Bid asb ernstig vir Monique Grové

Ons as gemeente dink in die besonder aan Monique Grové en haar gesin. Sy is tans in ICU waar sy aan die ventilator gekoppel is. Mag hulle elkeen bewus wees van Sy nabyheid en Sy koesterende genade. 

Ons het die vrymoedigheid om ons getroue lesers te vra om in die besonder vir hierdie familie te bid en nie op te hou bid nie.

Gemeenteafsluiting - Rooifontein

Sien julle by Rooifontein!

Sondag om 8:00

3 November 2024

Getuienis - Coen Visser

Dink hieroor: As jy vandag kla ...

As jy vandag kla oor jou bord kos is min -
Gaan kyk hoe krap mense in vullisblikke vir iets om te eet.

As jy vandag kla jou bed is te klein of ongemaklik om op te slaap -
Gaan kyk hoe mense op koerantpapier slaap.

As jy vandag kla oor hoofpyn -
Gaan kyk in hospitale se ICU hoe mense veg vir hulle lewens.

 
As jy vandag kla oor jou ouers se foute en se tekortkominge -
Gaan weeshuise toe en kyk hoeveel kinders is sonder ouers.

As jy vandag kla oor jou tweevertrekhuis -
gaan kyk hoe mense in hokkies bly ...

As jy vandag kla oor die lewe en oor jou lewe -
gaan kyk in enige begrafplaas.

Daar is so baie wat net smag om te hê wat jy het ...
'n kans om alles reg te maak en te waardeer wat jy vandag nie wil waardeer nie ...

Alles wat ons is en het vandag is genade en 'n voorreg ...
So gryp elke oomblik aan en dank GOD daarvoor.

 
[Boodskap geleen.]

Bankbesonderhede

Oggendgebed vanne plaasklong

Ek kyk met my hart byrie venster yt
hoevil dankies sil ek vemore
voor God se voete ga lê

My blydskap ko va U af my God
U wat hierie hemel op are
vi my ko gee het
sonner lat ek da voor gevra het
nog minner vi dit gebid’ it
het U my die heerser da van gemaak

Daarom skenk ek vemore
my hele self aan U solat die mense
ka sien lat ek u se kjend is
lat u my met U se liefde
aangetrek het

Amen en amen again en again.

 
Andy Paulse

[Bron: Snuffelgids 9 Maart 2014 - SA Gemeente Loughton]

Is jy dringend op soek na werk?

Mossiestilte: Kol. 3:15

Laat die woord van God, waartoe julle ook in een liggaam geroep is, in julle harte heers, en wees dankbaar.

Laat die Woord van God vandag in jou  posvat en jou gedagtegang oorneem. Vertrou die Woord van God om jou wysheid te gee, en sing in jou hart met dankbaarheid tot eer van die eer Here. En wat jy ook al doen in woord of in daad, doen alles in die Naam van die Here Jesus en dank God die Vader deur Hom. 

Onthou jy is nou deel van die liggaam van Christus waarvan Hy die hoof is.

Here, ek weet dat wanneer Christus, wat my lewe is, geopenbaar word, sal ek ook saam met Hom in heerlikheid geopenbaar word (vers 4). Here, ek wil my met die nuwe mens beklee, wat vernuwe word, tot die kennis na die beeld van my Skepper. Amen.

[Aangestuur deur Pieter Swanepoel.]

Mandjie hoop: Sy liefde vir jou sal nimmer vergaan

In die waai van die wind, sê die Hèèr,
jy's sy kosbare kind.
In die rol van die branders,
jy's uniek soos jy is
en daar is niemand anders.
In die son se strale, sê Hy,
jy's kosbaarder as korale.
In die nagstilte van die maan, sê Hy,
Sy liefde vir jou sal nimmer vergaan.
In die trane van jou hart, sê Hy,
druk hy jou teen Sy boesem vas en dra saam jou smart.

Gemeenteafsluiting - Rooifontein

Sien julle by Rooifontein!

Sondag om 8:00

3 November 2024

Afkondiging: Selgroep

Rots in ons pad

'n Seuntjie het buite gespeel en hy was besig om vir hom huisies te bou en paaie te maak, sodat hy met sy karretjies daarop kon ry. 

