Hoekom glo ek in God?

Ek het Hom nodig.

Hier is my antwoord:

Ek glo in God, want partykeer is die wêreld so "awesome" en dinge werk so goed uit dat my siel uitroep vir iemand om voor dankie te sê.
Dan is dit Hy!

 
Ek glo in God, want soms is die berge en die sonsondergang en die wolke en die maan so mooi dat ek iemand nodig het om te prys.
Iemand moes dit gemaak het.
Dis Hy!

 
Ek glo in God, want partykeer gebeur goed wat so onbeplan is en so seermaak. En dan voel dit of niemand verstaan nie, maar dan onthou ek die spykers in Sy hande en die Man aan die kruis.
Dan weet ek Iemand huil saam met my.
Dis Hy!

 
Ek glo in God, want partykeer is ek so deurmekaar en die lewe so sinneloos en my drome lyk onbereikbaar en dan het ek iemand nodig om saam met my die pad te stap en rigting te wys.
Dan is Hy daar!

 
Ek glo in God, want partykeer is ek so dom en ek doen sulke "stupid" goed en sonde mors my hart en my lewe so op en maak ander so seer.
En Dan het ek nodig dat Iemand vrede en wysheid bring
Dan is Hy daar!

 
Hy maak heel wat ekself verbrou het!
Hy bring genade selfs in seer wat ekself veroorsaak het!
Ek glo in God, want partykeer weet ek niks. Ek het leiding en wysheid nodig in 'n deurmekaar wêreld wat ek nie verstaan nie.

En dan skryf Hy vir my in die Bybel en ek lees Sy Woord en hoor Sy stem en dinge maak weer sin!
Ek glo in God, in Jesus, in sy Gees, want Hy's daar!
Heeltyd! Altyd!

 
In alles waardeur ek gaan, maak nie saak hoeveel keer ek dieselfde fout maak nie, Hy is daar!

Ek glo in God, want ek sien nie kans om ooit alleen te wees of enigiets alleen te doen nie.

Darem so waar ...

Ek kan uit Pep uit dra en jy Markhams
Tog het ons al twee klere aan
Jy kan in 'n dubbelverdiepinghuis bly 

en ek in 'n hophuis
Tog het ons al twee 'n dak oor ons kop
Dis net standaard en gehalte ...
Maar aan die einde van die dag, 

gaan staan ons voor dieselfde God en 

ons almal gaan onder dieselfde grond lê.
Wees dankbaar vir dit wat jy het 

en vir wie jy is, 

die enigste persoon waarmee jy moet kompeteer 

is jouself deur te probeer 

om beter as gister te wees!
Here, ek het nie veel nie, 

maar vir dit wat ek het,

sê ek baie dankie ...

dis net uit U genade uit!

Vadersdag: Dankie, Pa!

My pa het my geleer kruip, maar gesê: "As jy groot is moet jy wérk vir dit wat jy wil hê, en nié kruip nie."

My pa het my geleer dat nie almal in die lewe Liewe Heksie of Liewe Lulu is nie, en dat Blommeland ook kaktusse huisves.

My pa het my geleer om my geld én my woorde te tel.

My pa het my geleer van noord, suid, oos en wes, maar dat ek self die rigting van my lewe moet bepaal.

My pa het my geleer dat die kortste pad na ‘n man se hart deur sy remote control loop, met SuperSport, MNet en DSTV as die hoofdis.

My pa het my geleer dat Bostik enige iets kan fix - van ‘n stukkende ketel tot ‘n stukkende hart.

My pa het my geleer dat grid, grout en great nie noodwendig dieselfde ding is nie.

My pa het my geleer om nie altyd my boetie te blameer as net die helfte van die maan in die lug hang en ek sê hy het dit gebreek nie.

My pa het my geleer dat drome méér is as net prentjies in ‘n mens se kop.

My pa het my geleer daar is altyd drie kante aan ‘n storie: My kant, jou kant en die regte kant.

