My optrede kan my of afbreek of opbou.
My aksies is gebaseer op besluite wat ek op ‘n daaglikse basis maak.
Indien jy jou omring met positiewe en inspirerende mense sal jy ook meer
gemotiveerd wees. Wanneer jy motiveringsboeke lees, na motiverings
praatjies op CD luister, motiverings televisie programme kyk, sal jy meer
geinspireer voel.
Indien jy goed slaap, goed eet en gereeld
oefen, sal jy waarskynlik meer gemotiveer voel.
Wanneer jy begin om die dinge te doen waarvoor
jy lief is, sal jy meer geinspireer word. Wanneer jy dit staak om
betrokke te raak in die drama en detail van ander mense en begin fokus om
jouself te verander, sal jy ook meer gemotiveer voel.
Maak ‘n lys van 21 dinge wat jy geniet om te
doen en wat jou regtig inspireer. Begin om die aktiwiteite op jou lys te
doen. Jy kan slegs gee aan ander wanneer jy iets het om te gee.
Wanneer jyself gedreineer is, hoe kan jy ‘n verskil in ander se lewens maak?
(Nonnie Hendriksz)