Gee ons vandag kalmte, Heer

Op die Here se tyd.

Ons hoor dit tog so baie!

Glo jy dit?

Is dit vir jou ook?

Of wonder jy ook soms en smeek jy na bo: "Wanneer is dit dan nou tyd, Heer???"

Ons moet glo en vertrou.

Hoe moeilik ookal.

Here, help ons vandag om te besef dat U al lankal, van die begin van tyd af weet wanneer die regte tyd is vir alle planne wat ons het, alle hartsbegeertes om in plek te val. U weet wat U vir ons beplan het, en U beplan net goed. Gee ons vandag kalmte, Heer, om te kan vertrou. AMEN

Maandag-gedagtesaad

Bankbesonderhede

 

Daarom sal ek bly hoop!

As ek vandag iets kon uitdeel,

sou ek vir almal hoop wou gee.

Hoop om vandag deur te kan gaan en

hoop om môre aan te kan gaan en

so ook die res van die week.

Jy kan nie hoop uit jou sak haal

en daarna kyk nie ...

tog verander hoop alles.

Hoop sluit die toekoms oop,

dit maak dat jy nie net opstaan

en gaan slaap nie.

Dit gee sin aan jou bestaan en

hoop laat jou vorentoe kyk.

Want al is ons omstandighede hóé donker,

is daar altyd nog 'n greintjie hoop -

iets om aan vas te hou.

Niks is ooit hopeloos nie.

Daarom sal ek bly hoop!

Mossiestilte: Matt. 9:22

En Jesus het omgedraai  en haar gesien  en gesê: hou goeie moed, dogter, jou geloof het jou gered. En die vrou het gesond geword van daardie uur af.

Wil jy Jesus vandag aanraak? Is jy moedeloos oor jou omstandighede? Christus is die Geneser en wil jou ook aanraak. Jesus wil vir jou hoop gee vir dié dag en wil net hê dat jy Hom moet vertrou en in geloof na Hom toe gaan.

Here, my God, ek kom met geloof na U dat U my redding sal skenk en my genees sodat U naam verheerlik kan word. Ek wil vanoggend uitreik en net die soom van U kleed aanraak. Met U wat die bose oorwin het en omdat U leef, sien ek kans vir vandag met al sy uitdagings. Amen. 

[Aangestuur deur Pieter Swanepoel.]

Kerkgenotjies: Die tweeling

Die predikant op Carnavon het huisbesoek gaan doen by 'n huisgesin waar die ouers 'n identiese tweeling het. Alhoewel die mannetjies identies gelyk het, het hul persoonlikhede soos dag en nag van mekaar verskil. Klein Juan was 'n rustige outjie, maar klein Karl was 'n mannetjie wat baie lief daarvoor was om vir almal poetse te bak ... 'n besige kind wat nie die woord stilsit in sy woordeskat het nie.  

Tydens die huisbesoek het donimee dan ook verneem of die seuns darem in die aande voor hulle gaan slaap hul dag afsluit met 'n gebedjie, waarop Mamma bevestig dat dit wel die geval is.

Klein Juan het aangebied om vir dominee sy vaardighede met sy gebedjie te illustreer en hy trek sommer dadelik weg: "Liewe Jesus, baie dankie vir my mammie en pappie en die kos wat ek elke dag eet. Maak asseblief my boetie 'n soet seun, want hy is party dae baie stout! Amen."

Klein Karl het tjoepstil na sy boetie se gebed gesit en luister, waarop hy as volg reageer het: "Liewe Jesus, baie dankie vir my mammie en pappie en die kos wat ek elke dag eet. Sorg asseblief dat my boetie gestraf word, want hy skinder van my by jou!"