In die bouproses was daar 'n baie groot rots wat in sy pad was, en hy het alles probeer om die rots geskuif te kry. Hy het dit getrek, hy het dit gestoot, hy het naderhand sy fietsie gaan haal en 'n tou daarom vasgemaak en dit so probeer wegtrek, maar alles tevergeefs. Die sweet het hom afgetap, en hy het moedeloos langs sy pa gaan sit wat onder 'n boom op 'n bank gesit het, en hierdie hele petalje aanskou het. Sy pa het hom vol liefde aangekyk en vir hom gevra: "Boetman, het jy nou alles probeer?" 

Baie verontwaardig sê hy vir sy pa: "Pappa het gesien hoe hard ek gesukkel het, ek is nou so moeg en die rots beweeg nie."

Sy pa het saggies oor sy koppie gestreel, en vir hom gesê: "Maar jy het nog nie alles probeer nie."

Die seuntjie het opgespring en oortuig van sy saak gesê: "Maar Pappa het self gesien hoe sukkel ek."

En toe antwoord sy pa in 'n sagte stem, "Nee, my Seun, jy het nog nie alles probeer nie, want jy het my nog nie gevra nie."

Here, hoe dikwels het ons hierdie vreeslike rots in ons pad, en niks wat ons doen of sê beweeg dit nie, en as ons dan op 'n hopie neersak en ons wil huil van moedeloosheid, dan vra U so saggies: "
My kind, het jy my al gevra?" Ons erken vandag dat ons eers in ons eie krag probeer, en as niks wil werk nie, dan gaan ons na U toe as 'n laaste poging. Here, van hierdie dag af, onderneem ek om eerste by u voete te gaan sit, dan het ek nie nodig om my eie kragte so uit te put nie.
Amen

Maandag-gedagtesaad

Afkondiging: Algemeen

Mossiestilte: Dan. 4:37

Nou prys ek, Nebukadnésar, en ek roem en eer die Koning van die hemel: al sy werke is waarheid en sy paaie is reg, en Hy kan verneder dié wat in hulle trotsheid wandel.

Nebukadnésar verwys na homself, as hy noem dat God verneder die trotses, maar ook indirek, enige een wat trots teen God handel. Verneder jouself teenoor God en aanvaar sy wysheid en reg. Net God kan jou voete rig op die regte pad wat jy moet wandel en net Hy kan jou saak beredder. God sal getrou teenoor jou bly en jou nie verlaat nie, maar jou weer jou grootheid toevoeg (vers 36(d))

Goeie Vader, na U kom ek in nederigheid vanoggend en wy my weë weer aan U. U is my wysheid en raad deur U Heilige Gees. Leer my oor om na U te luister en ag te gee op U woord en opdragte. U liefde dra my en stuur my op 'n veilige pad. Alles wat ek bereik in die lewe is deur U hand gerig en bevestig. Ek dank en eer U my God en Vader in Jesus Naam.  Amen.

[Aangestuur deur Pieter Swanepoel.]

Tiendemaand: Ons help skryf aan die wêreld se verhaal ...

Ons elkeen is bevoorreg om deel te wees van God se storie met die wêreld. En as ons in hierdie ekonomiese tye nog die voorreg het om ons tiende te kan gee, is ons besonder geseënd.

In Sy storie is elkeen van ons ingesluit. Dit sluit ook Sy gebruik van ons tiendes in. Hy werk daarmee. Sy koninkryk op aarde moet uitgebrei word - dis ons opdrag. Daar is trouens baie getuienisse van God se werk wat Hy gedoen het deur middel van die tiendes wat die gelowiges en gemeentelede bygedra het.

Dit gee 'n besondere betekenis aan ons bestaan as geloofsgemeenskap en gemeente. Ons eer Hom daarvoor. 

Gee ons nog ‘n tiende, van dit waarmee die Here ons daagliks seën, terug vir Hom?

Baie dankie vir die wyse waarop u tot nou toe 'n bydrae gelewer het om ook hierdie gemeente in staat te stel om ons Hemelse Vader se Koninkryk te dien.

Think about it: It defines who you are

A young couple moved into a new house.

The next morning while they were eating breakfast, the young woman saw her neighbour hanging the washing outside.

"That laundry is not very clean; she doesn’t know how to wash correctly. Perhaps she needs better soap powder.
Her husband looked on, remaining silent.

