Kerkgenotjies: Las van Bobbejane

'n Noord-Kaapse boer het baie las van bobbejane gehad. Toe kom daar eendag 'n man op die plaas kuier en hy sê hy sal van die bobbejane ontslae raak.

Hy gaan toe na die leier van die trop toe, fluister iets in sy oor, en die bobbejaan gaan lekker aan die lag; toe fluister hy weer iets en die bobbejaan gaan bitterlik aan die huil.

'n Derde keer fluister hy iets in sy oor en toe hol al die bobbejane weg. Die boer wou toe weet wat die man aan die bobbejaan gefluister het.

"Wel, die eerste keer het ek vir hom gesê dat ek 'n akteur is. Toe het hy baie lekker gelag. Die tweede keer het ek vir hom gesê wat my salaris is. Toe het hy begin huil. Die derde keer het ek gesê dat ek daar is om nuwe akteurs te werf vir 'n nuwe TV-reeks. Toe het almal weggehardloop terwyl die son nog skyn."

Kerkgenotjies: 'n Manier om ouers te beïndruk??

Twee universiteitsmaats het besluit hulle gaan elk met een van daardie ryk meisies uit die hoë kringe trou. 'n Kits kortpad na die regte kontakte, daaropvolgende rykdom en roem nie uitgesluit nie. 

Kobus ontmoet toe 'n meisie en besluit om Hannes saam te neem sodat hy hom 'n bietjie moed kan inpraat. 

Kobus se ore suis van spanning.

Nadat hulle voorgestel is, glimlag die meisie se pa vir Kobus en sê: "Ek verstaan jou pa is 'n kleinhandelaar?"

Kobus sê beskeie: "Ja, nie eintlik iets watwonders nie."

Hannes klop hom op die rug en sê: "Dié Kobus is tog so beskeie. Sy pa het 'n reeks klerewinkels, nie minder as 25 nie."

Die moeder sê: "Ek verstaan jy het 'n woonstel."

Hannes: "'n Woonstel? Hy het 'n gebou in Venesië!"

Die ouers vervolg: "En jy het 'n motor?"

Hannes lag: "Hy - 'n motor? Hy het drie Rolls-Royces ... en dit is net vir die stad!"

Toe begin Kobus nies.

"Het jy verkoue?" vra die angstige ouers.

"Verkoue?" roep Hannes. "Hy het turberkulose!"

Sommer gou het die ouers presies geweet hoe sake staan.