Terugblik: Kosterspaar 1940-1966

Mnr. en mev. Wagner was 'n aktiewe en geliefde kosterspaar, wat bekend was vir hulle hulpvaardigheid, nie net in die gemeente nie, maar ook in Kimberley. Geen versoek was vir hulle moeite nie. Mev. Wagner was veral bekend vir haar groot rangskikkings vir verhoë, troues, kongresse en konferensies,

Mev. Wagner tydens gemeente
se eeufeesvieringe in 1972

asook die vlyt waarmee sy skynbaar moeiteloos onthaalfunksies kon aanbied. Met Dutoitspan se 100-jarige feesvieringe het sy met liefde die blommerangskikkings gemaak, al was sy nie meer in die gemeente nie en so gehelp om die feesuitgawes in hierdie aspek baie laag te hou. 'n Ander talent wat ver buite die grense van Kimberley bekend was, was dat sy trourokke ontwerp en gemaak het en daarmee saam sommer ook die strooimeisie en die bruid van die ma se uitrustings. Voorwaar 'n bekende, geliefde en hardwerkende paar.   

Met die afsterwe van hul enigste dogter, Poppie, en die verswakking van mnr. Johnny Wagner se gesondheid, het hulle besluit om hulle liewer op 'n rustiger Boshof te vestig. Dit het meegebring dat hulle na 'n dienstydperk van 26 jaar se getroue en uitstekende diens as diaken, ouderling, Sondagskoolonderwyser en koster die amp moes neerlê.  

Die susters van die gemeente het vir hulle 'n spoggerige afskeidsfunksie aangebied (hierdie keer het mev. Wagner aan die ontvangkant van die onthaal gestaan.) 'n Adres en 'n geskenk van 'n R100 is deur die kerkraad as blyke van waardering vir die waardevolle en getroue dienste oor só 'n lang tydperk aan hulle oorhandig.

Rokke wat deur
mev. Wagner gemaak is.

Die groot vraag op almal se lippe was wie hierdie twee besondere mense gaan opvolg.

Bron: Eeufeesalbum 1972, mondelinge oorleweringe.

Do It Anyway - Mother Teresa

People are often unreasonable, irrational, and self-centered.

Forgive them anyway.

If you are kind, people may accuse you of selfish, ulterior motives.

Be kind anyway.

If you are successful, you will win some unfaithful friends and some genuine enemies.

Succeed anyway.

If you are honest and sincere people may deceive you.

Be honest and sincere anyway.

What you spend years creating, others could destroy overnight.

Create Anyway.

If you find serenity and happiness, some may be jealous.

Be happy anyway.

The good you do today, will often be forgotten.

Do good anyway.

Give the best you have, and it will never be enough.

Give your best anyway.

In the final analysis, it is between you and God.

It was never between you and them anyway.

Dink hieroor: Jy het 'n keuse

Keuses is die kragtigste wapen wat ons het. Alles wat ons doen of sê kom neer op 'n keuse, want met elke keuse sluit jy vir jouself 'n hele klomp moontlikhede oop of toe.

Op enige stadium van jou lewe kan jy die rigting van jou lewe verander met slegs een keuse - as dit jou nie langer pas nie, stap weg.

Die keuse is in jou hande.

Afkondiging: Algemeen

Boustene van geluk

Bou jou drome van hoop

met stene van geluk 

en 'n dak van volhard

met 'n deur van geloof

en kamers van vergifnis.

Geloof, hoop

en gehoorsaamheid

is die boustene van ware geluk

en voeg daarby 

'n graaf vol dankbaarheid 

Laat God jou lei

en jou bevry

van alle kwellings

op jou pad

 

Bou nou jou droom

op Sy wil

en jy sal vrede vind

vir jou siel. 

Drome is hoop. 

Drome is glo. 

Drome is aanhou

tot die end

waar Hy vir jou wag

om jou te seën! 

[PS Blignaut - Augustus 2014]

Mossiestilte: Luk. 6:19

En die hele skare het probeer om Hom aan te raak, omdat krag van Hom uitgegaan het, en Hy het almal gesond gemaak.

