-10
Hoe beïnvloed Psalm 8 se beskrywing van die mens (ook van my!) my houding teenoor en verstaan van my roeping en verantwoordelikheid as God se verteenwoordiger?
Gedagte uit 'n koevert: Laste en bekommernisse
word swaar laste ligter en
bekommernisse kleiner.
Uitreik: Onbelangrik
In een van ons stede het 'n jong getroude vrou - intelligent, ryk en baie populêr - haar begin kwel oor die toestand van die wêreld, en sy het gewonder wat sy daaraan kan doen. Gewildheid gee vir 'n mens 'n sekere soort platform wat nie almal het nie. Om daardie platform ten goede te benut, is nie elkeen se begeerte nie.
Eindelik het sy iets gedoen wat baie merkwaardig was vir 'n vrou met haar wêreldwyse agtergrond. Sy het na haar naaste buurvrou toe gestap en gesê: "Marie, jy kan vir my lag as jy wil, of jy kan weier as jy so voel, maar ek het net kom hoor of ons nie gereeld kan saamkom om vir die wêreld te bid nie. Dit mag vir jou onbelangrik klink, maar iets dryf my om dit te doen.
Haar buurvrou het haar verbaas aangekyk. Sy het eers vermoed dat dit 'n grap kan wees. Maar toe sy sien dat die ander een ernstig is, het sy ingewillig om aan die versoek te voldoen.
So het die twee vroue dan gereeld saamgekom vir gebed, en ander het mettertyd by hulle aangesluit.
Nadat hulle 'n geruime tyd vir die wêreld gebid het, het dit egter vir die vroue duidelik geword dat hulle geen hoop het om die wêreld te hervorm nie. Daarom het hulle besluit om die euwels in hulle onmiddellike omgewing en woonbuurt in die gebed te begin bekamp.
Hulle het mense geteiken en vir hulle by die naam gebid.
* Mense vir wie gesinswaardes nie belangrik is nie.
* Hulle wat daarvan gehou het om partytjies te hou.
* Hulle wat die elmboog te hoog te lig ten koste van hulle gesin.
* Diegene wat graag naweek na naweek in klubs en kroeë deurgebring het.
Een vir een het diegene wat hulle geteiken het in gebed en gesprek tot bekering gekom.
Immoraliteit, buitensporige probleme, gesinsgeweld, gesinsverwaarlosing en hartseer in die omgewing het gaandeweg minder geword en die gemeenskap het ongemerk 'n verandering ondergaan.
Hierdie aanvanklik poging van 'n aarselende individu wat nie presies geweet het waar om te begin nie, het uiteindelik 'n omwenteling in tientalle lewens in haar onmiddellike omgewing tot gevolg gehad.
Onbelangrik? JY??
Jy weet nie hoe belangrik jy kan wees nie.
[N.V.P.]
Thursday, 7 May 2026
Leesrooster-reis (Week 1 - Donderdag)
DIE MEESTERPLAN-LEESROOSTER 1.1.4
Hoofstuk 1: Die Groot Toneel
Week 1: God as Skepper en Opperheer
Dag 4: Christus is die middelpunt van die skepping en verlossing - alles bestaan vir Hom
Lees: Kol. 1:15-20
Wat beteken dit vir my identiteit en prioriteite dat alles - ook ekself - vir Christus bestaan?
Die Meesterplan - Dr. Frans Hancke
Kopiereg: 2026 DiePLAN
Alle regte voorbehou.
Ek glo - Efesiërs 1:19
"en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag."
"Ons wat glo" ... Watter groot genade lê opgesluit in hierdie woorde. Weet ons elke dag hoe gelukkig ons is om deel te wees van die skare wat mag sê: "Ons glo."
Ek glo aan 'n Almagtige God aan wie hemel en aarde behoort.
Ek glo aan 'n regverdige Heerser wat reg en geregtigheid laat geskied.
Ek glo aan 'n alomteenwoordige Drie-eenheid wat tyd en plek oorbrug.
Ek glo aan 'n dierbare Vader wat die wêreld so liefgehad het, dat hy sy enigste Seun gestuur het.
Ek glo dat Jesus Christus vir my sondes aan die kruis gesterf het.
Dankie, Grote God, dat ek my naam bokant die kruis mag skryf.
