Mossiestilte: Jesaja 26:1-6

Daar kom 'n dag wanneer hierdie lied in Juda gesing sal word: Ons het 'n sterk stad, God beskerm ons met mure, met 'n vesting. Maak oop die poorte dat die nasie wat gered is, kan ingaan, die nasie wat aan God gehoorsaam is en wat op Hom vertrou. Gee aan hulle vrede en voorspoed, Here, want hulle het hulle vertroue op U gestel. Vertrou altyd op die Here, want die Here God is 'n veilige toevlug. Hy bring dié wat in hoë vestings woon, af grond toe, Hy gooi hulle hoë stadsmure om, Hy maak dit gelyk met die grond en laat lê dit in die stof. Hulle sal onder die voete vertrap word, onder die voete van onderdruktes; die armes sal op hulle trap.

Die mens bly nie lank genoeg met een ding besig om iets wat die moeite werd is daaruit te put nie. Dit veroorsaak rusteloosheid, geestelike en verstandelike moegheid en verwarring. Hulle het geen innerlike vrede nie.

Innerlike vrede is die produk van ʼn toegewyde verhouding met God. Om jou doelwitte in die lewe te identifiseer en dit met oorgawe na te jaag, gee rigting en stabiliteit aan jou bestaan. Om ʼn lewensdoel te kies, is egter nie altyd maklik nie, maar daarsonder smaak jy nooit die vreugde van innerlike vrede en kalmte nie.

As jy jou oopstel vir die invloed van die Heilige Gees en Hom vra om jou lewensdoel te omlyn, sal Hy jou nie teleurstel nie. As jy opreg vir God vra vir ʼn lewensdoel waaraan jy jou tyd, krag en talente kan wy en jy gehoorsaam die pad wat Hy aandui, sal die vreugde van vervulling nie uitbly nie. Jou lewe sal vrugbaar wees. In al jou handelinge sal daar nuwe daadkrag kom. Jy sal vrede ken en rustig wees omdat jou lewe beheers word deur Sy Gees.

[Aangestuur]

Mossiestilte: Jesaja 41:10

Ek is by jou. Jy hoef nie bekommerd te wees nie. Ek is jou God. Jy hoef nie bang te wees nie. Ek sal jou help. Ek sal jou sterk maak. Ek sal jou met my krag beskerm.

Hierdie belofte is ook 'n opdrag. God het verklaar dat Hy ons met sy sorg sal omring wanneer angs toeslaan, maar Hy daag ons ook uit om ons volle vertroue in sy Woord te plaas. Vandag moet ons kies om te fokus op sy getrouheid en ophou om ons vrese te voed.

Vader, dankie dat U by my staan en my ondersteun wanneer ek bewe en bang is. Help my om in geloof vas te staan en te onthou dat U my ondersteun. Ek wil nee sê vir vrees en ja sê vir geloof. Amen.

[Aangestuur]

Mossiestilte: Jesaja 41:13

"Ek is die Here jou God, Ek vat jou hand, Ek sê vir jou: Moenie bang wees nie, Ék help jou."

'n Wonderlike nuwe dag, Jesus is teenwoordig in hierdie dag. Hoor wat hy sê: "Ek self help jou dan."  Amen! Halleluja!! God is in beheer. Hierdie is 'n belofte vir jou in jou situasie. Glo dat God met jou is. Wandel met vertroue, moet nie bang wees nie, Hy sal jou help.

Alle dinge in die lewe is TYDELIK. Wanneer dit goed gaan, geniet dit. Dit gaan nie vir ewig aanhou nie. Wanneer dit SLEG gaan, moenie bekommerd wees nie, want dit sal ook nie vir ewig aanhou nie.

Keep on the sunny side
Always on the sunny side
Keep on the sunny side of life
It will help us every day
It will brighten all our way
If we keep on the Jesus side of life.

Dankie, Here, ek weet U neem ons hande en help met die uitdagings wat ons moet trotseer in hierdie tyd waarin ons lewe. Ons glo dat U met ons is elke dag, elke tree, wat ons gaan. U bewaar ons van die bose - ons sal nie bang wees nie.

God se beloftes by die kruispad

Psalm 94:19
Toe ek met baie onrus in my binneste sit, het u vertroosting my tot rus gebring.

Jesaja 51:12
"Ek is die Here, Ek bring uitkoms vir julle. Hoe is dit dan dat jy bang is vir 'n sterflike mens, vir 'n mens wat so maklik vergaan soos gras?"