Every time her neighbour hung her washing out to dry, the young woman made the same comments.

A month later, the woman was surprised to see a nice clean wash on the line and said to her husband, "Look, she’s finally learned how to wash correctly. I wonder who taught her this?"
The husband replied, "I got up early this morning and cleaned our windows."

And so it is with life ... What we see when watching others depends on the clarity of the window through which we look.
So don’t be too quick to judge others, especially if your perspective of life is clouded by anger, jealousy, negativity or unfulfilled desires.

"Judging a person does not define who they are. It defines who you are."

'n Paar skoene

'n Klein dogtertjie in Korea wat nog nooit iets anders as strooisandale aan haar voete gehad het nie, sou die gelukkigste dogtertjie in die hele dorp word. Sy sou 'n paar egte leerskoene kry! Haar oom by wie sy gebly het, het dit vir haar vir Kersfees belowe. Hoe het haar hartjie nie gesing van blydskap as sy Sondagskool toe draf nie. Een van die dae sou sy regte skoene hê vir Sondae. Sy kon nie meer wag vir Kersfees nie.

Maar daardie dag in die Sondagskool het die Bybelvrou vertel dat hulle die volgende Sondag 'n kollekte sou opneem om 'n Sondagskool en kindertuin vir die kindertjies in 'n naburige dorp te begin. Sy het gevra dat almal so 'n gulhartige offer soos moontlik moes bring. Die dogtertjie begin dink aan al die vreugde wat sy al uit die Sondagskool en kindertuin gekry het en o, sy wou so graag help om aan ander kindertjies ook daardie blydskap te besorg. Maar sy besit nou nie 'n pennie op haar naam nie en hoe kan sy dit nou help?   

Meteens dink sy aan haar nuwe skoene. Sy sal haar skoene gee. Sy hardloop huis toe so vinnig soos haar beentjies haar kan dra en vra vir haar oom of hy nie liewer die geld vir haar sal gee as die skoene nie. Sy het nie gesê waarvoor sy die geld wil hê nie, maar het so hard gepleit dat hy dit uiteindelik gegee het - 8 yen. Hoe bly was sy nie.

Die volgende Sondag is die kollekte opgeneem, maar dit was 'n geringe sommetjie wat ingekom het, want die Koreane is baie arm. Die Bybelvrou rek haar oë van verbasing toe die klein dogtertjie so 'n groot bedrag soos agt yen inhandig. Dit was meer geld as wat enige kind in die dorpie ooit besit het en haar gedagte was dat die dogtertjie dit gesteel het. Sy haal dit toe uit die kollektebordjie en neem dit terug na die dogtertjie se oom.

By hom het sy verneem hoe die dogtertjie aangehou het dat hy liewer die geld waarvoor hy vir haar skoene wou koop, vir haar moes gee, en dat sy dít in die kollektebordjie gesit het. Sy het haar skoene gegee.

Daardie week het die Bybelvrou by die huisbesoek in die dorpie vertel van die offer van die klein dogtertjie. Die volgende Sondag is daar weer kollekte opgeneem. Watter verskil!! Binnekort was daar genoeg om 'n evangelis na die naburige dorpie te stuur en ook vir hulle is 'n Sondagskool en 'n kindertuin begin.

In die ander dorpie was daar 'n gelukkige klein dogtertjie wat nog steeds met strooisandale Sondagskool toe draf. 

[Hierdie verhaal is meer as 50 jaar terug opgeteken, maar is vandag nog net so relevant soos toe.] 

Children Learn What They Live

If children live with criticism, they learn to condemn.
If children live with hostility, they learn to fight.
If children live with ridicule, they learn to be shy.
If children live with shame, they learn to feel guilty.
If children live with encouragement, they learn confidence.
If children live with tolerance, they learn to be patient.
If children live with praise, they learn to appreciate.
If children live with acceptance, they learn to love.
If children live with approval, they learn to like themselves.
If children live with honesty, they learn truthfulness.
If children live with security, they learn to have faith in themselves and others.
If children live with friendliness, they learn the world is a nice place in which to live.

[Dorothy Law Nolte]

Mossiestilte: Jak. 2:22

Sien jy dat die geloof saamgewerk het met sy werke en dat die geloof volkome geword het uit die werke?

