Seënbede: Mag jy vandag geseën word ...

Die Here is voor jou om die pad gelyk te maak.
Die Here is langs jou om jou hand vas te hou.
Die Here is agter jou om die Bose te verslaan.
Die hand van die Here is onder jou om jou te dra as jy swak is en jou op te help as jy val.
Die Here is rondom jou om jou te beskerm.
Die Here is bokant jou om jou te seën.
Die Here is binne-in jou, want Hy lei jou deur sy Heilige Gees.
Die Here is vir jou, want Jesus pleit vir jou.
Die Drie-enige God is by jou, van nou af tot in ewigheid.
Amen.

Seënbede: Mag jy vandag geseën word ...

En Ek sal hulle en die plekke rondom my heuwel tot 'n seën maak en die stortreën laat val op sy tyd; stortreëns van seën sal dit wees.
Esegiël 34:2

Seënbede: Mag jy vandag geseën word ...

Die Here sal jou seën en jou behoed; 

die Here sal sy aangesig oor jou laat skyn en jou genadig wees; 

die Here sal sy aangesig oor jou verhef en aan jou vrede gee.

Numeri 6:24-26

Seënbede: Mag jy vandag geseën word ...

Geseënd is die man wat op die Here vertrou,

en wie se vertroue die Here is.
Want hy sal wees soos 'n boom wat by die water geplant is
en sy wortels uitskiet by die stroom
en nie vrees as daar hitte kom nie,
maar sy blad bly groen;
en in 'n jaar van droogte is hy nie besorg nie
en hou nie op om vrugte te dra nie.

Jeremia 17:7-8

Senior gemeentelede: Geniet julle lentefunksie

Die lente van die hart:

Met die winter wat finaal agter ons lê (ons hoop so), groet ons die koue en verwelkom ons die warm, lewendige kleure van die lente. Hierdie seisoen herinner ons daaraan dat hernuwing en skoonheid nie net aan die jeug behoort nie, maar dat die hart op enige ouderdom weer opnuut kan blom.

Met die geur van jasmyn in die lug en nuwe hoop in ons harte, hoop ons dat julle hierdie funksie terdeë sal geniet en deel sal maak van julle skatkis vol herinneringe. Mag dit vir jou vandag vrede en 'n glimlag bring!

Ons seënbede vir jou
Mag die Here jou hierdie lente en die res van die jaar ryklik seën met die warmte van Sy liefde en die lig van Sy teenwoordigheid. Mag Hy elke stram lit verkwik, elke bekommernis wegneem, en jou hart vul met 'n diep, standhoudende vrede.
Soos die natuur rondom ons nuut word, bid ons dat jou gees daagliks verfris sal word met nuwe krag, vreugde en dankbaarheid vir die pad vorentoe. Blom waar jy geplant is, omring deur Sy genade.
Amen.

Seënbede: Mag jy vandag geseën word ...

God sal ons seën,
en al die eindes van die aarde sal Hom vrees.
Psalm 67:8

Seënbede: Mag jy vandag geseën word ...

God - Skenk my die Kalmte,
Om te aanvaar wat ek nie kan verander nie,
Moed om te verander wat ek kan,
En die Wysheid om te weet wat die onderskeid is.

Dankie God vir nog 'n dag,
'n geleentheid om na U wil te leef
om weer die vreugde van die lewe te voel
en die blydskap te ervaar van gawes aan ander

Internet

Seënbede: Mag jy vandag geseën word ...

Mag God se blywende SEËN

jou vandag vergesel.

Mag die Here se GUNS

oor jou wees

en mag jy oorvloed GENADE

vandag uit God se hand ontvang! 

Seënbede: Mag jy vandag geseën word ...

Mag die Here jou elke dag seën

met nuwe krag.

Mag die Here sy beskermende hand oor jou hou.

Mag die Here sy lig oor jou onbekende paaie skyn.

Seënbede: Mag jy vandag geseën word ...

* met 'n sagte hart, 'n hart vol liefde.
* met God se wysheid in elke besluit van jou lewe.

* met God se leiding, sy guns en sy genade oor jou. 

* met die wete dat jy 'n Vader het wat jou innig lief het, dat niks wat jy kan doen Hom liewer kan maak vir jou nie, ook nie minder nie.
* om daagliks Sy voorsiening te beleef,
* om Sy totale beskerming en Sy doel vir jou lewe te ervaar.