Psalm 34:18
"As die regverdiges om hulp roep, hoor die Here hulle en red Hy hulle uit al hulle benoudhede."

Mossiestilte: Jes. 51:1

Luister na My, julle wat die geregtigheid najaag, wat die Here soek! Aanskou die rots waaruit jy gekap is en die holte van die put waaruit julle gegrawe is.

Jy moet weet waarvandaan jy kom, hoe lieflik jy vir die Here God is. Jy is uit die rots gekap. Die Here sien alles raak, jy is soos Josef uit 'n put gegrawe en uit die donker uitgetrek.
Jy is gevorm deur Elohim die Skepper en Onderhouer van die skepping, na sy beeld.
Jy is herstel en God se geregtigheid het jou vernuwe en die ou dinge het verbygegaan.

Liewe Here en my God, ek dank U vir u genade, wat aan my die geregtigheid gegee het. Ek is na die lig gebring en u barmhartigheid en u wonde het vir my genesing en herstel gebring. Ek staan en is gevestig op die Rots en niemand kan my daar afkry nie. My koning het die dood oorwin. My naam is in die boek van die lewe geskryf. Amen

Mossiestilte: Jes. 26:3 & Rom. 8:6

U sal 'n standvastige gesindheid in volle vrede bewaar, want hulle vertrou op U.

Want wat die vlees bedink, is die dood, maar wat die Gees bedink, is lewe en vrede,

Onse Vader wat in die hemel is, gee aan my 'n vaste gesindheid, sodat ek op U alleen Here, kan vertrou. Ek wil die vlees afsterf en laat u Heilige Gees vir my lewe en vrede gee. Die wêreld bied my niks. U ewige Koninkryk het ewige rykdomme. Aan u al die eer en rykdom tot in ewigheid in Jesus Christus. Amen. 

[Aangestuur deur Pieter Swanepoel] 

Afkondiging: Bid saam met ons vir ...

 

Mossiestilte: Jesaja

Jes. 7:14 Daarom sal die Here self aan julle 'n teken gee: Kyk die maagd sal swanger word en 'n seun baar en hom Immánuel noem.
Jes. 9:5 want 'n Kind is vir ons gebore, 'n Seun is aan ons gegee; en die heerskappy is op sy skouer, en Hy word genoem: Wonderbaar, Raadsman, Sterke God, Ewige Vader, Vredevors ...
Miga 5:1 En jy, Bethlehem Éfrata, klein om te wees onder die geslagte van Juda, uit jou sal daar vir My uitgaan een wat 'n Heerser in Israel sal wees; en sy uitgange is uit die voortyd, uit die dae van die ewigheid. vers 2. Daarom sal Hy hulle prysgee tot op die tyd dat 'n barende gebaar het ...

Op hierdie dag onthou ons daar is 'n Kind gebore, wat vir ons verlossing gebring het, wat die pad vir ons geopen het en met sy genade en geregtigheid ons weer na die Vader teruggebring het, om saam met Hom in hemelse plekke te mag sit. Kyk Hy is elke dag en altyd met ons; Hy is Immánuel.

'n Geseënde Christusfees wens ek jou toe; Joh. 1:52, van nou af sal julle die hemel geopend sien en die engele opklim en neerdaal op die Seun van die mens.

[Aangestuur deur Pieter Swanepoel]

Mossiestilte: Jes. 7:14

Daarom sal die Here self aan julle 'n teken gee: Kyk, die maagd sal swanger word en 'n seun baar en hom Immánuel noem.

Soek jy 'n teken van die Here, wil jy jouself regverdig? Miskien wil jy darem die Here nie versoek nie.

Tog het die Here aan die mens 'n teken gegee, 'n maagd wat swanger geword het.

Sonder wellus van die mens, het sy swanger geword, wat self 'n wonderwerk was.

Sy het hom Immánuel genoem: God met ons; "met jou."

Nog 'n teken sou gebeur voor die seuntjie gebore word: Die twee koninkryke wat hulle in Jesaja se tyd gevrees het, se lande sal verlate wees, en tog het Israel en Juda nog bly bestaan.

Die tekens van die tye leer jou om met vertroue en insig, die Enigste Immánuel te aanbid.

