Mandjie Hoop: Toon liefde met die klein dinge in die lewe

Liefde hoef nooit luid, groots en flambojant te wees nie. 

Wys omgee in klein gebare. 

Hou 'n sambreel in die reën vas. 

Los die laaste sny brood vir jou geliefdes. 

Gee iemand 'n drukkie wat gestres is. 

Klein dingetjies wat gereeld gedoen word, 

word later die groot verskil in iemand se lewe

waarvoor daar aanvanklik gehoop is.

Laat jou omgee van jou na ander vloei,

eerder as om dit van ander te verwag.

Mandjie Hoop: TEL op jou kop, sê die HERE

Tel op jou KOP en KYK die wêreld vierkantig in die OË. 

Daar is nie ‘n manier dat jy ooit hoef SKAAM te wees of weg te KRUIP nie. 

Nie ‘n manier om MINDERWAARDIG of afgeskeep te voel nie. 

Lig op jou kop. 

EK het jou beklee met GODDELIKE EER en WAARDIGHEID, sê die HERE. 

Jy het nie enige mens se goedkeuring of kompliment nodig om jou SPESIAAL te laat voel nie. 

Jy is SPESIAAL omdat die ALLERHOOGSTE GOD so sê. 

Hy het jou GEMAAK en Hy weet PRESIES hoe KOSBAAR en SPESIAAL Hy jou GESKAPE het. 

Hy beskou elke mens as Sy meesterlike KUNSWERK. 

Daarom is jy ‘n TOONBEELD en REFLEKSIE van jou WONDERLIKE VADER. 

Jy is na SY BEELD geskape en Hy is baie TROTS op Sy kosbare KIND. 

Dankie JESUS. Amen

Mandjie Hoop: Die Here weet ...

Wanneer jy moeg en moedeloos voel weens
Verpletterende omstandighede en situasies ...
Weet die Here hoe hard jy probeer het.

Wanneer jy so lank trane gestort het
En jou hart is beklemd ...
Het die Here jou trane getel.

As jy voel jou lewe is doelloos
En die tyd het jou agtergelaat.
Was die Here saam met jou.

Wanneer jy eensaam voel en jou vriende
Te besig is om te bel of nie verstaan nie ...
Wag die Here saam met jou.

Die Here is aan jou sy wanneer jy dink jy alles
Probeer het en nie meer raad weet nie ...
Hy het die oplossing.

Wanneer niks sin maak nie en jy seer,
Verwar of gefrustreerd voel ...
Het die Here die antwoord.

As jou blik op die lewe verhelder
En jy tekens van hoop in die lewe vind ...
Het die Here vir jou gefluister.

Wanneer alles klopdisselboom gaan
En jy volop stof tot dank het ...
Het die Here jou geseën.

Wanneer iets verstommends gebeur
En jy daardie spesiale iemand vind ...
Het die Here se glimlag op jou gerus.

As jy 'n droom het om te volg
En ook 'n werklikheid om uit te lewe.
Het die Here jou oë geopen en jou naam genoem.

Onthou net, waar jy ook al is,
en wat jy ook al in die gesig staar ...
DIE HERE WEET!

Mandjie Hoop: Die WOORD sê dat GOD getrou is

GOD is nie getrou aan die mens se eie planne, begeertes of verkeerde verwagtings of verdraaide sienings van die Bybel nie.

- GOD IS GETROU AAN HOMSELF.
- GOD IS GETROU AAN SY WOORD.
- GOD IS GETROU AAN SY WAARHEID.
- GOD IS GETROU AAN SY HEILIGHEID.
- GOD IS GETROU AAN SY GEREGTIG-

   HEID.
- GOD IS GETROU AAN SY VERBONDE.

Die vraag was nooit of GOD getrou sou wees nie.

Dieselfde vraag staan vandag voor elke mens.
Vertrou jy die HERE JESUS CHRISTUS?
Vertrou jy SY WOORD?
Vertrou jy SY Beloftes soos Dit Werklik geskryf staan?
Vertrou jy DIE HERE JESUS CHRISTUS, DIE WAARHEID EN DIE WOORD genoeg om HOM te gehoorsaam?

[Aangestuur]

Mandjie Hoop: Wat jy plant, sal jy oes ...

As jy eerlikheid plant, sal jy vertroue oes.
As jy integriteit plant, sal jy karakter oes.
As jy opregtheid plant, sal jy goeie dinge oes.
As jy respek plant, sal jy vriende oes.
As jy goedheid plant, sal jy tevredenheid oes.
As jy vriendelikheid plant, sal jy glimlagte oes.
As jy geduld plant, sal jy kalmte oes.
As jy goeie dade plant, sal jy hoop oes.
As jy dankbaarheid plant, sal jy innerlike geluk oes.
As jy nederigheid plant, sal jy grootheid oes.
As jy volharding plant, sal jy bevrediging oes.
As jy oordenking plant, sal jy perspektief oes.
As jy sweet plant, sal jy sukses oes.
As jy vergifnis plant, sal jy versoening oes.
As jy jou hart plant, sal jy liefde oes.
As jy geloof, hoop en liefde plant, sal jy die lewe oes.

