Ontmoet ons personeel: Anna van Wyk

Anna van Wyk, lidmaat van die gemeente vir meer as 20 jaar, is die afgelope 7 jaar Dutoitspan se koster.

Anna is gebore en getoë in Cradock. Sy het later die Oos-Kaap verruil vir die Noord-Kaap - 'n landstreek wat bekend is vir sy vriendelike mense en hartsmense. Sy is 'n Kimberliet sedert 1995 en op 17 Januarie 2000 haak sy en Maans die knoop deur. 

Anna is 'n familiemens en haar grootste vreugde is om elke oggend vir haar kind môre te kan sê en hom te sien - 'n voorreg wat baie ouers nie het nie. Daar is soveel ouers wat elke dag met die wete wakker word dat hulle kinders en kleinkinders oorsee is en die realiteit is dat hulle mekaar net een maal 'n jaar of drie sien. 

'Hier is n paar algemene vrae om die mens agter die kosterwerk beter te leer ken:

Vraag: Watter gedeelte in die Bybel spreek direk tot jou hart?

Anna: Psalm 23 is my groot gunsteling.

Vraag: Watter kossoort staan heel boaan jou lysie van gunstelinge?

Anna: Met lasagne kan jy my onder 'n wip vang.

Vraag: Watter karaktereienskap in mense is vir jou onaanvaarbaar en kan jy nie mee vrede maak nie?

Anna: Mense wat oneerlik is en wat vir jou in jou oë kyk, terwyl hulle vir jou jok.

Vraag: Wat is jou gunstelingkleur?

Anna: Ek hou van swart.

Vraag: Wat is jou stokperdjie?

Anna: Ek is baie lief vir naaldwerk en het klere gemaak voordat ek met die kosterwerk begin het. Ek was agt jaar oud toe ek my eerste rok gemaak het - natuurlik vir myself. Van daardie dag af  het ek besef dat 'n mens vlerke aan jou drome kan gee met naald en gare. My tannie het vir my die naaldwerkdeur oopgemaak. Nou is daar nie meer so baie vrye tyd beskikbaar vir hierdie passie in my lewe nie. 

Vraag: Lees jy graag en wat is jou gunsteling genre?
Anna: Ek hou van romanse - die ou mense het altyd van liefdesverhale gepraat. Daar is só baie moeilikheid en swaarkry in die lewe, dat hierdie genre 'n teenvoeter bied teen die swaar waarvan ons elke dag in die koerante lees en oor die TV hoor. Met elke storie word die leser bederf met hoop en verwagting. 'n Mens lees die boek met die verwagting en die hoop dat alle probleme wat die karakters beleef, oorkom en opgelos sal word. Anders as in die regte lewe waar probleme so dikwels tot mense se ondergang lei.  

Vraag: Watter tipe musiek roer jou hartsnare?

Anna: Ek hou van country musiek en Don Williams se musiek is my groot gunsteling.

Vraag: Wat is die lekkerste deel van jou werk?

Anna: Om ander te kan help.

Vraag: Die wêreld soos dit vandag daar uitsien, is goed deurmekaar. Watter gedagte wil jy by die leser los wat hierdie gesprek gelees het?

Anna: Ons as mens, kan nie sonder God lewe nie en dit moet ons doel wees om elke dag nader en nader aan Hom te probeer leef.  

'n Vinnige voëlvlug oor die mens wat die kosterspos beman en wat altyd bereid is om die ekstra myl te loop.

Afkondiging: Ouetehuis se kersbederf

Einde-van-die-jaar-dankies: Amelia Kock & Joe Frederics

Besoek en bid vir ons bejaardes in die ouetehuise

Baie eensame mense en bejaardes voer amper 'n kluisenaars bestaan, selfs bejaardes wat in ouetehuise is, word vergeet. Geestelike en emosionele armoede is aan die orde van die dag. Dit is die een aspek wat aangespreek kan word, sonder addisionele kostes.

Hoe ouer ’n mens word, hoe meer voel en ervaar hulle dat hulle deur die samelewing uitgeskuif en vergeet word. Hierdie mense het toe hulle jonk was, hulle kant gebring waar dit nodig was. Maar ongelukkig neem die waarde van 'n bejaarde af in die oë van die wêreld. Grysheid het skielik 'n diskwalifikasie geword.