Elkeen wat geloof in God het, sal ook so werk en optree soos 'n kind van God. As jy God se gebooie wetteloos hanteer, beteken dit mos dat jy nie jou hart aan God toevertrou  nie. Jou werke sal getuig van God se goedheid en barmhartigheid in jou. Jy sal jou naaste liefhê soos wat Jesus die wêreld liefhet.

Dankie Here, vir u Heilige Gees in my. Die vrug van die Gees is geopenbaar deur my lewe. My liggaam is 'n tempel van God en Christus die hoop op heerlikheid, leef in my. Laat my beeld vandag 'n spieëlbeeld van my Skepper wees vir ander om Christus te verheerlik. Amen.

[Aangestuur deur Pieter Swanepoel.]

Afkondiging: Beplanning vir 2025

Perspektief is die verskil

Haar kostelike vierjarige uitkyk op hierdie saak het my net weer laat besef dat die lewe eintlik in wese 'n saak van perspektief is.

Sy word groot in die stad. In haar bestaan van vier jaar, ken sy net die stadslewe - 'n vinnige Gauteng-lewenstyl - en het sy reeds 'n bepaalde manier van dink. So, wanneer sy die vakansie by ouma en oupa op die plaas kuier, beleef sy soms dinge wat by ander sal verbygaan.

So het ek al vertel dat sy graag na die voëltjies sit en luister omdat sy hulle nie meer in die stad hoor nie. Desembervakansie kuier sy soos gewoonlik by oupa en ouma. Vandag gaan hulle dorp toe. Lysies word gemaak, beplanning word gedoen. Soos dikwels op die platteland is Vrydag almal se inkopiedag.

Op so 'n dorp-toe-gaan-dag is die dorp 'n bedrywigheid. Vir ons wat grootword op klein dorpies is 'n donkiekarretjie nie iets vreemds nie. Dit is ook dié eienaar se inkopiedag.

Met die sien van die donkiekarretjie het die wêreld vir haar gaan stilstaan. Sy gaan roep almal. Hulle moet dadelik kom kyk. Almal moet stilstaan. Almal moet sien: "Daar kom 'n koets! 'n Rêrige-êrige koets!" Vir die man wie se voertuig dit is, is dit sekerlik sy koets. Vir ons wat al 'n voertuig gehad het, kan ons moeilik daarna kyk as die gerief van 'n koets.

Vir haar wat vier jaar oud is, is daar net een werklikheid. Hierdie is 'n rêrige koets. Sy kan nie verstaan hoekom hy al die groot dorpe misry en hier kom rondry nie. Haar ma moet dadelik gebel word, haar boetie en sussie moet ingelig word. Hier, vandag, het sy 'n rêrige koets gesien.

Die lewe is 'n saak van perspektief, né? Ek hoop die donkiekarretjies in jou lewe is nog vir jou 'n koets.

[Ds. Hannes Noëth]

Klik HIER en kuier heerlik tussen die nuusblaaie van die Noordkaap Bulletin!

Afkondiging: Selgroep

Mandjie hoop: Bid en glo

Leef eenvoudig -

Al het jy baie.

Wees dankbaar -

Al het jy min.

Sê jammer -

Al was jy reg.

Wees geduldig -

Al is jy kwaad.

Lag hardop -

Al wil jy huil.

Vertrou die Here sal voorsien.

Maar die belangrikste van alles is -

BID en GLO.

Matriekgebed

Ek staan op die brug, Heer, tussen gister en môre.

Nou!
Tussen kindwees en grootwees is ek nou.
En ek weet: nog nooit het ek soveel geweet nie - 

Of so min.
Nog nooit was ek so groot nie -
En so klein.
Nog nooit was ek so honger vir die lewe -
Of so bang nie.
As juis nou ...
Here, wees U by my, langs my oor hierdie brug,

Want sonder U, Here, wil ek omdraai en vlug!
Here, help my om gister suksesvol af te sluit;

Help my om myself vir môre te slyp.