Die groot Geneesheer waak vandag oor jou, en wil jou aanraak en jou gesondmaak. Krag gaan gedurig van Jesus uit aan almal wat Hom aanraak; Sy krag is 'n onuitputbare ewige bron van krag. Praat vanoggend met Jesus en vertrou Hom, om jou te genees. Jesus het nie vir die regverdiges gekom nie, maar vir die wat ongesteld is, want hulle het Hom nodig.

Here, ek het U daagliks nodig. Ek moet elke minuut van elke dag myself aanspreek, om gehoorsaam te wees aan U alleen. Ek roep U elke dag aan, of dit goed gaan en of ek ongesteld is. U Heilige Naam wil ek elke dag verheerlik en verkondig. U genees my; krag van die Ewige Koning, gaan uit U uit en versterk en genees my. U is hoog en verhewe. Mag u Naam verheerlik word. Amen.

[Aangestuur deur Pieter Swanepoel.]

Seënwense

Mag ons SKEPPER se liefde jou soos sonskyn omvou.

Mag Sy genade oor jou drup soos die môredou.

Mag Sy vreugde jou hart vul met 'n melodie.

Mag Sy kosbare bloed jou lewe omsirkel.
Mag God voor jou uitloop en al jou paaie gelyk maak.

Mag jy vandag 'n asemrowende dag beleef,

sodat hierdie dag al jou verwagtinge oortref.

Baie seën in Jesus Naam.

Erfenisdag 2024

Mandjie hoop: Genade op jou lewenspad

Soms wanneer
'n mens hoop verloor,

dink jy dit is die
einde.

GOD glimlag
dan in SY Genade
en sê: Kalmeer my geliefde,

dis slegs 'n draai
in die pad en nie

die einde van die pad nie.

Die 10 gebooie van die lewe

Die 10 gebooie wat ‘n mens in jou lewe behoort te volg:

1) ‘n Gebed is nie soos ‘n “spaarwiel” wat ‘n mens slegs gebruik wanneer jy in die moeilikheid is nie; dit is jou “stuurwiel” wat jou deur jou lewe in die rigting op die regte pad stuur.

2) Het jy al gedink hoekom het ‘n voertuig so groot WINDSKERM en slegs ‘n klein truspieël? Omdat jou VERLEDE nie so belangrik is as jou TOEKOMS nie. So kyk vorentoe en beweeg aan.

3) Vriendskap is soos ‘n BOEK. Dit neem ‘n paar sekondes om ‘n boek te verbrand, maar dit neem jare om dit te skryf.

4) Alle dinge in die lewe is TYDELIK. Wanneer dit goed gaan, geniet dit. Dit gaan nie vir ewig aanhou nie. Wanneer dit sleg gaan, moenie bekommer nie want dit sal ook nie vir ewig aanhou nie.

5) Ou vriende is soos GOUD! Nuwe vriende is diamante! Wanneer jy ‘n diamant kry, moenie die goud vergeet nie! Diamante het altyd goud nodig om te set.

6) Soms wanneer ‘n mens hoop verloor, dink jy dit is die einde, GOD glimlag dan daar Bo en sê, “Kalmeer, my geliefde, dis slegs ‘n draai in die pad en nie die einde van die pad nie!”

7) Wanneer GOD jou probleme oplos, het jy geloof in sy bekwame vermoë; wanneer GOD nie jou probleme oplos nie het HY vertroue in jou bekwaamheid.

8) ‘n Blinde vra op ‘n dag vir Paulus “Is daar iets erger as om jou sig te verloor?” Paulus antwoord: “Ja, om jou visie in die lewe te verloor.”

9) Wanneer jy vir ander bid, luister GOD na jou en seën hulle! Soms wanneer jy veilig en gelukkig is, onthou dat iemand anders vir jou gebid het.

10) Bekommernisse neem nie die moeilikhede van môre weg nie; dit neem die vrede van vandag weg.

