En op die oomblik toe hulle die gejubel en die lofsang aanhef, het die Here 'n hinderlaag opgestel teen die kinders van Ammon, Moab en die mense van die gebergte Seïr, wat teen Juda gekom het, sodat hulle verslaan is.
Hierdie menigte was ver te veel om teen oorlog te maak; raak jy ook bevrees as 'n groot menigte om jou is en jou aanval en jy weet, eintlik kan jy dit nie maak teen hierdie menigte nie.
God maak 'n plan vir jou, want jy soek na Hom.
Jou vyand val mekaar aan, sodat geeneen daarna lewendig bly staan nie.
Daarna tel jy die rykdomme drie dae lank van die vyand op en die Here verander jou vrese in vrede en ongekende vreugde.
Dankie, Here, dat U na my stem luister toe ek benoud was en tot U gebid het. U roei die vyand totaal uit. U stuur u engele uit en bemoedig my met u Heilige Gees. U verryk my vanuit my benoudheid en gee my vrede in my gemoed. Niks kan my skei van die liefde van God nie. Amen.
[Aangestuur deur Pieter Swanepoel]