Help my fokus, Heer, help my lees.
Gee my moed en insig en krag
Vir elke vraestel ... elke eksamendag.
En in elke vak wat ek studeer, o Heer,
Laat my opnuut die wonder van U aarde, U skepping sien - 

Die Hand van die Almagtige God wat ek dien.
Maak my rustig Heer, kalm en stil;
Hou spanning en angs weg van my.
Laat my hand in U s'n bly.
Bid daarvoor in die Naam van ons Here Jesus Christus.
Amen.

[Bron: Internet]

Maandag-gedagtesaad

Afkondiging: Bid saam met ons vir ...

1. Ons Huis - die tehuis vir bejaardes - vir die inwoners, vir hulle in die siekeboeg en die personeel.
2. Sally Aucamp - die tehuis vir volwasse gestremdes - die inwoners, siekes, hulle wat mismoedig en depressief is en die personeel.
3. alle gemeentelede wat siek is, swaarkry en tans sonder werk is.
4. alle huwelike en gesinne!
5. vrede, verdraagsaamheid en wedersydse respek onder mekaar wat wyer kan uitkring.
6. ons gemeente dat ons God 1ste sal stel!
7. elke gelowige dat hulle die vrug van die Gees sal uitstraal.

8. ons land, regering en vir elke landsburger. (1 Tim 2:1-7)  

9. die verkondiging van U Woord in 'n wêreld wat al verder van U af wegdryf.

10. hulle wat in gevaarlike en moeilike omstandighede U Woord verkondig.

Die krag van gebed kan nooit onderskat word nie! Elkeen van ons het 'n verantwoordelikheid om vir mekaar te bid.

Mossiestilte: Dan. 10:8,9b,17

Toe het ék alleen oorgebly en hierdie groot gesig gesien, en geen krag het in my oorgebly nie, en my gesonde kleur het aan my verander en verdwyn, en ek het geen krag oorgehou nie.

Vers 9b 

het ek bewusteloos op my aangesig op die aarde geval.

vers 17

En hoe kan so 'n geringe kneg van my heer met so 'n heer van my spreek? Wat my aangaan, bestaan daar dan nou geen krag in my nie, en geen asem het in my oorgebly nie.

Hierdie is 'n engel van die Here wat aan Daniël verskyn het en hy het byna soos 'n dooie geword, toe sy kragte hom verlaat het vanweë die gesig by die Hiddékelrivier.

vers 19: En terwyl hy met my spreek, het ek moed geskep en gesê: My heer kan maar spreek, want u het my versterk.

Om in menslike gedaante voor 'n engel te staan, is reeds 'n skrikwekkende ervaring, wat nog staan voor God, die Vader. 

Onse Vader hoe groot en ontsagwekkend is u aangesig en u gedaante. Hoe kan ek, u kneg, voor u ontsagwekkende heerlikheid staan? U Heilige Gees, in my, sal my staande hou, of optel as ek op my aangesig voor U neerval. Jesus Christus, het my met krag ondersteun, U gee my genade om elke dag net staande te kan bly. Aan U kom toe die heerlikheid en eer tot in ewigheid. Amen. 

[Aangestuur deur Pieter Swanepoel.]

Oesmaande: Oktober

Kerkgenotjies: 'n NOOIT-OOIT-resep

Hier is nou 'n resep wat NOOIT OOIT probeer moet word nie - NOOIT NIE.

Dis warm en ek was lus vir Coke, maar Pick 'n Pay se Coke is nie koud nie, so ek sit dit in die vrieskas vir vinnige resultate, maar vergeet ongelukkig daarvan.

Toe ek dit uithaal is dit kliphard gevries, geen probleem nie! Ek sit dit in die mikrogolf vir 'n paar minute, maar op DEFROST!

Ek het NIE MY LEESBRIL OP NIE, SO AL DIE TYD HET EK DIT OP FULL POWER GESIT.

Ek het nog nie die sitkamer gehaal nie, toe smaak dit my ek is vasgevang in 'n oorlog waar 1000 gewere gelyk skiet. Daai oorverdowende slag laat my die gang kies, en toe ek besef dit moet die Coke wees, maak ek 'n U-draai soos n wafferse oorgewig ballerina en storm die kombuis binne ...

Als is vol Coke! Die mikrogolfoond se deur is morsaf en die helfte van die plastiekbottel sit teen die dak vasgeplak. My plakkies plak soos gom op die taai vloer en vir 'n vlietende oomblik dog ek wie de hel was in my kombuis ...