[Ds. Nico van Wyk - Dorstfontein: NG Gemeente Dutoitspan Maandblad Julie 1986 ]
Dink hieroor: Breekbaar, maar waardevol vir ons Skepper
Besef vandag hoe waardevol jy is omdat Hy in jou leef. Gaan dan, lig jou kop en pak die lewe met oorgawe aan.
Gebed: Dankie , Trooster, dat u teenwoordigheid my met soveel hemelse rykdom bederf. Vandag en tot in ewigheid sal ek U dien en liefhê. Laat U Lig helder in my skyn. Abba Vader, in Jesus Naam. Amen
{Dankie, Chrisna]
Wednesday, 6 May 2026
Leesrooster-reis (Week 1 - Woensdag)
Mossiestilte: Jes. 51:1
Jy moet weet waarvandaan jy kom, hoe lieflik jy vir die Here God is. Jy is uit die rots gekap. Die Here sien alles raak, jy is soos Josef uit 'n put gegrawe en uit die donker uitgetrek.
Jy is gevorm deur Elohim die Skepper en Onderhouer van die skepping, na sy beeld.
Jy is herstel en God se geregtigheid het jou vernuwe en die ou dinge het verbygegaan.
Liewe Here en my God, ek dank U vir u genade, wat aan my die geregtigheid gegee het. Ek is na die lig gebring en u barmhartigheid en u wonde het vir my genesing en herstel gebring. Ek staan en is gevestig op die Rots en niemand kan my daar afkry nie. My koning het die dood oorwin. My naam is in die boek van die lewe geskryf. Amen
Tuesday, 5 May 2026
Die Meesterplan: Leesrooster-reis (Week 1 - Dinsdag)
DIE MEESTERPLAN-LEESROOSTER 1.1.2
Hoofstuk 1: Die Groot Toneel
Week 1: God as Skepper en Opperheer
Dag 2: Die skepping leef omdat God voortdurend gee. Dankbaarheid is die gepaste reaksie.
Lees: Psalm 104:1-34
Kopiereg: 2026 DiePLAN
Alle regte voorbehou.
https://dieplan.org
* Dit is boonop duidelik dat die inspirasie vir Psalm 104 uit Genesis 1 se skeppingsverhaal kom.
* In die eerste plek bevestig die Psalm dat die Here groot is, want Hy is met lig omvou soos met ’n mantel.
* In die tweede plek het God die aarde bewoonbaar gemaak waarin die beskrywing van sy beheer oor water deurslaggewend is.
* In die derde plek het God alles wat leef ’n volhoubare lewensruimte gegee op die aarde.
* In die tweede plek het God die aarde bewoonbaar gemaak waarin die beskrywing van sy beheer oor water deurslaggewend is.
* In die derde plek het God alles wat leef ’n volhoubare lewensruimte gegee op die aarde.
[* Klik HIER]
Mandjie Hoop: Aardse pyn
is 'n sterk hand altyd by jou.
Laat Hy jou lei na waar Hy wil,
deur velde groen en waters stil.
Hou styf vas aan sy liefdevolle hand
en weet Hy is altyd aan jou kant
in alles wat oor jou pad mag kom,
kan jy maar net vertrou op Hom.
Geen aardse pyn is ooit te veel
as God dit weer met sy aanraking heel.
[Aangestuur deur Rosetta]
Verjaardagwense
Twee van Sally Aucamp se inwoners blaas vandag kersies op hul verjaardagkoek dood: Baie geluk, Danie en Zonian met julle spesiale dag. Mag julle nuwe lewensjaar vol voorspoed, liefde en goeie gesondheid wees.
Monday, 4 May 2026
Die Meesterplan: Leesrooster-reis (Week 1 - Maandag)
Klik HIER en kyk na die video.
[https://youtu.be/4Z5oNO1YrlQ]
DIE MEESTERPLAN-LEESROOSTER 1.1.1
Hoofstuk 1: Die Groot Toneel
Week 1: God as Skepper en Opperheer
Dag 1: God skep met orde en doel - elke deel van die skepping dra sy stempel van goedheid
Lees: Psalm 8:1-10
Oordink: Hoe beïnvloed die feit dat God se aanvanklike skepping "baie goed" was my siening van die wêreld, myself en my rol en plek in die wêreld?