My pa het my geleer die getrouste en goedkoopste troeteldier is ‘n spaarvarkie.

My pa het my geleer die mooiste vrou in die wêreld is my ma.

[Dankie, Marthie van der Merwe - 

Geleen]

Die Krag Van Dankbaarheid In 'n Christen Se Lewe

Van al die maniere om God te aanbid, 

is dankbaarheid waarskynlik die een 

wat die meeste deur ons misgekyk word.

Van die insekte tot die diere, 

sien ons hoe God sy seëninge 

oor al sy skepsels uitgestort het, 

maar slegs die mens beskik oor die vermoë 

om deur woorde en dade

uitting te gee aan dankbaarheid. 

‘n Lewe van dankbaarheid lyk egter anders 

as om bloot goeie maniere te hê en dankie te sê. 

Die gawe van dankbaarheid word deel van ons lewe 

wanneer ons ten volle besef wat God vir ons 

uit genade gedoen het en dit ons dryfkrag word
om elke dag vanuit dankbaarheid te leef.

Begin vandag om elke dag dankbaar te leef!

Dink hieroor: 'n Teenvoeter vir ongelukkigheid

Het jy geweet? 

Om elke dag vir God dankie te sê vir alles wat ons het, 

maak ons harte vol en gelukkig. 

Volgende keer as jy ongelukkig voel, 

dink aan alles waarmee God jou seën, 

en sê dan dankie daarvoor.

Wie van ons ken nie 'n persoon wat van kla en kerm hou nie?

DALK IS JY SELF EEN ...

* OM NEGATIEF IN DIE LEWE TE WEES OOR ALLES IS 'N KEUSE WAT JY SELF MAAK.
Ek is seker elkeen van ons het al iemand vermy wat elke dag net kla oor alles, omdat dit vir jou voel dat dit maak nie saak wat jy doen of sê nie, hulle verkies om in alles die NEGATIEWE te sien.

* DIE PROBLEEM MET 'N NEGATIEWE GESINDHEID IS ...
Jy trek mense AF na jou NEGATIEWE vlak toe, en POSITIEWE mense hou NIE daarvan om afgetrek te word NIE - hulle vermy jou liewer.
Mense wat NEGATIEF is en oor ALLES kla, doen GEEN MOEITE om iets in hulleself en hulle lewens te VERANDER NIE. Dit verg te veel energie en dis makliker om op die ou trant aan te gaan.

* NEGATIEWE MENSE LEEF NIE DANKBAAR NIE ...

Jy sien nie die mooi om jou raak nie.

Indien jy wel dankbaar is, gaan dit altyd gepaard met 'n MAAR ... 

ONTHOU:
👍 As JY 'n persoon is wat voortdurend kla en met alles foutvind, moet jy weet dat jy GEEN GELOWIGE se LIEFDE kan uitstraal na ander toe NIE.

👍 Ons Skepper het vir jou 'n BREIN, ENERGIE en KREATIWITEIT gegee, GEBRUIK dit.

👍 As JY TYD het om te KLA en KERM, dan het JY TYD om iets daaraan te DOEN. Raak stil en kom in aanraking met jou Skepper - Hy leef immers binne jou.

 
👍 Laat ons weer BEGIN om ons KLAENDE vriende opnuut AAN TE MOEDIG om saam met ONS 'n VERSKIL te MAAK.

👍 Ons kan slegs 'n VERSKIL maak, as ons met nuwe oë na die wêreld om ons kyk en die mooi raaksien.

👍 Leef dankbaar!!

Mandjie Hoop: Dankbaarheid genees ...

Dankbaarheid genees jou ...

* van onvergenoegdheid.
* van moegheid.
* dikwels van neerslagtigheid - dink oor alles wat jy het.
* van jaloesie en afguns.

Dankbaarheid laat jou stilstaan - omdraai en laat jou vir Jesus sien.

Gebed vir Vadersdag

Ons bid vir die pa’s wat daarna streef om die eise van hulle werke, huwelike en kinders te balanseer met ‘n eerlike bewustheid van beide die vreugde en opoffering daarvan.