Mandjie Hoop: Geluk

Om werklik gelukkig te wees,
moet jy altyd jou beste gee.
Onthou net dat jou beste op goeie dae verskil van jou slegte dae en moeilike omstandighede.

Moet jou nooit met ander mense vergelyk wanneer jy jou beste gee nie, want jy is mos jy! 

Doen en leef net jou eie unieke beste.

Mandjie Hoop: Maklik vs moeilik

Maklik is dit om 'n plekkie in iemand se adresboekie te kry ...
Moeilik is dit om 'n plekkie in iemand se hart te kry ...
Maklik om die foute van ander te oordeel ... 

Moeilik om jou eie foute te erken ...
Maklik is dit om te praat sonder om te dink ... 

Moeilik is dit om die tong in toom te hou ...
Maklik is dit om iemand seer te maak vir wie jy lief is ... 

Moeilik is dit om die wonde te heel ...
Maklik is dit om die reëls neer te lê ... 

Moeilik is dit om dit te volg ...
Maklik is dit om oorwinning te vier ... 

Moeilik is dit om nederlaag met waardigheid te aanvaar ...
Maklik is dit om met 'n vrag te struikel ... 

Moeilik is dit om op te staan ...
Maklik is dit om elke aand te bid ... 

Moeilik is dit om die Hand van God in die swaarkry te sien ...
Maklik is dit om aan iemand te beloof ... 

Moeilik is dit om die belofte na te kom ...
Maklik is dit om te sê ek het jou lief ... 

Moeilik is dit om dit elke dag te bewys ...
Maklik is dit om foute te maak ... 

Moeilik is dit om van jou foute te leer ...
Maklik is dit om oor verlore liefde te ween ...

Moeilik is dit om te sorg dat dit in die eerste plek nie verlore gaan nie ...
Maklik is dit om te dink om jouself te verbeter ... 

Moeilik is dit om op te hou dink en tot aksie oor te gaan ...
Maklik is dit om te ontvang ... 

Moeilik is dit om hul te hou deur dade ...
Maklik om hierdie te lees ... 

Moeilik om dit te volg ...

[Geleen op FB]

Flitsgedagte: Genade

Mandjie Hoop: DIE WOORD sê dat GOD GETROU IS

GOD is NIE getrou aan die mens se eie planne, begeertes, verkeerde verwagtings, of verdraaide sienings van die Bybel NIE.

- GOD IS GETROU AAN HOMSELF.
- GOD IS GETROU AAN SY WOORD.
- GOD IS GETROU AAN SY WAARHEID.
- GOD IS GETROU AAN SY HEILIGHEID.
- GOD IS GETROU AAN SY GEREGTIGHEID.
- GOD IS GETROU AAN SY VERBOND.

Watter gerusstelling is dit nie vir ons nie?!

Mandjie Hoop: Die belangrikste woorde ...

Die ses belangrikste woorde:
'Ek waardeer wat jy gedoen het.'
Die vyf belangrikste woorde:
'Ek het 'n fout gemaak.'
Die vier belangrikste woorde:
'Hoe voel jy daaroor?'
Die drie belangrikste woorde:
'Sal jy asseblief?'
Die twee belangrikste woorde:
'Baie dankie.'
Die belangrikste woord:
'Ons'
Die onbelangrikste woord:
'EK!'

Mandjie Hoop: Die lewe is soos saad ...

Hoe MEER blomsaad jy saai - 

hoe meer blomme om later te pluk.
Hoe MEER liefde jy uitdeel - 

hoe ryker word jy.
Hoe MEER jy lag - 

hoe sterker word jou krag.
Hoe MEER jy bid - 

hoe sterker word die kragstroom

wat jou voed.
Waardeer God en 

dit wat Hy oor jou pad toelaat,
en waar Hy jou geplaas het.

Mandjie Hoop: Efesiers 2:10

Die LEWE is jou VERFDOEK
GELOOF jou KWAS
GOD se WOORD
Jou INSPIRASIE
en JY is GOD se 

MEESTERSTUK

Mandjie Hoop: Lewende water

Moenie dink die Bybel is 

DROOG
omdat dit buitekant vol stof is nie.
Die WATER van die 

LEWE
is binnekant.

Mandjie Hoop: ‘n Oproep om God te prys

'n PSALM.
By die lofoffer.
Juig voor die Here, o ganse aarde!
Dien die Here met blydskap;
kom voor sy aangesig met gejubel.
Erken dat die Here God is:
Hy het ons gemaak, en ons is syne,
sy volk en die skape van sy weide.
Gaan sy poorte in met lof,
sy voorhowe met lofgesang;
loof Hom, prys sy Naam.
Want die Here is goed;
sy goedertierenheid is tot in ewigheid,
en sy trou van geslag tot geslag.

Mandjie Hoop: As jy sukses in die lewe wil hê

Prof. Dawid het op ‘n dag geskryf: “As ‘n mens sukses in die lewe wil hê, moet jy God en sy genade ken; jou medemens meer ag as jouself; jou geleenthede ten volle gebruik; jou getuienis staaf in woord en daad. En jouself gee as ‘n offer in sy diens.”