Die Meesterplan - Dr. Frans Hancke
Kopiereg: 2026 DiePLAN - Alle regte voorbehou. https://dieplan.org
Klik HIER vir die oorspronklike toeligting.
Nooit alleen nie: Ek sal rustig wees, want ...
* Ek aanvaar die MIDDELE waardeur God my wil help. Daarom sal ek die dokter, verpleegsters en behandeling sien as instrumente in die hand van die Here. Ek sal SAAMWERK so ver as moontlik.
* Ek aanvaar die TYD waarop God my wil genees. Hy is my alwyse en liefdevolle Vader wat weet wat die beste vir my is, en wat die beste vir my wil doen.
* Ek aanvaar die WEG waarlangs die Here my lei. As Hy my genees, sal dit vir my 'n wonderwerk wees - of Hy middele gebruik of nie; of dit gou is of nie.
Ek aanvaar dat God nooit sy kind in die steek laat nie. Ek sal seker maak dat ek sy kind is, sodat ek ook kan weet: "Ek sal jou nooit begewe en jou nooit verlaat nie." Hebr. 13:5.
"Wees nie bevrees nie, want Ek is by jou." Jes. 43:5.
Die kerk staan by jou ...
Siekte raak nie net ons liggaam nie - dit het ook 'n invloed op ons gees. Ons gees het egter ook 'n invloed op ons liggaam.
Daarom wil die kerk met jou saamleef in tye van siekwees. Ons sal saamwerk en bid vir die versterking van jou gees en die genesing van jou liggaam.
Mag jy ondervind dat hierdie tyd nie verlore tyd is nie, maar dat dit blywende resultate lewer.
INDIEN JY 'N BEHOEFTE HET AAN HUIS-, HOSPITAAL-
OF SIEKEBESOEK, SKAKEL ASB DIREK VIR
DS. ENSLIN BY 079 522 9680.
Seënbede: Mag jy vandag geseën word ...
God se mag wat my vashou,
God se hand wat my bewaar,
en God se wysheid wat my lei.
Wees van vanoggend tot vanaand, o Here,
by my en in my.
Christus, wees agter my en voor my,
Christus, wees langs my en rondom my,
Christus, wees bo my en onder my.
Christus, wees by my in die uur van stilte én storm ...
praat met my deur die mond van ’n vriend
en deur die oë van ’n vreemdeling.
Amen.
’n Gebed van St. Patrick (Uit boek ‘n lewe naby God’ deur Nina Smit’)
Sunday, 3 May 2026
Die Meesterplan: Leesrooster-reis
Elke dag (Maandag tot Vrydag) ontvang jy om 06:00:
* ’n boodskap met die dag se Skrifgedeelte, ’n gedagte vir die dag en ’n vraag om oor na te dink,
* asook ’n skakel na ’n YouTube-video van 3 minute, waarin ds. Hendrik Saaiman die dag se teks kortliks bespreek.
* Vrydae sal daar ’n ekstra boodskappie wees met ’n vraag vir 'n groepsbespreking.
Die boek Die Meesterplan – God se missionale mense: voorsmaak of nasmaak? is 'n ware ontdekkingsreis oor wat ons hier op aarde maak, wie ons in Christus is, hoe ons leef, en hoe ons groei as sy gestuurdes. (Die boek kan bestel word by info@dieplan.org teen R285 plus koerierkoste.)
Die leesrooster wat ons die volgende 52 weke gaan volg, wil ons help om die Bybelse grondslag van die waarhede in die boek raak te sien en ons eie te maak. Hierdie WhatsApp-groep is ’n eenvoudige manier om saam op dié pad van ontdekking en bevestiging te stap en Bybelse antwoorde op so baie vrae te vind.
Mag hierdie 52 weke vir elkeen van ons ’n tyd van seën, verdieping en groei wees. Mag dit elke dag meer wees as net kennis, maar ’n ware ontmoeting met die Here wat besig is om sy herstelplan in Christus in ons lewens te verwerklik en ons bemagtig om as sy gestuurdes te leef.
TC
Statistiek: 403 000 e-kuiers
DANKIE vir elke e-leser se volgehoue belangstelling in ons gemeenteblog. Elke een van julle word waardeer. Tot en met vanmiddag was daar reeds 1 288 e-besoeke. En so drie dae terug was daar 'n baie welkome 5 147 e-besoeke.