[Skrywer onbekend - teks op wêreldwye web - W3]

Maandag-gedagtesaad

 

Oesmaande: September

Afkondiging: Handevatprojek - !XUN ALFA-gemeente

Potjiekoskompetisie - omkring hierdie belangrike datum

Mossiestilte: Ps. 18:29

Want U laat my lamp skyn; die Here my God laat my duisternis opklaar.

In jou donker tye sal God jou lamp aansteek sodat jy kan sien waar om te loop. God se lig word nooit geblus nie en is altyd gereed om jou lamp te laat skyn. Vul jou lamp gedurig op met olie sodat jou lamp nie uitgeblus kan word nie. Die Heilige Gees is jou lig vir jou pad en 'n jou lamp vir jou voet.

Here, my God, hoog en verhewe is u Naam bo die aarde. Laat die volke U loof en u Naam verhoog. U lig is sterker as al die sonne in die heelal. Met U loop ek nooit in die donker nie. U steek my lamp op en laat my sien in my donkerste uur. U lig bring vir my vreugde en gerustheid. Ek loof en prys u grote Naam. Amen.

[Aangestuur deur Pieter Swanepoel] 

Liefdadigheidsbraai - het jy al jou etekaartjies gekoop??

West End slaghuis hou 24 September 'n liefdadigheidsbraai vir

Christina Kiddie Kinder- en Jeugsorgsentrum

R100 per bord

met spitvleis, roosterkoek en slaai!

CAUTION - FEAR FACTOR!!!

Kerkgenotjies: Boete

Piet Swart word die eerste Donderdag van die maand aangekeer vir ‘n verkeersoortreding. Hy vervies hom vir die ywerige verkeerskonstabel en noem hom ‘n esel. Die verkeerskonstabel daag hom voor die hof vir naamskending.

“Meneer,” sê die landdros, “jy mag nie vir konstabel Van der Merwe ‘n esel noem nie. U word met R1000 beboet.”

“Ek mag nie vir ‘n verkeerskonstabel sê hy’s ‘n esel nie?”

“Dis korrek.”

“Mag ek ‘n esel ‘n verkeerskonstabel noem?”

“As dit jou plesier sal verskaf.”

Piet draai stadig en moedswillig om, kyk die konstabel vas in die oë. “Tot siens, verkeerskonstabel,” sê hy.

Hoe sê 'n mens dankie ...

* vir dit wat mens het?
* vir soveel liefde?
* 'n huisie?
* 'n bed?

Heer, ek het nie veel nie ...
Maar dit weet U klaar!
Die bietjie wat ek het ...
Is vir my so kosbaar!

Heer, ek tel elke dag my seëninge ...
Een vir een!
Want ek weet ...
Wat ek het, is net vir my geleen!

Heer, soms kan my lewenstorms ook maar woes slaan ...
Maar steeds laat U my huisie vasstaan!

Heer, U beskerm my en ...
my familie al ons hele lewe lank!
En soms weet mens nie ...
Hoe om U te bedank nie!

Heer, my geld is min ...
My huis is klein ...
Maar dit is so asof daar meer ...
Sonlig in my huis skyn!

Heer, ek kyk vas in glimlaggies ...
En kry drukkies elke dag!
My God ...
Ek kan dit weer teruggee!
Want U is my krag!

Heer, soms laat die lewe my ook ...
Opdraende loop!
Ek het geleer waar daar lewe is ...
Is daar hoop!

Heer, ek het leer swem toe ...
Die lewensbranders op hul woeste geslaan het!
Toe ek struikel en afdwaal ...
Was U die een wat verstaan het!

Heer, U het hartseer ...
Pyn en ook soms ...
Twyfel op my pad gebring!
U het weer 'n melodie in my lewe gegee toe ...
My hart nie meer die lied van die lewe wou sing nie!
U het soveel keer my uit die donker dieptes van die lewe kom haal ...
Juis wanneer ek dink als het my gefaal!