Mandjie Hoop: Wees vol moed

 Het jy al gedink en besef wat ‘n groot wonder van genade God vir jou gedoen het sodat jy aan Jesus kan glo en aan Hom kan behoort? Dank God elke dag daarvoor! Dan hoef jy nooit moed te verloor nie, want sy genade wat jou tot hier gedra het sal jou ook verder dra. Miskien is jy onseker ... deel ek in die genade? Jy kan dit vandag ontvang! (Matt 11:28 & 2 Kor 6:2)

Jy het rede om vol moed te wees, kind van God!

Mossiedag: Het jy geweet ...?

Woensdae en Sondae het ons 'n Mossiestilte - dis daardie kort oomblik wat ons stil raak en die dag begin met 'n boodskap op die blog. Daarom pas Mossiedag so mooi by vandag se stukkie waar ons die versekering kry dat God vir ons sorg en dat Hy 'n plan het vir elkeen van ons.  

"In die konsentrasiekamp, meer as 100 jaar gelede, sit Anette Marais op ’n stomp en skud die stof van haar verslete klere af.

Rondom haar sit die groepie bekende gesigte van moeë vrouens. Net ’n paar tree verder is die hoë draad van die konsentrasiekamp. Sy slaan haar Bybel oop en begin lees. Sy het in die donker ure van die nag geworstel met God en Hom gesmeek vir ʼn boodskap om hierdie vrouens te bemoedig, want wie weet hoe lank nog ...

Anette lees die woorde van Matt 10:29 “Is twee mossies nie vir ’n sent te koop nie, en tog sal nie een van hulle op die grond val sonder die wil van julle Vader nie.”

Terwyl sy besig is om hierdie woorde te lees, kom sit daar ’n vaal klein mossie op haar skouer.

Die groepie vrouens staar in verbasing na wat voor hulle gebeur, en so word die mossie, die teken van hoop in die onmoontlike omstandighede van die konsentrasiekamp in Bethulie. Dit was fantasties om in die maande wat volg te sien hoe die mossies van Bethulie ’n baken van geloof en hoop word vir hierdie vrouens.

Op 21 Mei 1902 is die oorlog verby. Anette het op pad terug na haar huis gestop by ’n vrou met invloed en haar vertel van die mossieboodskap. Sy het dit weer oorvertel en genl. Jan Smuts het in 1923 die mossie op die land se kleinste muntstuk (kwartpennie) laat verskyn.

Amper 80 jaar later sit Jak de Priester in ’n park in Londen. 

Sy geld is op, hy kry nie werk nie, hy mis die meisie van sy drome , sonskyn en biltong. Hy slaan sy klein silwer Bybeltjie oop en lees die “mossie”-boodskap en bid vir die soveelste keer vir werk!

Vroeg die volgende oggend lui sy telefoon en dis die oproep waarvoor hy gewag het. Hy spring op die eerste trein en begin met ʼn lang dag se onderhoude. Moeg maar gelukkig en met ’n permanente werk klim hy weer laatmiddag op die trein.

Toe hy inklim sien hy ’n muntstuk op die vloer lê, hy tel dit op, en daar op ’n trein in Londen hou hy ’n Suid-Afrikaanse 1c in sy hand ...

[Geleen op FB]

Mandjie Hoop: Tel jou seëninge

Jy tel eerstens jou seëninge

en nie jou verliese nie, sê die Here. 

Selfs in jou donkerste nag, 

is jou seëninge steeds baie meer as jou verliese. 

Selfs al het jy alle aardse goed verloor, 

het jy nog vir My, sê die Here. 

Ek is jou grootse Bate en Rykdom. 

Die aardse goed gaan verby, 

maar Ek bly vir ewig by jou. 

Tel jou seëninge. 

Sien jou gesondheid raak. 

Wat van jou kosbare familie en vriende? 

Het jy nog oë om te kan sien? 

Kan jy nog hoor? 

Het jy nog jou twee bene om mee te loop? 

Kan jy nog jou longe vol vars lug trek? 

Daarom lewe jy ‘n lewe van intense genade!

[Aangestuur]

Mandjie Hoop: Genade!

Genade is dit wat die wêreld verander het. 

Jesus smous met genade ... 

Genade is gratis,

God deel dit uit - 

jy kan dit nie verdien nie.

Daar is niks wat jy kan doen wat verseker dat God jou meer liefhet nie. 

Daar is niks wat jy kan doen wat sal maak dat God jou minder liefhet nie. 

Dít is hoe genade werk. 

Die oomblik as jy dit begryp, 

is jy vrygemaak.

Mandjie Hoop: Aardse pyn

Wanneer donker wolke om jou vou,
is 'n sterk hand altyd by jou.
Laat Hy jou lei na waar Hy wil,
deur velde groen en waters stil.
Hou styf vas aan sy liefdevolle hand
en weet Hy is altyd aan jou kant
in alles wat oor jou pad mag kom,
kan jy maar net vertrou op Hom.
Geen aardse pyn is ooit te veel
as God dit weer met sy aanraking heel.

[Aangestuur deur Rosetta]