Terugblik: Inwyding van die tentkerk (en die stoelprobleem)

 

GESTIG

1872

RING

Kimberley (voorheen Dutoitspan)

ADRES

H.v. Rose- en Dyerplek, Beaconsfield, Kimberley

SLUIT IN

Beaconsfield en omgewing

EERSTE PREDIKANT

S.H. Kuhn (1877–1880)

Interessante terugblikbrokkie:

Die inwyding van Dutoitspan se kerktent op Saterdag 21 Januarie 1872 was 'n heuglike feesdag. Baie lidmate van New Rush het oorgekom om in die vreugde van hul bure te deel. Ds. EAJ du Toit van Jacobsdal en ds. Colin Fraser van Philippolis het by hierdie plegtigheid voorgegaan.

Berig in De Kerkbode

Aan die hand van 'n berig in De Kerkbode van 10/2/1872 kon ons die verrigtinge mooi volg. Die aanwesiges het hul eers na de oude kerkplaats - die noodkerk van bokseile wat van tyd tot tyd oor die waens en karre gespan was - begewe, waar ds. Du Toit hul kortliks toegespreek het. Vandaar het hul in plegtige optog na die kerktent gegaan, wat op die gebruiklike wyse deur ds. Fraser geopen is, terwyl dit een stryk deur gestortreën het. Ondanks die gure weer was die opkoms so groot dat die gebou in 'n ommesien propvol was. Nadat ds. Du Toit die gebed van Salomo by die inwyding van die tempel (1 Konings 8) voorgelees het, het ds. Fraser sy wydingsrede uitgespreek na aanleiding van Exodus 20:24: Op elke plek waar Ek my Naam laat gedenk, sal Ek na jou toe kom en jou seën. 

By al twee dienste die volgende dag was die bedehuis weer eens goed gevul. Die volgende Sondag is die nagmaal gevier. Hierdie bedehuis het blykbaar tussen die mynhope op die N.-Circularweg gestaan en is later deur die Dutoitspanmyn verswelg.

Met die inwyding het daar nog 90 pond (R180) skuld op die kerktent gerus.

Berig in Het Volksblad:

So het ons lidmate op sowel Dutoitspan as New Rush nou hul eie bedehuis gehad. Maar dié het natuurlik sleg afgesteek by die kerkgeboue van die ander kerke op die diamantvelde. Op New Rush alleen - aldus 'n berig van 'n korrespondent in Het Volksblad van 18/6/1872 - was daar toe al nie minder nie as ses gerieflike kerkgeboue van ander genootskappe.

Terwyl hierdie bedehuise hul eie stoele en banke gehad het, moes die lidmate van die NG Kerk vir elke diens hul eie stoele saamdra! Daar was dus nog 'n groot agterstand vir die Kerk om in te haal.

[Bron: Eeufeesalbum: Gous, HG. 1971. Die NG Kerk Dutoitspan-gemeente: Beaconsfield Kimberley 1872-1972 - bl. 11]

Bankbesonderhede

Meimaand se prettige poeding - het jy al 'n kaartjie?

Gesinspret! Gesinsvermaak! Gesinsontspanning!

Dutoitspan se koffiehuiskonsert!!

'n Opwindende koffiehuiskonsert is Meimaand se nagereg, aangebied deur die barmhartigheidsdiensgroep. 'n Feestelike basaar was Meimaand se hoofgereg.  

ONTHOU: VERVERSINGS SAL TE KOOP WEES!!!

KOM ondersteun LAG-LAG hierdie prettige fondsinsamelingspoging!

Hart-afdrukke

Here, oral waar ek gaan, laat ek vingerafdrukke agter,
op die hande wat ek aanraak, op borde, mure, ruite, deurknoppe, boeke.
Daar is geen wegkomkans nie, waar ek vat,

plaas ek 'n teken van my identiteit ...

Help my Here, om vandag waar ek ookal gaan
hart-afdrukke na te laat!
Hart-afdrukke van regverdigheid en deernis,
van begrip en liefde,
van barmhartigheid en belangstelling.
Hart-afdrukke van hartlike vriendelikheid en
van opregte betrokkenheid en omgee.

 
Mag my hart 'n ander hart aanraak
en 'n afdruk laat van U liefde ...

Laat ek 'n sagte aanraking agterlaat by 'n

eensame buurman of buurvrou,

by 'n wegloopkind,

'n bekommerde ouer,

'n verstommende oumensie.

Here, stuur my vandag uit om hart-afdrukke

op mense se lewe te laat.

En as iemand sou sê:
"Jou aanraking het my vandag versterk

jou nabyheid het my vertroos",
laat hulle agterbly met die bewussyn dat dit
U liefde was wat hulle in my optrede ervaar het!!!

- Anoniem in Die Groot Gebedeboek - 

[Dankie, Anoniem, wat die fotostaat gestuur het.]

Some things are more important

SON: "Daddy, may I ask you a question?"
DAD: "Yeah sure, what is it?"
SON: "Daddy, how much do you make an hour?"
DAD: "That's none of your business. Why do you ask such a thing?"
SON: "I just want to know. Please tell me, how much do you make an hour?"
DAD: "If you must know, I make $100 an hour."
SON: "Oh! (With his head down).
SON: "Daddy, may I please borrow $50?"

The Father was furious.
DAD: "If the only reason you asked that is so you can borrow some money to buy a silly toy or some other nonsense, then you march yourself straight to your room and go to bed. Think about why you are being so selfish. I work hard everyday for such childish behavior."