Ons bid vir die pa’s, wat ten spyte van hulle eie tekort aan ‘n rolmodel, gedurig daaraan werk om ‘n waardige pa te wees vir hul kinders.

Ons bid vir die pa’s wat nie altyd daar kon wees vir hulle kinders nie, maar wat nou ekstra moeite doen om hulle kinders lief te hê en te ondersteun, selfs as volwassenes. Hiermee saam bid ons spesiaal vir pa’s wat deur die woorde en dade van hulle kinders gewond is en dit dikwels diep in hulle binneste wegsteek.

Ons bid vir elke pa wat ten spyte van onenigheid in sy huwelik, in sy kinders se lewens betrokke bly.

Ons bid vir die pa’s van kinders wat aangeneem is, wie se liefde en ondersteuning lei na ‘n vol lewe wat getuig van aanvaarding en behoort.

Ons bid vir dié wat as stiefpa’s die rol van pa moet vervul, en hierdie verantwoordelikheid vrylik kies. Ons is dankbaar vir die wat die titel van “vader” verdien het in hulle stiefkinders se lewens deur liefde en respek. Ons bid ook vir die stiefpa’s wat nog daaraan werk en soms daarmee sukkel.

Ons huil saam met elke pa wat ‘n kind aan die dood afgestaan het en aanhou om oor die kind te rou en die kind in hulle harte saam te dra.

Ons bid ook vir elke man wat geen kinders het nie, maar die volgende generasie koester as hulle eie.

Ons dra elke man in die gemeenskap aan God op wat ons as vader-figuur gelei het as mentor, onderwyser of reisgenoot.

Ons bid vir die mans wat op die drumpel van ouerskap staan, mag hulle vry en met vrymoedigheid hulleself oor hulle kinders verheug.

Ons bid vir die pa’s wat reeds gesterf het, wat in ons herinnering en verlange voortleef, wat aanhou om ‘n invloed op ons lewens te hê.

Ons is diep dankbaar dat U vir ons kom wys het hoe lyk ‘n perfekte Vader wat omhels, troos en liefhet sonder voorwaardes.

Seën elke pa en pa-figuur in ons gemeenskap Heer, waar vaders dikwels afwesig is.

[Gebed deur Kirk Loadman, vertaal deur Tilana Meyer-Morkell]

Mandjie Hoop: God is naby jou

Mag jy vandag rustig raak,
dankbaar en tevrede.
Veilig in Sy arms.
Naby Sy hart.
Mag jy net weet dat jy weet:
God is by jou.
Sy liefde maak heel.
Sy liefde gee krag.
Sy liefde motiveer.
Mag Sy genade jou uitlig en oplig uit alle stres,
sodat jy Sy visie oor jou duidelik sal raaksien.

Dink hieroor: U is steeds lief vir my

Ek weet ek is nie perfek nie.

Ek vergeet soms om dankbaar te wees.

Ek verloor soms my humeur.

Ek is nie altyd in staat om

my medemens te help nie.

   Maar ek weet:

U is altyd daar vir my,

   ek weet

U is altyd in my huis.

   Ek weet met al my foute

is U steeds lief vir my ...

Dankie vir elke dag

wat U vir my gee

om oor te begin.

[Dankie, Elmari]

