Gebed: Dankie vir beskerming

Dankie, Hemelse Vader, dat U in my woon en my beker vol maak wanneer dit leeg is. Dankie dat ons vanoggend kan weet U is ons toevlug en ons sterkte, dat U ons hulp is in benoudhede en dat U in 'n hoë mate beproef is, juis sodat ons kan weet U is ons krag en sterkte. Ek het U nodig, Here Jesus, die Rots by Wie ek kan skuil. Dankie vir U Heilige Gees wat nou deur ons kan waai, sodat ons U nabyheid kan ervaar, dat ons, ons kleed van geregtigheid kan aantrek en weet dat met U ons in oorwinning staan. Dankie,Vader, dat U ons nooit verlaat nie, maar met u hand ons sorgvuldig beskerm. Amen

Gebed: Dankie vir beskerming

Dankie, Hemelse Vader, dat U in my woon en my beker vol maak wanneer dit leeg is. Dankie dat ons vanoggend kan weet U is ons toevlug en ons sterkte, dat U ons hulp is in benoudhede en dat U in 'n hoë mate beproef is, juis sodat ons kan weet U is ons krag en sterkte. Ek het U nodig, Here Jesus, die Rots by Wie ek kan skuil. Dankie vir U Heilige Gees wat nou deur ons kan waai sodat ons U nabyheid kan ervaar dat ons, ons kleed van geregtigheid kan aantrek en weet dat met U ons in oorwinning staan. Dankie,Vader dat U ons nooit verlaat nie, maar met u hand ons sorgvuldig beskerm. Amen

My beker loop oor, wanneer:

1. Ek genoeg lewensmiddele het vir een dag. In die Onse Vader-gebed bid  ons “gee my vandag my daaglikse brood”, en dit beteken dat jy net genoeg moet hê vir een dag. As jy dus meer as dit het, stort jou beker soos 'n waterval oor sy kante.

2. Ek relatiewe goeie gesondheid geniet. Daar staan geskrywe: waar daar lewe is, is daar hoop. As jy dus, soos ek, gesond is, stort daai beker oor sy kante.

3. Ek goeie verhoudinge met mense het; met familie, vriende, werksmense, huweliksmaat, want dan beteken dit dat jy ondersteuning het in moeilike tye. Spr 17:17: Op 'n vriend se liefde kan jy altyd reken.

4. Ek die genade van geloof het, want dit is 'n gawe uit die hand van God. As jy in God glo, en in Jesus se versoeningswerk, dan maak dit vir jou die poorte van die hemel summier wyd oop.

5. God homself aan my openbaar. Hoe sou jy voel as Madiba jou vandag bel? Of Barak Obama? Of Bill Gates, Brad Pitt of Charlize Theron? Besef jy dat hulle ou oproepie NIKS is teen Hom wat alles in hierdie heelal geskep het nie. Hy wat elkeen van hierdie hooggeplaastes met Sy eie hande gevorm het! Wow, die grootste Een in die hele heelal, roep jou vandag. Openbaring 3:20: Kyk Ek staan by die deur en klop ...

6. Ek besef ek spring die kruis vry, want Jesus het dit klaar gedoen.

Vriend, jou beker loop oor ... glo dit, en leef so! 

(www.heuning.co.za)