Heer, U het my totaal verstom ...
Toe ek heel by die wenpaal anderkant uitkom!
Daarom buig ek vandag my kniëe in gebed en sê:
Dankie, Heer ...
Vir dit wat ek het!

[Dankie, Anoniem]

Dankie vir elke e-besoek!

Dink hieroor: Die lewe is soos 'n kombers wat te klein is ...

Trek jy jou skouers toe, is jou voete oop.

Trek jy jou voete toe, is jou skouers oop.

Gelukkig vir ons wat geleer het om ons knie te buig ...
Want met gebed is jy van kop tot tone toe ...
en is daar nog plek vir almal vir wie jy omgee!!

Liefde kos nie geld nie

   

‘n Boer het ‘n paar babahondjies gehad wat hy wou verkoop. Hy gaan sit 'n advertensie op Spar se kennisgewingbord en verf toe ook ‘n plakkaat waar hy die hondjies adverteer en dit sit hy sommer voor sy plaashek op. Hy was nog besig om die bord vas te slaan, toe voel hy skielik iemand trek aan sy baadjie. Hy kyk om, vas in die oë van ‘n klein seuntjie.

 
"Oom, ek wil graag een van oom se hondjies koop."

"Wel,” sê die boer, "hierdie hondjies het ‘n baie goeie ma en pa en hulle kos nogal duur, ou Seun."

 
Die seuntjie laat sy kop sak en dink vir ‘n oomblik. Toe druk hy sy hand diep in sy broeksak, en kom met ‘n handvol kleingeld te voorskyn.

"Sal hierdie genoeg wees dat ek net kan kyk, asseblief, Oom?" vra hy.

"Seker," sê die boer. En met ‘n fluit roep hy: “Kom Lady, kom wys jou kinders!”

 
Uit die hondehok kom Lady, met vier bondeltjies lomp-lomp agterna.

Die seuntjie druk sy gesiggie teen die draad en sy oë blink van pure opgewondenheid. Die hondjies is al amper by die draad, toe die seuntjie nog iets by die hondehok sien roer. Stadig kom nog ‘n bondeltjie te voorskyn, heelwat kleiner as die ander hondjies. Met ‘n mank sukkelende drafstappie begin die laaste klein hondjie naderkom. Hy probeer sy bes om die ander in te haal.

"Ek wil graag daardie hondjie hê,” sê die seuntjie, en wys met sy vinger na die kruppel hondjie. Die boer kniel langs die seuntjie en sê: "Ai, Seun, jy wil nie daardie hondjie hê nie. Hy sal nooit kan hardloop en speel soos al die ander hondjies nie."

 
Die seuntjie staan terug van die draad af en begin sy broekpyp oprol. Stadig begin twee kunsbeentjies wys, wat met ‘n stut vas is, en eindig in twee kunsskoene.

"Oom sien, ek kan self ook nie te lekker hardloop nie, en hy sal iemand nodig hê wat dit kan verstaan."

 
Met trane in sy oë tel die boer die kruppel hondjie op en gee hom versigtig vir die seuntjie oor die draad aan.

"Hoeveel kos hy, Oom?" vra die seuntjie.

"Hy’s verniet, Seun. Hy kos vir jou niks nie. Liefde kos mos nie geld nie."

 Al is ons swak of het 'n gebrek, is ons steeds belangrik. Onse Koning en Oppermeester was ook gewond en verniel, daarom stel Hy ook belang in die afvlerk, die gebrekkige en die gebroke mens. Moenie alleen voel nie - kyk op - dis waar jou hulp vandaan kom. Al gebeur dit dat jy nie saam met die res van die wêreld op spoed kan beweeg nie, is daar steeds iemand aan wie jy vreugde kan verskaf en wat jou nodig het ... omdat jy verstaan.

Seënwense

Mag jy vandag

in die skoonheid van God

se genade loop,

want Sy genade is

voor jou

agter jou

om jou

bo jou

en binne jou! 

