Mandjie Hoop: Lewende water

Moenie dink die Bybel is 

DROOG
omdat dit buitekant vol stof is nie.
Die WATER van die 

LEWE
is binnekant.

Kersgeskenk: Bybeluitverkoping

Die ideale Kersgeskenk teen 'n uiters bekostigbare prys!

42% afslag! Voorraad beperk!

Plaas jou bestelling by die kerkkantoor voor 31 Oktober 2025.

Kersgeskenk: Bybeluitverkoping

Die ideale Kersgeskenk teen 'n uiters bekostigbare prys!

42% afslag! Voorraad beperk!

Plaas jou bestelling by die kerkkantoor voor 31 Oktober 2025.

Dink hieroor: ʼn Verligte gevoel

Ons dink dat as ons op ander se foute hamer ons beter sal lyk. 

“ Weet jy wat sus of so gedoen het ...” laat my sommer al klaar beter voel. Ja-nee, ek is self darem nie so sleg nie. Dit is sowaar ʼn snaakse manier om jouself beter te laat voel en lyk, deur ander seer te maak.

Jy sal weet wanneer dit gebeur. Dit gaan gewoonlik so: “Hanrie het haar goeie punte, maar ...” en dan trek jy los. Of  “Moet vir niemand sê nie – ek sê net vir jou ...” en dan word die krane oopgedraai. As jy klaar is, het jy so bietjie van ʼn verligte gevoel, want jy voel so bietjie meer tevrede met jouself.

Jy het nie nodig om op die seerkry van ander te klim om beter te voel nie. God het jou lief soos jy is … onthou net altyd dat Hy die mense oor wie jy so skinder, ook liefhet.

Dink hieroor: As dinge skeefloop ...

Op die lewensreis saam met die Here moet daar ook nie vir jou so iets soos probleme wees wat jou terneergedruk eenkant laat sit nie. Nee, daar moet net oplossings en nuwe geleenthede wees. Wat soos probleme lyk moet net vir jou die stilhouplek langs die pad wees wat jou kans gee om nuut te beplan en nuwe oplossings te soek. As die “afs” in die lewe jou tref, moet jy soos ʼn fietsryer teen ʼn afdraande wees. Jy moet dan juis spoed opmaak. As dinge skeefloop moet jy herbeplan, kyk wat verkeerd geloop het en dit regmaak, weer probeer, of anders probeer.

Die “ops” in ons lewe is juis daar omdat ons nie by die “afs” bly lê het nie.

[Uittreksel: Jan van der Watt]

Dink hieroor: Hoekom is dit só moeilik?

Hoekom voel ons slaperig in die kerk,
Maar kan wakkerbly deur 'n 3 uur fliek?

Hoekom is ons so verveeld as ons die Bybel lees,
Maar vind dit maklik om ander boeke te lees?

Hoekom is dit so maklik om 'n boodskap oor Jesus te ignoreer,
Tog stuur ons die snaakses aan?

Hoekom word kerke kleiner,
Maar kroeë en klubs brei uit?

Hoekom is dit so maklik om 'n bekende te aanbid,
Maar baie moeilik om by Jesus betrokke te raak?

Hoop vir die toekoms vanuit die Bybel

Weet jy nie wat aangaan nie? Lees gerus die boek Job. Die oue word vervang met 'n beter nuwe, net as ons as mense, in die geloof aan God vasklou. 

1 Kor 12: ons het almal verskillende gawes. 

1 Kor 13: aan die einde bly net geloof, hoop en liefde oor. Maar die belangrikste is die liefde.

Geld laat miskien die wêreld draai. Maar liefde maak die draai baie makliker.

Die Here voorsien ...

Bybelvertaling is selde 'n werk met gereelde ure en 'n vaste inkomste.

Dit is heeltemal normaal vir vertalers om verskillende maniere te hê om hulle inkomste aan te vul. Daar is byvoorbeeld vertalers wat hulle landerye moet bewerk om te oorleef, maar daar is seker nie baie wat 24 kinders moet onderhou, terwyl hulle besig is met 'n Bybelvertaling nie.  

Insuthosi Jamir woon in Dimapur in Indië en is een van die vertalers van die Bybel in Nagamese.

Die Bybelgenootskap van Indië ondersteun hom terwyl hy aan die Bybelvertaling werk. Alhoewel dit tans sy enigste inkomste is, het hy en sy vrou, Imeinla, 'n weeshuis vir 24 kinders.

"Ek kom uit 'n baie arm gesin, maar ek het altyd geweet ek wil ander, veral weeskinders, help," vertel Insuthosi. "Ons het met drie kinders begin maar gou-gou het meer gekom. Sommige is in hospitale agtergelaat en ander op straat.

"Dit is finansieel baie moeilik, maar ek weet dat die Here sal voorsien." Hy vertel dat hy dikwels net 'n paar muntstukke in sy sak het, maar die Here voorsien altyd. Onlangs het hy nie genoeg geld gehad om die kinders se skoolgeld te betaal nie, en toe kom daar 'n bydrae van 'n vriend in Amerika - die presiese bedrag wat benodig is.

"Om betrokke te wees by die Nagamese Bybelvertaling is vir my 'n wonderlike voorreg. Bybelvertaling en die kinders het my egter geleer die Here sal voorsien."