[Aangestuur deur Rosetta]

Seënbede: Mag jy vandag 'n geseënde mens wees ...

Geseënd is die mens wat ...

in die Woord van die Here sy vreugde vind (Psalm 1:1-2).

in die Woord van die Here onderrig word (Psalm 94:12).
wandel volgens God se Woord (Psalm 119:1).

Seënbede: Mag jy vandag geseën word ...

* met die wete dat God jou geroep het met 'n doel, en dat jy daarin sal wandel.

* met jou talente, jou gawes en jou verhoudings.
* met jou finansies, jou besigheid en jou denke.
* met jou lewenstaak met vreugde, harmonie en liefde.
* in jou huwelik, jou gesin en jou drome.

* om jou identiteit te vind in Christus. 

Geseënd is jy, geliefde van God!

[Aangestuur deur Rosetta]

Seënbede: Mag jy vandag geseën word ...

God seën u in die oggend

as die eerste sonstraal groet.

God seën u die heeldag lank

en in die middaggloed ...

God seën u in die aand

met die vrede ook daarmee.

Van 'n tevrede hart

en gemoed

wat SY liefde alleen kan gee.

[Jean Kyler McManus]

Seënbede: Mag jy vandag geseën word ...

Mag die seën van lig met jou wees
Lig aan die buitekant
Lig aan die binnekant
Met God se sonlig skynend op jou
Mag jou hart gloei met warmte
Soos `n kolevuur
Wat vriend en vreemdeling beide welkom heet
Mag die Lig van die Here uit jou oë skyn
Soos `n kers in ‘n vensterbank
‘n verwelkoming vir die vermoeide reisiger ...

Ierse Seëngebed (Vrye vertaling)

Seënbede: Mag jy vandag geseën word ...

Ag, Here, gee tog heil;

ag, Here, gee tog voorspoed!
Geseënd is hy wat kom in die Naam van die Here!
Ons seën julle uit die huis van die Here.
Psalm 118:25-26

Seënbede: Mag jy vandag geseën word ...

* Ek seën jou om oop te wees en gereed te wees om geleer en gelei te word deur Heilige Gees.
* Ek seën jou gees met genesing sodat jy jou gebrokenheid kan oorkom en in volkome genesing kan leef.
* Ek seën jou met goddelike vriendskappe, mense wat jou sal aanmoedig, en jou droom met jou sal deel.
* Ek seën jou gees, jou siel en jou liggaam.
* Ek seën jou met die wete dat niks in jou lewe, verlede of toekoms jou kan skei van die liefde van God nie.

Geseënd is jy, geliefde van God!

Seënbede: Mag jy vandag geseën word ...

Mag jy rustig en kalm bly in moeilike dae;
Mag jy nog steeds glimlag 

wanneer slegte nuus na jou toe kom;
Mag daar steeds 'n reënboog wees 

na elke storm;
Mag blydskap altyd op jou gesig wys;
Mag daar genoeg sonskyn wees 

om jou hart warm te hou;
Mag daar genoeg mooiheid om jou wees 

vir jou oë om te aanskou;
Mag jy liefdevolle vriendskap ervaar

om jou op te beur in moeilike tye;

Mag jy altyd onthou waar jou hulp vandaan kom!

Seënbede: Mag jy vandag geseën word ...

Mag vreugde en vrede jou omring
Tevredenheid jou deur se grendel wees
En geluk nou jou deel wees
En jou Seën vir ewig aan
Ierse Seëngebed

(Vrye vertaling)

Seënbede: Mag jy vandag geseën word ...

Die Here is my herder;

niks sal my ontbreek nie.
Hy laat my neerlê in groen weivelde;
na waters waar rus is, lei Hy my heen.
Psalm 23:1-2

Seënbede: Mag jy vandag geseën word ...

* Ek seën jou gees vandag deur die bloed van die Lam.
* Ek seën jou met die wete dat jou Vader jou lief het, ongeag wat jy al gedoen het.
* Ek seën jou met die wete dat Hy jou identiteit ken.
Hy het jou gevorm.
Hy weet hoe jy dink en waarom jy so optree.
Hy weet alles van jou af, jy kan niks vir Hom wegsteek nie.
* Ek seën jou dat jy gekoester mag word in Sy liefde.
* Geseënd is jy, geliefde van God!

[Aangestuur deur Rosetta]