8 ways God speaks to us today

He conversed with Adam in the first garden. He told Noah to build an ark. He spoke to Moses in a burning bush. He promised Abraham a son. Paul heard His voice on the way to Damascus. But does God still speak to us today?

If so, how? When? Where?

1. Through His Word in general.

2. Through His Son, Jesus Christ

3. Through Nature and God’s Creation

4. Through Other Believers

5. Through Music

6. Through Circumstances

7. Through His Spirit

8. Through Prayer

Does God speak to all of us the same way? No, we are all unique. Are these the only ways God speaks today? No. He’s a creative God. He speaks so many ways, including through miracles.

Click HERE for more info.

Mossiestilte: Gen. 32:31

En die son het vir hom opgegaan net toe hy Pniël verby was; en hy was mank aan sy heup. 

Worstel jy met God op hierdie stadium? Die son sal vir jou ook opgaan. God se tyd is nie jou tyd nie. Vir hoe lank moes jy werk om te kon kry wat jy graag wil hê, en steeds, nadat God vir jou voorsien het, het jy nog steeds vrese. Bid die Here se seën af en sien hoe God in jou lewe werk. Dalk het jy ook merke, tekens, of mankheid as teken van jou worstelinge maar ook jou seëninge. 

Here, en Almagtige God, dankie dat u geregtigheid my gered het. Dankie vir u seëninge en dat ek nog deur u genade mag lewe. Met U het ek geworstel en U het my aangeraak. Tog twyfel ek selfs nog nadat U my gewys het hoe U vir my omgee en my wil seën. U son skyn weer oor my en U sorg vir my dag na dag. My lewe getuig van u goedheid. Ek kan die littekens wys. U is die ware en ewige God en Vader. U sal ek loof en prys en u goedheid bekend maak, oral waar ek gaan. Amen.

[Aangestuur deur Pieter Swanepoel.]

“What If God Should Go On Strike?”

“How good it is that God above has never gone on strike
Because He was not treated fair in things He didn’t like.
If only once He’d given up and said, “That’s it, I’m through,”
“I’ve had enough of thee on earth, so this is what I’ll do.”

“I’ll give my orders to the sun, cut off the heat supply,
And to the moon give no more light and run the oceans dry.
Then just to make things really tough and put the pressure on,
Turn off the vital oxygen till every breath is gone.”

You know He would be justified, if fairness were the game.
For no one has been more abused or met with more disdain
Than God, and yet he carries on, supplying you and me
With all the favors of His grace, and everything for free.

Men say they want a better deal, and so on strike they go,
But what a deal we’ve given God to whom all things we owe.
We don’t care who we hurt to gain the things we like,
But what a mess we’d all be in if God should go on strike.”

[Walt Huntley]

Dear friends, let us seriously “think” about the words in this poem, and then humbly bow, being thankful for "every perfect gift" that comes from God, the Father.

Dust If You Must

Dust if you must, but wouldn't it be better
To paint a picture, or write a letter,
Bake a cake, or plant a seed;
Ponder the difference between want and need?

Dust if you must, but there's not much time,
With rivers to swim, and mountains to climb;
Music to hear, and books to read;
Friends to cherish, and life to lead.

Dust if you must, but the world's out there
With the sun in your eyes, and the wind in your hair;
A flutter of snow, a shower of rain,
This day will not come around again.

Dust if you must, but bear in mind,
Old age will come and it's not kind.
And when you go (and go you must)
You, yourself, will make more dust.

Rose Milligan

[Thank you, Liz.]

Maandag-gedagtesaad

Verjaardagwense

Bobo (Sally Aucamp), mag jy die wonderlike gevoel van liefde, vrede, vreugde en welwillendheid deel met jou inwoners. Mag Hy vir jou die krag en die genade gee om elke dag met al sy baie uitdagings te kan hanteer. Geniet jou spesiale dag. 