Indië se ongeveer *1 miljard mense praat sowat 3 372 tale. Die Bybelgenootskap van Indië het reeds die volledige Bybel in 65 tale beskikbaar gestel. Bybelvertaling is 'n prioriteit vir hierdie Bybelgenootskap. Soos Insuthosi, glo hulle ook dat die Here die nodige fondse en kundigheid sal voorsien.   

* Verouderde inligting van 2015

[Bron: Somer 2015 die saaier]

Dink hieroor: Het jy 'n adres in die Bybel?

Het jy 'n adres in die Bybel?
As die dag lank was en jou gô is uit, ry ons mos huis toe.
Daar waar jy net jouself kan wees

en alles om jou jou herinner presies wie jy is.
Net so moet ek en jy ook 'n adres in die Bybel hê.
As die lewe druk of jy net aan God se soom moet vashou,

dan het jy jóu adres in die Bybel.
Daardie een vers wat vir jou voel soos jou geestelike huis.
Ek deel met julle my adres in die Bybel.
Wat is joune?
Sit aan die ketel - Amptelike Blad -
www.sitaandieketel.co.za
#kykmooinajouself

Terugblik: Die gebed van 'n boom

Wanneer u by my verbystap

Sonder om my raak te sien

of dalk my takkies ongemerk te kneus

Wag 'n bietjie en staan eers stil.

Dis ek wat in koue winternagte

jou haard verwarm

Dis my vriendelike koeltes

wat jou teen die snikhete sonstrale laaf.

Dis my sappige vrugte wat jou op jou reis

verkwik en jou dors les.

Ek is die balke wat jou dak oor jou hoof vashou

Ek is die blad van jou tafel en die bed waarop jy rus

Ek is die hout van jou boot

en die handvatsel van jou gereedskap

Uit my kom die brood wat voed

en die blom vol kleur en geur.

Ek is die deur van jou woning

die hout van jou wiegie

en die kis van jou graf.

Uit my is eenmaal balke gekap

Waarmee 'n kruis gemaak is

Ek was die hout van Gods altaar vir sy seun

die hout wat 'n brug geword het.

Uit my stamme gebreek en fyngemaal deur die meule

Kom papier, ook die van Die Boek van God

oor my staan die Boodskap

van hoop en lewe geskrywe

My blare is tot genesing van die Nasies

Open. 22:2

Ek vra u daarom

Moet my nie beskadig of vergeet nie.

Kniel liewer by my en dank God vir my.

[Uit: Dorstfontein: Dutoitspan-gemeentemaandblad - April 1984]    

Kerkgenotjies: Die tien gebooie

Die ou dame stuur haar ou familiebybel deur pos aan na haar broer in ‘n ander dorp.

Die klerk by die poskantoor vra haar: “Is daar iets breekbaars hier binne?”, waarop sy antwoord:”Net die tien gebooie.”

Klik HIER vir iets in ligter luim!

Ek het amper u Seun vir 50c verkoop!

'n Paar jaar gelede het 'n predikant van die platteland 'n beroep na die stad aanvaar.

Een spesifieke dag moes hy per bus na die middestad gaan. Nadat hy vir sy kaartjie betaal het, en 'n sitplek gekry het, het hy gesien dat die busbestuurder hom 50c te veel kleingeld gegee het.

Hy het gewik en geweeg. Sal hy dit nou terug gee of nie? Dis net 50c! Hy het 'n bietjie daaroor nagedink en besluit om die 50c terug te gee.
 
Toe die bus stop, het hy vorentoe geloop en voordat hy uitklim die 50c vir die bestuurder teruggegee. Die bestuurder het opgekyk en gevra: "Is u nie die nuwe dominee van die platteland nie?"
"Ja" antwoord die dominee verbaas dat iemand hom hier sou ken.
Die busbestuurder sê toe: "Ek het die laaste ruk baie gewonder oor waar ek kerk toe moet gaan om te aanbid. Ek wou net sien wat u sou doen, as ek u te veel geld gee. Ek sien u Sondag"
 
Van die bus af, moes die predikant vir 'n oomblik aan die lamppaal vashou.
"O Here!" het hy uitgeroep.
"Ek het amper u Seun vir 50c verkoop!"
 
Ons lewens is dikwels die enigste Bybel wat mense ooit sal lees. Dis skrikwekkend om te weet hoe baie mense ons as Christene dophou en sonder dat ons weet, ons toets.
 
Wees dus altyd versigtig oor wat jy sê en wat jy doen. Onthou: jy dra die Naam van Jesus Christus op jou skouers as jy jouself 'n Christen noem!

[Dankie, ds. Ensie!]

'n Bybel wat uitmekaar uitval ...

Church at home: Bible Study

Click HERE to look at this amazing video.

My waardevolste bate in die lewe ...

Here Jesus, baie dankie dat ek U geskrewe

Woord in my eie moedertaal kan lees. 

Die Bybel nie 'n slaappil nie ...

Gaan lees gerus hierdie treffende artikel op Media24 se webwerf. 'n Stukkie om aan te herkou en te oordink, so tussen al die slegte nuus deur.

Die Here is stil ...

Bybelbroodjie...

Jou Bybel...

Read your Bible!