Here, hoe kla ons en vrees ons dinge wat binnekort geen krag meer sal hê nie. Hoe soek en begeer ons dinge wat binnekort nie meer sal bestaan nie. U sal sorg dat vlees vergaan, totdat die mens net na U sal verlang en net U sal begeer. Die wêreld sal vergaan, maar die Woord van God sal vir ewig bly staan. U is God by ons: Immánuel. U tekens van die die tye is sigbaar Here. Amen.

[Aangestuur deur Pieter Swanepoel]

Mossiestilte: Jes. 12:2

Ja, God is my heil, ek sal vertrou en nie vrees nie; want die Here Here is my krag en my psalm, en Hy het my heil geword. 

O Here, ek sal water skep met vreugde uit die fonteine van heil. (vers 3)

En in die dag sal jy sê: Ek dank U, Here, dat U toornig op my gewees het; U toorn is afgewend, en U het my vertroos. (vers 1)

Dan sal jy in die dag sê: Dank die Here roep sy Naam aan, maak sy dade onder die volke bekend, verkondig dat sy Naam hoog is! (vers 4)

 

Dankie, Vader, ek wil U Naam groot maak, u Testament van U onder die volke, maak sy dade onder volke bekend, verkondig dat sy Naam hoog is. Ek wil psalmsing tot eer van die Here, want Hy het heerlike dinge gedoen; laat dit bekend wees op die hele aarde

Juig en jubel, o inwoners van Sion! Want die heilig van Israel is groot in hulle midde. Amen

[Aangestuur deur Pieter Swanepoel]

IDOP: International Day of Prayer

IDOP: International Day of Prayer

IDOP: International Day of Prayer

Mossiestilte: Jes. 40:31

maar die wat op die Here wag kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.

Wanneer dit vir jou voel jy kan nou nie meer vorentoe nie. As alles wat jy aanpak net nie wil uitwerk nie. As alles wat nog altyd gewerk het, nie meer in plek val nie en moedeloosheid jou wil oorval; as jy ouer word en jou liggaam wil nie meer by die denke en gedagtes byhou nie; gaan sit stil by by die voete van Jesus. Keer terug soos die verlore seun na jou Vader. Hy wil jou vandag weer met nuwe klere bedek (jou 'n nuwe identiteit gee), 'n identiteit wat van Hom afkom; geklee met God se genade en barmhartigheid.  

God wil jou nuwe krag gee soos toe jy jonk was, sodat jy nie moeg of mat sal raak, as jy jou Skepper vereer met jou werke van geloof. 

Jy sal soos 'n arend sweef oor jou uitdagings en probleme. 

Dankie, Here, dat as ek moedeloos word, versterk U my. Ek sal kan aanhou en deurbreek deur u krag. Moegheid sal my nie terughou nie maar ek sal my doelwitte kan bereik omdat U met my is. Ek sal aanhou wandel op die weg wat U vir my voorberei het, en in oorwinning sal ek sweef oor my vyand en die uitdagings en hindernisse, want U versterk my met krag en wysheid. Ook vanoggend word ek weer gesalf met U vars vreugde-olie. Aan U Here, kom toe al die eer, aanbidding en lof. Amen.

[Aangestuur deur Pieter Swanepoel]

Dink hieroor: Hoe begin jy jou dag?

Kyk na die Bybelse voorbeelde, put inspirasie hieruit en leef dit daagliks:

● ​​Moses sou sê: "Here, as U nie saam ons vooruit gaan nie, laat ons dan net hier bly."
● ​​Abraham sou sê: "Die Here sal voorsien."​​
● ​​Jakob sou sê: "Ek sal U nie laat gaan, totdat U my geseën het nie"​​
● ​​Josua sou sê: "Ek en my huis, ons sal die Here dien."​​
● ​​Samuel sou sê: "Spreek Here, U dienskneg luister."​​
● ​​Nehemia sou sê: "Die blydskap in die Here is my beskutting."​​
● ​​Dawid sou sê: "Die Here is my Herder, niks sal my ontbreek nie"​​ en "Dit is die dag wat die Here gemaak het, laat ons juig en bly wees."​
● ​​Salomo sou sê: "Vertrou die Here met jou hele hart en leun nie op jou eie insigte nie, in alles wat jy doen maak dit bekend aan die Here en Hy sal jou paaie gelyk maak."​​
● ​​Jesaja sou sê: "Staan op, word verlig want jou lig kom en die heerlikheid van die Here gaan oor jou" en "Geen wapen wat teen jou gesmee word sal iets uitrig nie."​​
● ​​Jeremia sou sê: "Die Here het planne om my voorspoedig te maak en sal my nie teleurstel nie."​​
● ​​Jabes sou sê: "Dat U my sal seën en my grondgebied vermeerder"​​
● ​​Sadrag, Mesag en Abednégo sou sê: "Ons buig voor geen beeld nie, maar ons sal die Here dien"​​
● ​​Esegiël sou sê: "Enige droë bene in my lewe, sal weer lewe"

[Dankie, Anoniem, dat jy hierdie inspirasie met ons deel.]