Hierdie is van die gewaarwordinge met 'n besoek aan Resthaven. Daar is 'n behoefte aan vrywillige werkers wat 'n boodskappie kan bring of sommer net tussen die inwoners kan kuier of langs 'n siek bed sit en iemand se hand vashou. 

Desember is 'n uitreikmaand - kom ons sluit Resthaven in.

Duisend dankies Rina, Daphné, ds. William, Isobel, Pula en Lizzie!

Dankie, Ds. William vir die ekstra myl

Think about it: Technology isn't life

I had spent an hour in the bank with my dad, as he had to transfer some money. I couldn't resist myself & asked ...

''Dad, why don't we activate your internet banking?''

''Why would I do that?'' he asked.

''Well, then you won't have to spend an hour here for things like transfer. You can even do your shopping online. Everything will be so easy!''

I was so excited about initiating him into the world of internet banking.

He asked, ''If I do that, I wont have to step out of the house?"

''Yes, yes!" I said. I told him how even grocery can be delivered at door now and how amazon delivers everything!

His answer left me tongue-tied.

He said, ''Since I entered this bank today, I have met four of my friends, I have chatted a while with the staff who know me very well by now. You know I am alone ... this is the company that I need. I like to get ready and come to the bank. I have enough time, it is the physical touch that I crave. Two years back I got sick, the store owner from whom I buy fruits, came to see me and sat by my bedside and cried. When your Mom fell down few days back while on her morning walk, our local grocer saw her and immediately got his car to rush her home as he knows where I live. Would I have that 'human' touch if everything became online? Why would I want everything delivered to me and force me to interact with just my computer? I like to know the person that I'm dealing with and not just the 'seller'. It creates bonds of relationships. Does Amazon deliver all this as well?'''

Technology isn't life ... Spend time with people ... Not with devices.

Einde-van-die-jaar-dankies: Koster

Afkondiging: Somervakansieklub

Om bg. vakansieklub moontlik te maak, benodig ons asb. hulp vanuit die gemeente:
1. Hoërskoolkinders/studente en volwassenes wat kan help as groepleiers.

2. Iemand om verantwoordelikheid te neem om die kos voor te berei. Alle bestanddele word verskaf, maar ons benodig iemand om bv. die worsbroodjies te maak.

3. Dat elkeen asb. die woord sal versprei, sodat soveel as moontlik kinders in Kimberley die geleentheid kan bywoon.

4. Enige finansiële bydrae om te help om ‘n minderbevoorregte kind te borg.

5. Raak asb. betrokke - Desember is by uitstek uitreikmaand! 

Einde-van-die-jaar-dankies: !XUN ALFA-gemeente

Mossiestilte: 2 Kor. 8:9

Want julle ken die genade van ons Here Jesus Christus, dat Hy, alhoewel Hy ryk was, terwille van julle arm geword het, sodat julle deur sy armoede ryk kan word.

Gee jouself eers aan die Here en dan, volgens die wil van God aan ander, sodat hulle van jou vrug kan eet. Sorg vir die armes terwyl jy veel het, deur die genade van Christus en maak bymekaar vir hulle. Die wil is altyd daar, maar God se wil dat julle in die voltooiing van die daad, ook sal wees volgens julle besittings.

Dankie Vader, vir die volheid en die vettigheid waarmee U my geseën het. U het vir my arm geword sodat ek oorvloed mag hê. My oorvloed is egter vir ander, want dit is waarvoor ek geskape is, om ander te bedien met u grote liefde en dieselfde barmhartigheid wat U aan my bewys het. Dankie Here, ek is deel, die lote van die stok, ingeënt op die stok, om na my talente en gawes, veel vrug te kan dra. Amen.

[Aangestuur deur Pieter Swanepoel.]

Mag jy 'n positiewe dag hê ...