Toe ek mooi kyk, sien ek my hond sit op die bure se gras en staar senuweeagtig na die huis, wonder hoe het hy so gou daar gekom, maar die kat is skoonveld. 

Ek het my les geleer! Nooit weer nie. Ek maak nog steeds skoon.

Selfs my Coke-lus is weg!

Potjiekompetisie - kom deel in die potjiekosplesier!

Statistiek: Dankie vir 172 000 e-besoek!

Dutoitspan Kimberley het die 172 000-kerf bereik. 'n  Dutoitspan-dankie vir elkeen wat die blog so gereeld besoek. Stuur gerus idees en voorstelle in - ons luister graag. Dankie vir al die positiewe kommentaar wat sommer so padlangs gestuur word.

'n GROOT DANKIE aan elke medewerker wat só gereeld bydraes stuur. Julle sterk ons hande!

• Liz de Koker
• Marguerite Pienaar
• Rosetta Venter
• Valerie Kilian

Matrieks, die laaste hekkie van julle skoolloopbaan

Liewe Matriek

Mag die genade en die liefde van die Here soos dou op jou en jou geliefdes kom lê.

Mag daar 'n mantel op jou skouers val wat 'n teken sal wees van God se ingrype, seën en voorsiening.

Ek seën jou met 'n seën wat sal vul waar dit leeg is, wat sal herstel waar gebrokenheid is, wat sal heel wat stukkend is, wat sal oorvloei waar daar tekort is.

Mag die Here vir jou gee die begeertes van jou hart.

Die Here seën jou!

Ja, die Here seën jou.

Sterkte met die matriekeksamen. 

Ons allerbeste wense vergesel julle op hierdie laaste skof van julle skoolloopbaan. Leer hard, slaap genoeg, vertrou en kyk voortdurend op na waar jou kalmte en hulp vandaan kom. 

Mag al julle drome waar word en mag julle toekomspaaie vol vreugde en vol van Jesus se genade wees.

Klik op die boekmerk vir 'n duideliker beeld.  

[Bron van verskeie boekmerke HIER. Besoek gerus die kreatiewe webwerf.]

Dink hieroor: Daar is slegs een persoon ...

Die werknemers van ‘n groot maatskappy het van hul etensuur teruggekeer en hulle is by die ingangsportaal van die kantore begroet deur die volgende kennisgewing:

“Die persoon wat jou die meeste verhinder het om te groei in dié onderneming, is gister oorlede. Ons nooi jou uit na die roudiens en laaste eerbetoon wat vanmiddag in die gimnasium om 16h00 sal plaasvind.”

Almal was eers geskok deur die gedagte dat een van hul kollegas oorlede is, maar na ‘n rukkie was almal baie nuuskierig om uit vind wie die persoon is wat oorlede is. Geen verdere inligting was tot hulle beskikking nie en hulle  moes tot 16h00 wag.

Die afwagting het gegroei soos wat die werknemers by die gimnasium opgedaag het om hul laaste eer te betoon aan die oorledene. Almal het gewonder wie die persoon is wat hulle die meeste verhinder het in hul groei in die onderneming en elke een het gespekuleer oor wie dit moontlik kan wees. Die meeste se gevoel was in elk geval: “Maak nie regtig nou meer saak wie dit is nie, ten minste is hy of sy nie meer daar nie!”

Een vir een het die werknemers nader gestaan aan die oop kis en wanneer hulle in die kis kyk, was almal sprakeloos. Hulle was geskok, so asof iemand hul diepste wese aangeraak het.

Daar was ‘n spieël binne-in die kis en elkeen wat inkyk, kon sy eie refleksie in die kisbodem sien. ‘n Nota was langs die spieël aangebring wat as volg gelees het:

“Daar is slegs een persoon wat in staat is om beperkinge op jou groei te plaas - dit is JYSELF.”

Jy is die enigste een wat in staat is om jou lewe te verander. Die enigste persoon wat kan bepaal hoe gelukkig jy vandag gaan wees of hoe suksesvol. Jy is die enigste persoon wat jouself kan help of jou eie groei kan belemmer.