Mossiestilte: Jes. 42:16

En Ek sal blindes lei op 'n weg wat hulle nie ken nie, hulle laat loop op paaie wat vir hulle onbekend is; Ek dal die duisternis lig maak voor hulle uit en die hobbelagtige plekke gelyktes. Dit is die dinge wat Ek doen en nie nalaat nie.

Die onbekende is soms skrikwekkende en traumaties om in te beweeg.
Donker plekke veral, het 'n magiese vrees in sommige mense. Dieselfde plek wat hulle in die dag gesien het bring vrees in die nag.

 
God wil vandag jou duisternis lig maak en die hobbelagtige plekke gelyk maak, sodat jy met gemak en sonder vrees daarin, of, op kan loop.
God sal nie nalaat om sy goedgunstigheid aan jou te bewys nie.

Dankie, Here, elke môre wek U my op deur u grote genade. U het reeds my pad voorberei en gelyk gemaak. Ek sien die lig wat U voorsien en die donker het gewyk. My vrees is weg en u vrede en vreugde vul my nou in Jesus Naam. Ek sien kans vir vandag se uitdagings, want Jesus laat my nooit alleen nie. Amen.

[Aangestuur deur Pieter Swanepoel]

Mossiestilte: Jes. 63:7

Ek sal die goedheid van die Here prys, die roemryke dade van die Here prys, ooreenkomstig alles wat die Here aan ons bewys het, en die veelvuldige goedheid ...

Wanneer laas het jy vrou geprys omdat sy pragtig is? Wanneer laas het jy jou man geprys omdat hy so sterk en manlik is? Nie net moet jy dít doen nie, maar ook jou God, en Koning, prys vir sy goeie dade aan jou en jou gesin en werk.

God laat niks gebeur sonder 'n rede nie en sal sy goedheid nooit onttrek van jou nie; sy genade sal jou altyd bybly en versterk, en in jou benoudheid, stuur Hy jou barmhartigheid met 'n engel vanuit sy koninkryk. 

Dankie my grote God! In majesteit tel u my op en beskerm en verlos U my elke dag. Help my om nie wederstrewig te wees en u Heilige Gees te bedroef nie. O Heilige Gees, leer my en lei my en bevestig my in die weg van die Vader. Ek loof en prys u heerlikheid en heerskappy, o Almagtige Vader. Amen.

[Aangestuur deur Pieter Swanepoel.]

Belydenisaflegging 2024

Baie geluk aan ons nuwe lidmate wat vandag belydenis van hulle geloof afgelê het. Julle is só welkom in ons geloofsfamilie. Baie geluk aan die ouers en grootouers wat vandag in die vreugde van hierdie spesiale geleentheid kom deel het.

Foto's: Elsa Minne

Belydenisaflegging 2024

Mossiestilte: Jes. 41:9

Jy wat Ek uitverkies het van die eindes van die aarde en van sy uithoeke geroep het, en Ek het aan jou gesê: Jy is my kneg; jou het Ek uitverkies en jou nie verwerp nie.

Die Here jou God, gryp jou regterhand aan en Hy sê: Wees nie bevrees nie. Hy help jou. Jy sal juig in die Here, jou beroem op die Heilige van Israel. Die Here kom haal jou aan die uiteindes van die aarde om jou te red. Almal sal sien hoe goed en hoe groot die Here is en hom al die eer gee.

Dankie Here, dat U my nooit verlaat het nie. Ek het soms gedink dit is klaar met my, maar U het my voete weer op die pad gesit; U het my verkeerde weë waargeneem en my op die regte pad laat loop in oorwinning. U Naam is groot en gedug. Wie sal U leer of sê wat om te doen? U leer my; U Gees herinner my aan u beloftes en u heil. Ek loof en prys U grote Naam. Amen.

[Aangestuur deur Pieter Swanepoel.]