Tot op hede is daar 4 524 plasings. Julle is meer as welkom om 'n bietjie terug te blaai en "terug" te kuier.
Jou hulp sal hoog op prys gestel word
KINDERTAFEL
Ons benodig speelgoed en lekkers. As jy kan help, bring gerus hierdie welkome bydrae na die kerkkantoor.
Ons benodig speelgoed en lekkers. As jy kan help, bring gerus hierdie welkome bydrae na die kerkkantoor.
GEBAK
Baie basaarondersteuners het 'n swak plek vir gebak (groot koeke, terte, kleinkoekies en beskuit). Indien jy kan help, kontak asb. dringend die kantoor. Telnr. 053 842 1100
Mossiestilte: Jes. 26:3 & Rom. 8:6
Want wat die vlees bedink, is die dood, maar wat die Gees bedink, is lewe en vrede,
Onse Vader wat in die hemel is, gee aan my 'n vaste gesindheid, sodat ek op U alleen Here, kan vertrou. Ek wil die vlees afsterf en laat u Heilige Gees vir my lewe en vrede gee. Die wêreld bied my niks. U ewige Koninkryk het ewige rykdomme. Aan u al die eer en rykdom tot in ewigheid in Jesus Christus. Amen.
[Aangestuur deur Pieter Swanepoel]
Gebed bring Ike op die been
Hy was maar dertien jaar oud toe hy ná skool op pad huis toe sy linkerknie nerf-af geval het. Hy het die knie gevryf, 'n bietjie spuug aangesmeer, en toe mank-mank aangesukkel huis toe. Hy was 'n taai boerseun wat nie oor enige kleinigheid gekla het nie en daarom het hy nie eens sy ouers of broers van sy val vertel nie.
Maar toe hy die aand bed se kant toe staan, het die knie weer van die pyn begin klop.
"Môre sal dit seker beter wees,"het hy gedink toe hy in sy bed kruip in die kamer waar hy en sy vyf broers geslaap het.
Die volgende môre moes hy op sy tande byt van die pyn, maar het maar met sy plaaswerk deurgedruk voordat hy skool toe is.
Twee dae later was Sondag. Sy been was toe al so seer dat hy dit agter hom aangesleep het. Hy het maar tuis gebly toe die res van die gesin kerk toe is, en deur die gesin se familiebybel geblaai om gedeeltes uit te soek wat hy die week kon lees aangesien dit sy beurt was om by huisgodsdiens die Skriflesing te doen.
Teen etenstyd was hy egter weer in die bed en moes hulle sy skoenveters afsny voordat hulle sy skoen kon uittrek, só was die voet geswel. Sy moeder het die been deeglik versorg, maar spoedig besef dat die hulp van die ou familiedokter, dr. Conklin, ingeroep moes word.
"Die been lyk nie goed nie. Ek twyfel of ons hom sal kan red. As ons dit nie gou afsit nie, kan die inflammasie u seun se lewe kos," het die dokter ná sy ondersoek bekommerd gesê.
"My been afsit? Nooit! Dan liewer dood," het die jong knaap uitgeroep en sy been eenkant toe getrek.
"Hoe langer ons wag, hoe meer sal ons van die been moet afsit," het die dokter gewaarsku.
"Ed! Ed!" het die sieke egter skielik na sy broer geroep, en toe hy langs die bed kom staan, aan hom gesê: "Belowe dat jy sal sorg dat hulle nie my been afsit nie. Jy verstaan mos, veral as ek later miskien vanweë die koors deurmekaar raak."
Ed het sy kop geknik, hom na die dokter gedraai en gesê: "Dokter, niemand gaan sy been afsit nie. Ek sal voor die siekekamer se deur bly staan totdat hy weer beter is.
So was dit ook. Twee dae en twee nagte lank het Ed op sy pos gebly, reg voor die kamerdeur. Maar intussen het die rooi vlek al hoe hoër teen die seer been opgeskuif.
"Dis moord. Net 'n wonder kan nog die kind se lewe red," het ou dokter Conklin uitgeroep toe hy weer sy pasiëntjie ondersoek het.
'n Wonder? 'n Wonder van Bo?