Jou lewe verander nie as jou werkgewer verander, of jou vriende verander, of jou ouers verander, of jou lewensmaat verander of jou kinders verander nie. Jou lewe verander slegs wanneer JY verander, wanneer jy verder strek as wat jy dink jy in staat is om te strek. Wanneer jy glo dat jy tot alles in staat is, slegs dan eers sal jy werklik tot alles in staat wees. Jy moet lief wees vir jouself en in jouself glo, want hoe anders sal jy jou naaste kan liefhê of in jou naaste glo as jy nie in jouself glo nie.

Skrifgedeelte: Fil. 4:13
Ek is tot alles in staat deur Christus wat my krag gee.

[Oorspronklike skrywer onbekend]

I choose to be happy!

I will no longer allow the
negative things in my life
to spoil all of the
good things I have!

-Thank you, Rosetta-

Afkondiging: Potjiekompetisie - sien jou daar!

Afkondiging: Beplanning vir 2025

Mossiestilte: Job 52 : 4

Hoor tog, en ek sal spreek; ek sal U ondervra en onderrig U my!

Nadat jy emosioneel uitgemergel is en jy voel jy kan fisies net nie meer nie, dan kom God en verduidelik aan jou dalk ook vanuit 'n storm soos vir Job, hoe Hy dinge doen en waarom en wanneer. As jy God se raadsbesluite verstaan en kennis het, sodat jy nie sal ondergaan nie, sal jy tot God roep. Dit is egter jou besluit; neem dit en vra God om jou te onderrig. Verheug jou in God se krag, kennis en wysheid, Hy sal jou leer. God kan alles doen en geen plan is vir Hom onuitvoerbaar nie. (vers 2)

O Here, ons God en Vader, ek roep U aan in u hoogheid en heerlikheid. U is hoog en verhewe. Ek het berou in my nederige situasie. Ek het U nie geag in U barmhartigheid en goedheid nie. U sal my leer en ek sal kennis by U kry. My wysheid beskaam my en ek leun vandag op U, om my wysheid te gee. U kyk alles aan wat hoog is; U is koning oor alles. Amen.

[Aangestuur deur Pieter Swanepoel.]

Afkondiging: Selgroep

Die Here voorsien ...

Bybelvertaling is selde 'n werk met gereelde ure en 'n vaste inkomste.

Dit is heeltemal normaal vir vertalers om verskillende maniere te hê om hulle inkomste aan te vul. Daar is byvoorbeeld vertalers wat hulle landerye moet bewerk om te oorleef, maar daar is seker nie baie wat 24 kinders moet onderhou, terwyl hulle besig is met 'n Bybelvertaling nie.  

Insuthosi Jamir woon in Dimapur in Indië en is een van die vertalers van die Bybel in Nagamese.

Die Bybelgenootskap van Indië ondersteun hom terwyl hy aan die Bybelvertaling werk. Alhoewel dit tans sy enigste inkomste is, het hy en sy vrou, Imeinla, 'n weeshuis vir 24 kinders.

"Ek kom uit 'n baie arm gesin, maar ek het altyd geweet ek wil ander, veral weeskinders, help," vertel Insuthosi. "Ons het met drie kinders begin maar gou-gou het meer gekom. Sommige is in hospitale agtergelaat en ander op straat.

"Dit is finansieel baie moeilik, maar ek weet dat die Here sal voorsien." Hy vertel dat hy dikwels net 'n paar muntstukke in sy sak het, maar die Here voorsien altyd. Onlangs het hy nie genoeg geld gehad om die kinders se skoolgeld te betaal nie, en toe kom daar 'n bydrae van 'n vriend in Amerika - die presiese bedrag wat benodig is.

"Om betrokke te wees by die Nagamese Bybelvertaling is vir my 'n wonderlike voorreg. Bybelvertaling en die kinders het my egter geleer die Here sal voorsien."

Indië se ongeveer *1 miljard mense praat sowat 3 372 tale. Die Bybelgenootskap van Indië het reeds die volledige Bybel in 65 tale beskikbaar gestel. Bybelvertaling is 'n prioriteit vir hierdie Bybelgenootskap. Soos Insuthosi, glo hulle ook dat die Here die nodige fondse en kundigheid sal voorsien.   

