Is ons gereed om ons Skepper te ontmoet?

Marthie van der Merwe vertel:

Ek ry kerk toe (soos gewoonlik) en natuurlik alweer laat. Toe ek 8h55 by die kerk se hek kom, staan 'n broer met 'n clipboard. Ek draai my ruit af. "Jammer, maar jy kan nie ingaan nie. Ons het die 500 kapasiteit bereik."

Ek ruk my dadelik op, want ek is deel van die orkes en my man is immers die voorsitter en ek is elke week in die kerk.

Maar sy woorde bly dieselfde: "Jammer jy's te laat! Jy kan nie ingaan nie."

En skielik is dit soos yskaswater oor my. Sien ek die Engel met die rol in sy hand (en die vers kom in my gedagtes "Nie almal wat vir my sê Here, Here sal die koninkryk binnegaan nie. Jy's te laat jy kan nie ingaan nie."

Wat as ek nou my oë in die ewigheid oopgemaak het? Wat as ek voor die Hemelpoorte gestaan het? Wat as die basuin geblaas het en my lampie was nie vol olie nie? Jammer helaas te laat!

Dit gaan dan nie saakmaak hoeveel Sondae of Saterdae ek in die kerk was, of op watter raad ek gedien het nie, of watter musiekinstrument ek vir die kerk bespeel het nie.

Wat wel gaan saakmaak:
- Is my naam geskryf in die Boek van die Lewe?
- Het ek 'n verhouding met die God van die Hemel en Aarde?
- Is ek gereed?

Hoe verskriklik was daardie werklikheid!

Daar was niks wat ek kon doen nie. Ek moes maar verleë omdraai in my kar en terugry huis toe.

* En die werklikheid is ... 

* Dis my eie toedoen ...
* As ek agterbly, sal dit ook my eie toedoen wees ...

When I stand on that great Judgement morning ... I'LL FACE NOBODY'S RECORD BUT MY OWN.

Is ons gereed om ons Skepper te ontmoet?

 

[Bron: Marthie van der Merwe]

Vir ouers en jeugleiers

Geloof kry nie net op Sondae in die kerk vorm nie, maar wel in die klein, daaglikse oomblikke van die gesinslewe.

Kategesetyd is beperk, daarom is dit belangrik om geloofvorming tuis aan te moedig. Jou kind se geloof is elke ouer se plig en verantwoordelikheid.

Hier is tien wenke vir ouers en jeugleiers vir eenvoudige, praktiese gewoontes wat deelgemaak kan word van elkeen se daaglikse gesinsroetines:
* Eet saam aan tafel en sit selfone af.
* Gebruik die erediens as ’n oefenplek vir gesinsgesprekke.

* Vier spesiale oomblikke of roetemerkers in julle gesin se lewe saam.
* Fokus op een gesinsgewoonte wat geloofsgroei bevorder.
* Luister na worship musiek en sing saam.
* Gebruik gewone huishoudelike items vir geloofsgesprekke.
* Motorrit-gesprekke is ’n natuurlike, gemaklike spasie vir geloofsgeselsies.
* Laai die dinkjeug familie app af.

* Gebruik geestelike speletjies om geloofsgesprekke te verdiep.
* Skep geleenthede in die gemeente vir gesinne om hierdie gewoontes in te oefen.

Kom ons oefen om huisgeloof ’n natuurlike, lewende deel van ons daaglikse gesinslewe te maak.

[Klik HIER vir meer detail oor die 10 wenke.]

Die taal van emosie ...

Musiekjuwele ...

Mev. AR van der Westhuizen het vir baie baie jare op dié musiektydskrif ingeteken. Vanaf die laat 1920's tot die laat 1940's. Die kwaliteit van hierdie tydskrif is baie goed, veral as die ouderdom van die tydskrifte in ag geneem word. Hierdie maandelikse tydskrif is dwarsdeur die Tweede Wêreldoorlog gedruk en oor die wêreld heen versend. 'n Mens wonder onwilllekeurig of hierdie Amerikaanse tydskrif per skip of per vliegtuig versend is.
Hier is 'n paar foto's van die buiteblaaie van die tydskrifte. Mev. Van der Westhuizen het hierdie tydskrifte vir Alda gegee toe sy en haar man Strand toe verhuis het en nou het dit hulle regmatige plek gekry by haar wêreldberoemde kleindogter, wat tans 'n professor in musiek aan die UOVS is.

Die Etude was 'n Amerikaanse tydskrif wat deur Theodore Presser (1848 - 1925) begin is. Die eerste tydskrif is in Oktober 1883 gedruk en die Theodore Presser Maatskappy het voortgegaan om hierdie gespesialiseerde tydskrif uit te gee tot 1957. Tans is die 1930 - 1940-uitgawes so R554,65 werd, afhangende van die toestand van die tydskrif.

Mev. Van der Westhuizen het ook haar eie "biblioteek" gehad. Dit was vir haar belangrik dat haar musiekleerders op hoogte van die komponiste se lewens moes wees. Daarom het sy elke week vir haar leerders 'n boek gegee om te lees en dan moes hulle vir haar die storie vertel. Hierdie agtergrondskennis van die komponiste was volgens haar broodnodig om die musiek beter te verstaan.

 
 
 
 
 
 
 
 

Die taal van emosie...