Maar dit is mos die antwoord, het die ouerpaar skielik besef en dadelik op hul knieë gegaan om te bid vir die wonder om te gebeur. Ed het langs hulle gekniel, en later ook die ander broers. So het hulle aangehou met bid. Daar het geen oomblik verbygegaan dat nie een van die gesin op die knieë was nie. Selfs terwyl hul vader die koeie gemelk of hul moeder kos voorberei het, het die kinders die gebede voortgesit.
Die volgende môre was dr Conklin weer daar.
"Ongelooflik! Die swelsel het gesak," het hy verslae gesê, "maar ek kom vanaand weer."
Die gesin het aangehou met bid. Teen die aand het die gevaarlike rooi vlek langs die been so te sê verdwyn. En drie weke later was klein Dwight Eisenhower weer perdfris en op die been - gereed vir die taak wat later op hom sou wag om eers as militaris en later as president sy volk te dien.
Hierdie treffende gebedsverhoring moes beslis 'n groot invloed op die jong seun se geloofslewe uitgeoefen het. Hy was later jare allerweë bekend as 'n diep gelowige volksleier. Ek onthou goed dat iemand my met 'n besoek in die jare vyftig aan Washington DC die sitplek in die kerkgebou gewys het waar president Eisenhower elke Sondag sy plek getrou ingeneem het.
Ons vergeet so maklik dat God vandag nog gebede verhoor en dat ons so baie dinge in die lewe nie ontvang nie, omdat ons die Here nie op sy Woord wil neem nie. Tog het hy belowe: "Bid, en julle sal ontvang ..."
Soos Jakobus dit stel: "Julle het nie, omdat julle nie bid nie." (4:2). Dink maar aan 'n paar dinge waaraan ons so baie keer gebrek ly ... vrede, gemoedsrus, sukses, blydskap, oortuigingskrag, gesondheid ...
Dit net omdat ons nie bid nie.
Die meeste van ons bid wel ja, maar baie keer so verkeerd. Dink aan ons rammel- en sleurgebede, aan die baie gebede wat so halfhartig, ongereeld en selfsugtig gebid word. Geen wonder dat geen wonders gebeur nie.
Die armoede van die Christendom hang ten nouste met ons biddeloosheid saam. Tog is die gebed die asemhaling van 'n mens se siel. Wie daarom ophou om te bid, hou ook op om asem te haal en gaan mettertyd geestelik dood. 'n Gebed met net die lippe - sonder dat die hart by is - is harteloos, sielloos en waardeloos. So 'n gebed bring geen resultate nie, om van wonderwerke nie eens te praat nie.
Die voorreg en die gebedsverhoring is nie net vir spesiale mense bedoel nie. Tereg het Jakobus ook geskrywe: "Elia was 'n mens net soos ons ... en hy het gebid, en die hemel het reën gegee en die aarde het sy vrug laat uitspruit."(5:17).
Mense net soos ons. Elia, die Eisenhowers en baie ander mense voor en ná hulle, mense wat ondervind het dat God nie net hoor nie, maar ook verhoor, en dat wonderwerke nog gebeur - as ons God maar net op Sy Woord wil neem ...
[Henno Cronje - Woord en Wêreld, Bylae by Die Volksblad, bl. 12, Saterdag 1 Maart 1980]
Saturday, 2 May 2026
Kerkgenotjies: Hy is so ...
* skelm, hy bid onder n skuilnaam.
* maer, as hy langs ‘n wit muur loop, lyk dit soos n kraak wat beweeg!
* lelik, sy ma roep hom met haar oë toe!
* geduldig, as jy ‘n klip in die water gooi, wag hy dat dit opkom.
* bles, hy moet sy skilfers in sy sak dra.
* bankrot, hy het sy oortrokke rekening op ‘n vaste deposito belê.
* maer, as hy langs ‘n wit muur loop, lyk dit soos n kraak wat beweeg!
* lelik, sy ma roep hom met haar oë toe!
* geduldig, as jy ‘n klip in die water gooi, wag hy dat dit opkom.
* bles, hy moet sy skilfers in sy sak dra.
* bankrot, hy het sy oortrokke rekening op ‘n vaste deposito belê.
[Anoniem]
Friday, 1 May 2026
Werkersdaggedig
gelukkige werkersdag
veral vir die wat vandagsteeds aan die gang is;
en vir die ander - wees dankbaar.
onthou jou werkers
is jou heel grootste bate -
behandel dit met dieselfde respek
as wat jy al die ander blinker bates hanteer.