* Verouderde inligting van 2015

[Bron: Somer 2015 die saaier]

Mandjie hoop: Die geskenk van geloof

Geloof los nie ons probleme op nie, maar ons geloof in God se trou help ons om ons probleme met meer kalmte te hanteer sodat ons daardeur kan groei. Hierdie kalmte kom uit die wete dat God in beheer is en dat Hy ons nooit sal verlaat nie, ongeag die omstandighede.

Geloof gee ons ‘n innerlike vrede en die vertroue om te weet dat ons nie alleen is nie, en dat elke uitdaging en oorwinning deel is van God se groter plan vir ons lewens. Dit is hierdie geskenk van geloof wat ons versterk en ons die moed gee om met hoop en volharding deur die lewe te gaan.

We all make mistakes

My Grandmother always cooked tasty food.

But one day, she put a burnt pie in front of my Grandpa.
Not just a little burnt, but black as coal.
I waited to see what my Grandpa would say.
But he just ate the pie and asked how my day was.
Then I heard my Grandma apologize to him for his dinner.
I'll never forget his response.
"Dear, I like your pie."
Later, I asked him if he had told the truth.
He put his arm on my shoulder and said,

"Your Grandma had a tough day at work."
"She was tired."
"The burnt pie didn't harm me,

but a sharp word could've hurt her."
We all make mistakes.
We shouldn't focus on mistakes, but

support those we love.

[Unknown Author]

Maandag-gedagtesaad

Die vrug van ...

Die vrug van stilword

is GEBED

Die vrug van gebed

is GELOOF

Die vrug van geloof

is LIEFDE en DANKBAARHEID

Die vrug van liefde en dankbaarheid

is DIENSBAARHEID

Die vrug van diensbaarheid

is VREDE!

[Moeder Teresa]

Mossiestilte: 1 Kron. 17:25

Want U, my God, het die oor van u kneg geopen, dat U vir hom 'n huis sal stig; daarom het u kneg vrymoedigheid gevind om voor u aangesig te bid.

Dit is nodig dat jy jouself en God herinner aan God se beloftes aan jou. God vergeet egter nie en is 'n waarmaker van sy Woord. Jesus het belowe dat Hy vir ons 'n woning sal voorberei en terugkom om ons te kom haal. (Sien Joh. 14) Na aanleiding van sy beloftes vind ons bemoediging om sterk te staan en in gebed te tree al voel ons nie goed genoeg of bevoeg nie. Ons kruip nie weg in vrees om te bid nie, maar kom voor sy aangesig in gebed met vrymoedigheid met die wete dat God ons gebied om tot Hom te bid en Hom te vra wat ons nodig het vir vandag.

Dankie onse Vader, wat in die hemele is, dat U neerbuigende goedheid my gebed optel en gehoor daaraan sal gee. Reg voor u aangesig kom ek in gebed om U te smeek en te bid vir my behoeftes en u aangesig te prys en te verheerlik. U gaan om vir my 'n plek te berei dat ek kan wees waar U is. U weet reeds lankal wat my behoeftes is en sal in elkeen voorsien na die rydom van U heerlikheid. Amen.

[Aangestuur deur Pieter Swanepoel.]

Kerkgenotjies: Die gehoorapparaatjie

Van Tonder kom agter dat hy bietjie doof word en besluit om ‘n gehoorapparaat te koop. Hy’s net bietjie doof, en verdomp suining, so hy wil nie baie geld uitgee nie.

“Hoeveel kos die goed?” vra hy vir die klerk.

“Dit hang af, Meneer, ons het modelle van R20 tot R20 000.”

“Nou man, waarvoor wag jy, wys my die R20-model.”

Die klerkie vroetel in ‘n laai, haal ‘n apparaat uit en hang dit om Van Tonder se nek. “Meneer, jy druk nou net die knoppie in jou oor en laat hang die toutjie tot in jou hemp se sak.”

“Ja ja, maar hoe werk die ding?”

“Meneer, vir R20 werk hy nie eintlik nie, maar as die mense sien jy het dit aan, praat hulle sommer vanself harder! Die gehoorprobleem opgelos.”

Dutoitspan sê dankie aan elke adverteerder op die kerkalmanak

Dankie aan elkeen van julle. Julle getroue ondersteuning maak dit moontlik om elke jaar 'n mooi kerkalmanak uit te gee. Ons waardeer julle betrokkenheid opreg.

Ondersteun asb. hierdie lojale borge!