Jy is 'n inspirasie

Jy's ‘n INSPIRASIE
as jy ander kan optel ongeag omstandighede.
Jy's NEDERIG
as jy onthou waar jy vandaan kom.
Jy's STERK
as jy jou hartseer leer om te glimlag.
Jy's BRAAF
as jy jou vrese konfronteer & ander help om dieselfde te doen.
Jy's POSITIEF
as jy probleme as geleenthede sien.
Jy's WYS
as jy nederig jou beperkinge aanvaar.
Jy's EERLIK
as jy nie blind is vir al jou foute & tekortkominge nie.
Jy's SUKSESVOL
as jy die potensiaal in ander kan raaksien & help ontgin.
Jy's TROTS
as jy weet wanneer om die minste te wees.
JY's MENSLIK
as jy ongeag jou foute steeds kan droom, wens & hoop.
Jy's LIEFDEVOL
as jy vergeet van jou seer& ander sin raaksien.
Jy's MOOI
as jou hart nog mooier is as jy.
JY's OPREG
as jy alles doen uit jou hart uit.
Jy's GELUKKIG
as jy jou geluk, hoop & liefde kan deel met ander.
JY's DANKBAAR
as jy glo al die seëninge in jou lewe is net genade.
JY LEWE
wanneer jy gister se seer agter jou kan sit, besef dat môre nie gewaarborg is nie & net leef vir nou.

[Dankie, Rosetta!]

Dink hieroor: Hartseer maar to só waar

Ons kla oor grys hare -
'n kankerpasiënt wens sy het hare gehad!

Ons kla oor nuwe skoene -
die gestremde wens hy het voete gehad!

Ons gooi kos weg -
honger mense bid net vir stukkie brood!

Ons baklei met ons geliefdes -
êrens in die lewe sit iemand alleen en bid vir liefde om oor hulle pad te kom!

Ons ouers irriteer ons soms of ons opinies verskil -
maar êrens in 'n ouetehuis sit ou mense en bid vir 'n kuiertjie van hul kinders wat hulle weggegooi het!

Ons baklei met ons kinders en ons kinders met ons -
êrens sit n ma of 'n kind by 'n graf en ween en wens net vir nog een dag saam met daardie persoon!

Ons bekommer onsself oor watse geskenk ons gaan kry of koop -
êrens sit n ma en bid dat sy net die Kersfees 'n brood en 'n bottel aanmaakkoeldrank en miskien 'n stukkie hoender vir haar kinders kan voorsit! Wat nog te sê 'n geskenk?

Ons kla oor vet of maer wees -
êrens veg iemand om oorlewing en wag vir 'n orgaan!

Wees dankbaar vir wat jy het,

wie in jou lewe is en 

wees tog geduldig en 

klaar dinge uit op 'n mooi manier!

Dink oor hoe geseënd jy is en

hoe jy dinge sommer maar net verwag omdat dit jou toekom!
Dis aardse goed en 'n gejaag na wind!
Hartsake en liefde is meer werd as enige groot duur geskenk of 'n nietige bakleiery!

Die dood is so finaal,

maak die beste van jou en

jou geliefdes se lewe!!!

Dink hieroor: As jy vandag kla ...

As jy vandag kla oor jou bord kos is min -
Gaan kyk hoe krap mense in vullisblikke vir iets om te eet.

As jy vandag kla jou bed is te klein of ongemaklik om op te slaap -
Gaan kyk hoe mense op koerantpapier slaap.

As jy vandag kla oor hoofpyn -
Gaan kyk in hospitale se ICU hoe mense veg vir hulle lewens.

 
As jy vandag kla oor jou ouers se foute en se tekortkominge -
Gaan weeshuise toe en kyk hoeveel kinders is sonder ouers.

As jy vandag kla oor jou tweevertrekhuis -
gaan kyk hoe mense in hokkies bly ...

As jy vandag kla oor die lewe en oor jou lewe -
gaan kyk in enige begrafplaas.

Daar is so baie wat net smag om te hê wat jy het ...
'n kans om alles reg te maak en te waardeer wat jy vandag nie wil waardeer nie ...

Alles wat ons is en het vandag is genade en 'n voorreg ...
So gryp elke oomblik aan en dank GOD daarvoor.

 
[Boodskap geleen.]

Mandjie hoop: Bid en glo

Leef eenvoudig -

Al het jy baie.

Wees dankbaar -

Al het jy min.

Sê jammer -

Al was jy reg.

Wees geduldig -

Al is jy kwaad.

Lag hardop -

Al wil jy huil.

Vertrou die Here sal voorsien.

Maar die belangrikste van alles is -

BID en GLO.