[Laat ons Lindie van Gass se woorde op Werkersdag 2026 beaam.]
Gedagte uit 'n koevert: God se liefde en genade
om God se liefde en genade
te deel met almal om ons!
Thursday, 30 April 2026
Dink hieroor: Ons is almal toeriste
Die Krag Van Dankbaarheid In 'n Christen Se Lewe
Van al die maniere om God te aanbid,
Van die insekte tot die diere,
is dankbaarheid waarskynlik die een
wat die meeste deur ons misgekyk word.
Van die insekte tot die diere,
sien ons hoe God sy seëninge
oor al sy skepsels uitgestort het,
maar slegs die mens beskik oor die vermoë
om deur woorde en dade
uitting te gee aan dankbaarheid.
‘n Lewe van dankbaarheid lyk egter anders
as om bloot goeie maniere te hê en dankie te sê.
Die gawe van dankbaarheid word deel van ons lewe
wanneer ons ten volle besef wat God vir ons
uit genade gedoen het en dit ons dryfkrag word
om elke dag vanuit dankbaarheid te leef.
om elke dag vanuit dankbaarheid te leef.
Begin vandag om elke dag dankbaar te leef!
Wednesday, 29 April 2026
Die Kruis-evangelie
Die neiging om die evangelie aantreklik en gerieflik voor te stel en dissipelskap af te water, is vandag hoog in die mode. Daarom dat baie mense wat as gelowiges bestempel word, in werklikheid ongered is.
Christus het nooit die hoë eise van dissipelskap verswyg om volgelinge te werf nie. Sy boodskap het die Kruis sowel as die Kroon ingesluit. Hy het die ergste saam met die beste voorgehou en sy luisteraars gemaan om die koste te bereken. En dit is hierdie Kruis-evangelie wat tref en mense tot inkeer bring. Dit is verkeerd om die boodskap aanneemlik te maak deur die Kruis te verbloem.
[Aangestuur]
Tuesday, 28 April 2026
Jy is deel van "DIE MEESTERPLAN" - inligting
Die materiaal van DiePLAN (insluitend die boek van dr. Frans Hancke: Die Meesterplan - God se missionale mense, voorsmaak of nasmaak?) is Bybelsgefundeerd. Daarom het DiePLAN se assosiate ʼn Bybelleesrooster ontwikkel vir individue en groepe. Ons gebed is dat gelowiges, deur die Woord en die Heilige Gees geestelik sal verdiep, God se meesterplan beter verstaan en hul eie rol daarin ontdek - ’n moontlik lewensveranderende ervaring.
Hoe werk dit?
* Jy ontvang elke oggend (±06:00) ʼn kort WhatsApp-boodskap.
* Dit bevat:
– Weeknommer (van die betrokke hoofstuk van Die Meesterplan), asook dag
– Week se tema en 'Gedagte vir die Dag'
– Skrifgedeelte
– 'n Vraag om gedeelte te oordink
– Skakel na ʼn kort video oor die dag se Skrifgedeelte (<5 min.) deur ds. Hendrik Saayman
Vir groepe:
* Die daaglikse boodskap vir persoonlike gebruik word aan die einde van die week opgevolg met ʼn ekstra vraag vir 'n groepbespreking.
Begin : Maandag 4 Mei 2026
Hoe sluit ek aan?
Gebruik hierdie skakel om by groep aan te sluit:
Geen. Jou nommer bly vertroulik. Geen onnodige plasings nie. Jy kan enige tyd onttrek.
Moet ek die boek hê?
Nee. Die leesrooster lei jou direk deur die Bybel.
Die boek is ’n hulpmiddel (opsioneel) en kan bestel word by info@dieplan.org
Opsommings sal ook op DiePLAN se webblad beskikbaar wees.
As ek later aansluit?
Vorige inhoud en video’s sal op die webblad en YouTube beskikbaar wees.
Versprei hierdie uitnodiging gerus aan ander gelowiges.
(Jy kan ook die QR-kode gebruik vir vriende om vanaf jou foon te skandeer, indien hulle wil aansluit.)
Soli Deo Gloria
[Die boek van dr Hancke is beskikbaar. Klik HIER vir meer inligting.]
Subscribe to:
Posts (Atom)