Bankbesonderhede

Maandag-gedagtesaad

Hulle het Hom misgekyk

Hulle was op die uitkyk vir 'n Leeu,

Hy het gekom as 'n Lam,

... en hulle het Hom misgekyk.

Hulle was op die uitkyk vir 'n Krygsman,

Hy het gekom as 'n Vredemaker,

... en hulle het Hom misgekyk.

Hulle was op die uitkyk vir 'n Koning,

Hy het gekom as 'n Dienskneg,

... en hulle het Hom misgekyk.

Hulle was op die uitkyk vir bevryding van Rome,

Hy het Hom aan die Romeinse kruis onderwerp,

... en hulle het Hom misgekyk.

Waarna is jou soeke?

'n Leeu, Krygsman, Koning, Bevryder?

Waarvoor soek jy?

Hulle wou vervulling van hulle tydelike behoeftes hê,

Hy het gekom om hulle ewige behoefte te vervul,

... en hulle het Hom misgekyk.

Hy het gekom as 'n Lam om vir jou sonde geoffer te word,

Hy het gekom om vrede tussen God en die mens te bewerkstellig.

... Sal jy Hom ook miskyk? 

Hy het gekom om dienaarskap aan die mensdom te demonstreer.

... Sal jy Hom ook miskyk? 

Hy het gekom sodat ons ware Vryheid mag hê.

... Sal jy Hom ook miskyk? 

Hy het gekom om jou die Ewige lewe te skenk.

... Sal jy Hom ook miskyk? 

Wanneer jy jou aan die Lam onderwerp,

ontmoet jy die Leeu.

Wanneer jy jou by die Vredemaker skaar,

ontmoet jy die Soldaat.

Wanneer jy saam met die Dienskneg werk,

ontmoet jy die Koning.

Wanneer jy saam met die Onderdanige wandel,

ontmoet jy die Bevryder.

Wanneer jy jou met die Ewige bemoei,

ontvang jy ook dit wat tydelik is.

As Jesus nie by jou gietvorm van Hom pas nie, 

kom dan na die Beeldhouer self en kom tot nuwe insig.

Onderwerp jou aan Sy plan vir jou lewe,

ervaar dan eerstens hoe jou ewige behoefte vervul word -

en dan hoe al die ander dinge wat jy nodig het

ook vir jou bygevoeg word. (Matt. 6:33)

- Outeur onbekend

[Bron: Juig! Tydskrif]

Dutoitspan-dankfees: 'n heerlike safari deur Afrika

Liewe Gemeente

Volgende week is die gemeente se dankfees en hierdie week gaan 'n baie bedrywige en besige week wees. Die week is kort en die bestanddelelysie lank. Kontak asb. die kerkkantoor - ons benodig dringend elkeen se hulp. Bakkers, skinkers en verkopers - kom meld aan!!

Dankie vir almal wat so entoesiasties besig is om van hierdie safari 'n sukses te maak. Sien jou daar!

Oesmaande: April

Dutoitspan-dankfees: 'n heerlike safari deur Afrika

Wanneer: 4 Mei 2024 om 9:00

Waar: Dutoitspan-terrein

Slaairesep: Vrugteslaaisous

Bestanddele:

(vars seisonale vrugte vir vrugteslaai)
180 ml vars room
50 ml suurlemoensap
180 ml ongegeurde jogurt
25 ml suiker/heuning

Metode:
Meng alles saam en gooi dit oor die opgesnyde vrugte

World Earth Day

Maandag-gedagtesaad

Oesmaande: April

Slaairesep: Maklike vrugteslaai

Benodigdhede:

2 ryp pere 
1 soet lemoen
1 klein suurlemoen
1 ryp piesang
1 ryp granaat (pitte)
250 g rooi druiwe -
3 kiwivrugte
1 rooi appel

1 perske (opsioneel)

heuning (opsioneel)

Metode:

1. Was al die vrugte deeglik in soutwater af.

2. Verdeel lemoen in skyfies (sny kleiner indien verkies).

3. Sny pere, piesang en appel in blokkies.

4. Gooi suurlemoensap oor om te verhoed dat dit verkleur.

5. Sny geskilde kiwi (en perske) in blokkies.

6. Meng vrugte en gooi heuning oor.

Tweede kwartaalprogram: April

19-21 Apr: GEMEENTEKAMP - PRO REGNO

29 Apr (18:15): Dankfeesvergadering

4 Mei: DANKFEES

9 Mei (18:30): HEMELVAARTDIENS

12-16 Mei (18:00): PINKSTERBIDURE

19 Mei: PINKSTERFEES

24 Mei: Koffiehuiskonsert  

Maandag-gedagtesaad

Slaairesep: Aartappels met kondensmelk

Benodigdhede:

11 groot aartappels

1 fyngekapte ui

1 blik kondensmelk

4 hardgekookte eiers (gerasper)

1 t sout

mayonnaise

Metode:

Kook aartappels vir ongeveer 20 minute.

Sny in blokkies.

Kook eiers vir ongeveer 10 minute.

Rasper eier en voeg by aartappels in bak.

Voeg die res van die bestanddele by en meng.

Maandag-gedagtesaad

Oesmaande: April

Slaairesep: Gedroogde vrugte

Benodigdhede:

250 g droë gemengde vrugte

knippie suiker

3 ryp piesangs

1 blik kondensmelk

kwart koppie olie

halwe koppie asyn

2 t droë mosterdpoeier

knippie sout

2-4 e mayonaise

Metode:

Kook 1 pakkie 250 gr droë vrugte sag - nie pap nie - met bietjie suiker en water.

Gooi stroop af.

Sny 3 ryp piesangs by. 

Sous:

Klits saam vir sous:

*1 blik kondensmelk 

* kwart k olie 

* halwe k asyn

* 2 t droë mosterdpoeier en knippie sout,

* 2-4 e mayonaise, na smaak van hoe suur jy dit wil hê.

 Skep sous oor vrugte. 

Wenk:

Skep in mooi slaaibak en plaas in yskas voor gebruik.

Tweede kwartaalprogram: April & Mei

19-21 Apr: GEMEENTEKAMP - PRO REGNO

29 Apr (18:15): Dankfeesvergadering

4 Mei: DANKFEES

9 Mei (18:30): HEMELVAARTDIENS

12-16 Mei (18:00): PINKSTERBIDURE

19 Mei: PINKSTERFEES

24 Mei: Koffiehuiskonsert  

Terugblik: Die gebed van 'n boom

Wanneer u by my verbystap

Sonder om my raak te sien

of dalk my takkies ongemerk te kneus

Wag 'n bietjie en staan eers stil.

Dis ek wat in koue winternagte

jou haard verwarm

Dis my vriendelike koeltes

wat jou teen die snikhete sonstrale laaf.

Dis my sappige vrugte wat jou op jou reis

verkwik en jou dors les.

Ek is die balke wat jou dak oor jou hoof vashou

Ek is die blad van jou tafel en die bed waarop jy rus

Ek is die hout van jou boot

en die handvatsel van jou gereedskap

Uit my kom die brood wat voed

en die blom vol kleur en geur.

Ek is die deur van jou woning

die hout van jou wiegie

en die kis van jou graf.

Uit my is eenmaal balke gekap

Waarmee 'n kruis gemaak is

Ek was die hout van Gods altaar vir sy seun

die hout wat 'n brug geword het.

Uit my stamme gebreek en fyngemaal deur die meule

Kom papier, ook die van Die Boek van God

oor my staan die Boodskap

van hoop en lewe geskrywe

My blare is tot genesing van die Nasies

Open. 22:2

Ek vra u daarom

Moet my nie beskadig of vergeet nie.

Kniel liewer by my en dank God vir my.

[Uit: Dorsfontein: Dutoitspan-gemeentemaandblad - April 1984]    

Maandag-gedagtesaad