Kerkgenotjies: Ons liewe vriend, Mike, is nog steeds bedrywig

* Mike en Jimmy staan op die Stormsrivierbrug en kyk hoe mense rekspronge uitvoer.

"Moet 'n mens betaal om hier af te spring?" vra Mike.

"Nee," antwoord Jimmy, "ek dink jy betaal net wanneer jy die rek aan jou wil vasmaak."

* Mike koop 'n blik Quick Slim by die apteek en vra die apteker soos hy uitloop by die deur: "Werk die goed?"
"Ja, jy behoort 'n verskil in twee weke te sien."
Twee weke later kom Mike terug en sê: "Die goed werk nie!"
"Maar jy lyk wonderlik. Dit lyk of jy 10 kg verloor het."
"Ja, maar ek is nog net so stupid"

* Mike kry werk om strepe op 'n teerpad te verf. Die eerste dag verf hy 2 km, die dag daarna 1 km, die dag daarna 500 m en dit raak net al hoe slegter. Een van sy hoofde roep hom in om uit te vind wat gaan aan. Mike: "Daai verfblik raak al ver!"