Mossiestilte: Jes. 37:19

en hulle gode in die vuur gegooi; want dit was geen gode nie, maar werk van mensehande, hout en klip - daarom kon hulle dié vernietig. 

Die mens het baie krag teenoor die wat aardse gode het, maar die dag as jy God se kind aanvat moet jy weet, jy vat nou te veel. God se kinders is gereinig en geheilig vir sy doel. God laat sy kinders met oorwinning teenoor die vyand wegstap, sodat Hy verheerlik kan word bo hulle aardse gode. Vandag wil God jou geveg vir jou veg en Hy stuur sy engel om jou vyand neer te werp en uit te wis en jou die oorwinning te gee.

Dankie my Vader, en my Here, vir u genade om gered te word te midde van die stryd. My God is die Almagtige en is die oorwinnaar van my vyand. U red my met u heilige Naam.  Ek is dus meer as oorwinnaar deur Christus wat my die krag gee, geen aardse gode kan my aanraak nie. Prys u Heilige en grote Naam. U is die Alleenwyse God, hoog en verhewe is U. Amen. 

[Aangestuur deur Pieter Swanepoel.]

Derde kwartaalprogram: September & Oktober

20 September: Skole sluit

21 September: Fear Factor-aand (Jeug)

11-12 Oktober: Belydeniskamp

19 Oktober: Potjiekoskompetisie  

Oesmaande: September

CAUTION - FEAR FACTOR!!!

Kerkgenotjies: Swak diens

Klein Jannie was in die kerk toe nagmaal bedien word. Sy ma het vir hom verduidelik dat hy nog te klein is om nagmaal te gebruik. Toe die kollektebordjie omgestuur word, sê sy vir hom om sy kollekte in te gooi.

Maar Jannie hou sy muntstuk styf vas, en sê: "As ek nie mag eet en drink nie, betaal ek nie!"

Vrugteslaai: Galasiërs 5:22-23

Die vrug van die Gees ... is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing.

As Suid-Afrikaners ken ons almal die resep vir ‘n goeie vrugteslaai. En ons deel graag resepte. Daar is min disse wat moeë mense so kan verfris op ‘n warm sonnige dag, soos vars koel vrugte. (Op hierdie blog is daar sommer 'n hele klompie vrugteslaairesepte - klik HIER vir 'n paar resepte.)

As Christene verstaan ons die woorde of geloofsresep, van Galasiërs 5 op ‘n soortgelyke manier. Daar is min dinge wat ons lewens verfris, soos die vrug van die Gees. Elkeen van hierdie “vrugte” is die gevolg van ons geloof in Jesus Christus. ‘n Keuse vir ‘n lewe aan die hand van God se Woord; ‘n aksie om my eie en ander mense se lewens positief te beïnvloed.

Mag die vrug van jou arbeid jou lewe verfris en vernuwe. Deel gerus Gal. 5 ook met jou vriende.

Vreugde is 168 000 e-besoeke!

VRYDAGGEBED

Hemelse VADER ...
Ek BID Spesiaal vir die PERSOON wat nou hier lees.
Hou asseblief hierdie kosbare mens STYF VAS in U sterk VADERarms.
Jy het soveel AANMOEDIGING en ondersteuning nodig.
Soveel BEGRIP en liefde.
Jy het My KRAG en HULP nodig, sê die HERE.
Jy smag na My STEM … na My RAAD en WYSHEID in elke BESLUIT.
Jy het OPBOUING en TOERUSTING nodig.
My VREDE en KALMTE.
Ek INSPIREER jou, sê die HERE.
Ek OPENBAAR aan jou die SIN en DOEL van jou lewe.
Jy vind jou waarde en IDENTITEIT in My alleen.
EK is met JOU, sê die HERE!
Dankie VADER.
Amen.

Terugblik: 2012 se heerlike basaar

Klik HIER vir nog 2012-basaarfoto's!