Die lewenspad is soms vol opdraandes,
soms gelyk,
soms taai.
Tree vir tree en
dag vir dag vorder jy hierop.
Partykeer is die pad begaanbaar ander kere verdwaal jy.
Dit voel dalk vir jou of ander mense jou pad vir jou bou.
Dis nie waar nie!
Jy HET 'n keuse!
Vader het immers vir jou verstand gegee.
Jou sleutel tot geluk lê in jou kop.
Begin om reg te dink.
Maak jou gedagtes vol van Vader.
Jou lewenspad loop deur jou kop - altyd.
Daar begin jy elke dag.
Gee jou gedagtes vandag nog vir die Vader!
En elke dag gedagte vir gedagte.
Dan kry jou lewenspad skielik nuwe betekenis
en nuwe rigting!

Einde-van-die-jaar-dankies: Vleisverkope

Einde-van-die-jaar-dankies: Tabita

Maandag-gedagtesaad

Afkondiging: Somervakansieklub

Om bg. vakansieklub moontlik te maak, benodig ons asb. hulp vanuit die gemeente:
1. Hoërskoolkinders/studente en volwassenes wat kan help as groepleiers.

2. Iemand om verantwoordelikheid te neem om die kos voor te berei. Alle bestanddele word verskaf, maar ons benodig iemand om bv. die worsbroodjies te maak.

3. Dat elkeen asb. die woord sal versprei, sodat soveel as moontlik kinders in Kimberley die geleentheid kan bywoon.

4. Enige finansiële bydrae om te help om ‘n minderbevoorregte kind te borg.

5. Raak asb. betrokke - Desember is by uitstek uitreikmaand! 

Afkondiging: Ouetehuis se kersbederf

Desember-verjaardae

13 Desember - Eddie (Sally Aucamp)
20 Desember - Vincent (Sally Aucamp)

23 Desember - Antoinette (Sally Aucamp)

Mossiestilte: Mar. 11:16

en Hy het niemand toegelaat om enige voorwerp deur die tempel te dra nie.

Jesus reinig ten eerste die tempel, die plek van aanbidding vir God die Vader. 

Die moment toe hy die geld God, uit die tempel verban, het Satan gesoek om Hom uit die weg te ruim; Hy het Satan se ontspanne plek van sonde vernietig.

Hy het nie eers toegelaat dat iemand iets deur die tempel dra nie, dit is slegs 'n aanbiddingsplek aan God die Vader. 

 

Jy is die tempel van God. Is jou tempel skoon? Dra jy iets daardeur wat nie daar hoort nie? Soek jy 'n kortpad deur God se leer en wette na aardse rykdom?

Ondersoek en antwoord self jou vraag en reinig jou tempel tot eer van God alleen.

O Here, my God, U alleen moet in my tempel bly. Ek wil nie ander gode in my tempel hê nie. Ek wil niks onheiligs dra deur my tempel nie. U alleen wil ek aanbid en my tempel moet met die Heilige Gees gevul wees, 'n aangename geur vir die Vader. Amen.

[Aangestuur deur Pieter Swanepoel.]

Oesmaande: Desember

Kerkgenotjies: Adams- vs. Evasgeslag

* Mans lyk goed as hulle soggens wakker word. Om die een of ander obskure rede gaan vroue gedurende die nag agteruit.

* Elke getroude man moet die foute wat hy maak, vergeet - dis onnodig dat twee mense dit onthou.

* 'n Man sal R100 bestee op iets wat R50 werd is en dit gebruik. 'n Vrou sal R50 op twee items bestee wat sy nooit sal gebruik nie.

* Daar is twee maniere om 'n vrou gelukkig te hou: om haar te laat dink sy kry haar sin en om dit vir haar te gee.

* Om gelukkig getroud te wees, moet 'n vrou 'n man baie goed verstaan en hom 'n bietjie liefhê. Om gelukkig getroud te wees, moet 'n man 'n vrou baie liefhê en nie probeer om te verstaan nie.

* Daar is twee dinge wat 'n man nie verstaan nie: 'n vrou - voor die huwelik en daarna. 

* Iets wat 'n man altyd in gedagte moet hou: die vrou het altyd die laaste woord tydens enige argument. Enige iets wat 'n man net ná die argument sê, sal tot 'n nuwe argument lei.