The Little Boy quietly went to his room and shut the door. The Man sat down and started to get even angrier about the Little Boy's questions. How dare he ask such questions only to get some money?

After about an hour or so, the Man had calmed down, and started to think: 'Maybe there was something he really needed to buy with that $50 and he really didn't ask for money very often.'

The Man went to the door of the Little Boy's room and opened the door.

DAD: "Are you asleep, Son?"

SON: "No Daddy, I'm awake".

DAD: "I've been thinking, maybe I was too hard on you earlier. It's been a long day and I took out my aggravation on you. Here's the $50 you asked for."

The Little Boy sat straight up, smiling.

SON: "Oh, thank you Daddy!"

Then, reaching under his pillow he pulled out some crumpled up bills. The Man saw that the Boy already had money, started to get angry again. The Little Boy slowly counted out his money, and then looked up at his Father.

DAD: "Why do you want more money if you already have some?"

SON: "Because I didn't have enough, but now I do. Daddy, I have $100 now. Can I buy an hour of your time? Please come home early tomorrow. I would like to have dinner with you."

The Father was crushed. He put his arms around his Little Son, and he begged for his forgiveness. It's just a short reminder to all of you working so hard in life. We should not let time slip through our fingers without having spent some time with those who really matter to us, those close to our hearts.

Do remember to share that $100 worth of your time with someone you love? If we die tomorrow, the company that we are working for would replace us in a matter of days. But the family and friends we leave behind will feel the loss for the rest of their lives. And come to think of it, we pour ourselves more into work than to our family.

Some things are more important.

Oesmaande: Mei

Betekenis, geloof en hoop

Ek het vir krag gevra ...
Hy het vir my opdraandes
gegee om my sterk te maak.

Ek het vir wysheid gevra ...
Hy het vir my probleme gegee

om op te los.

Ek het vir rykdom gevra ...

Hy het vir my ‘n brein en hande
gegee om te werk.

Ek het vir moed gevra ...

Hy het vir my gevaar gegee

om te oorkom.

Ek het vir liefde gevra ...
Hy het vir my mense met 

probleme gegee om te help.

Ek het vir gunste gevra ...
Hy het vir my geleenthede gegee

Ek het niks gekry waarvoor ek
gevra het nie, maar alles wat
ek nodig gehad het !

– J Mayer –

Maandag-gedagtesaad

Ek wens ...

Ek wens ek kon die plooi tussen jou oë wegvee

en vir jou 'n bietjie lewensvreugde gee ...

Reg of verkeerd meet jy met grade of 'n liniaal

en sukses word met materiële dinge bepaal.

Jy eet en slaap en werk

met sawens televisie 

en Sondae kerk -

dieselfde roetine van dag tot dag

en selde sien ek jou huil of lag.

Ek wens jy kon na 'n simfonie luister

en soet liefdeswoordjies in my ore fluister.

Ek wens jy kon praat met ywer en vuur

oor die vorm van kuns of die sin van kultuur.

Ek wens jy kon in ekstase raak oor 'n tuin

of die wolkpatrone in die hemelruim.

Kon jy ook maar op verbeeldingsvlugte gaan

en meer van die onsienlike dinge verstaan.

Jou genot put jy

uit 'n glasie wat klink ...

en sigarette

wat vir my stink!

Ek wens jy wil ophou om

Bacchus en Dagon en Mammon

te dien ...

en God's voorsorg en liefde

in Sy skeppingswerk sien! 

[Magdaleen - Die Taalgenoot * November 1982]

Dankie, vir die persoon wat die gedig aangestuur het  - enige inligting vir erkenningdoeleindes sal waardeer word.  

Afkondigings: Ander

Afkondigings: Gebedsversoeke

'n Groot dankie aan 153 000 e-kuiergaste

Slaairesep: Koringslaai om te bottel

Benodigdhede:

500 ml rou stampkoring
sout en varsgemaalde swartpeper
2 groen soetrissies, ontpit en gekap (jy kan rooi en geel bysit vir kleur)

1 groot ui, fyn gekap
4 ryp tamaties, in klein blokkies gesny
150 ml sultanas (opsioneel)
1 klein pynappel, geskil en in blokkies gesny (opsioneel)

Slaaisous:
90 ml suiker
60 ml korrelmosterd
15 ml matige kerriepoeier
125 ml wit asyn
500 ml mayonnaise

Kook koring in 6 koppies water vir 30-40 minute tot sag.
Dreineer deeglik, spoel met koue water af, sit die knippie sout by en roer goed deur.
Laat afkoel.

Braai ui, tamaties, soetrissies en pynappel liggies.
Voeg koring en sultanas by.
Voeg al die bestanddele vir die sous by en geur na smaak.
Voeg die koringmengsel by die sous en kook net tot deurwarm.
Bottel warm en verseël dadelik.
​Draai bottels op hulle proppe tot koud om goed vas te suig.

Wenk:

Vervang die koring met bruin lensies vir 'n heerlike variasie op die tema.

[Dankie, Estelle, vir die instuur van die resep]

Kerkgenotjies: Waarhede om te onthou

Hoeveel kante het 'n kerk?

Drie.

• 'n Binnekant,
• 'n buitekant en
• 'n predikant. 

***

Die kinderlose ou dame wat besig is om haar huis op te ruim om na die aftreeoord te trek, stuur haar familiebybel wat al geslagte lank in hul familie is, na haar broer in die Kaap. Hy moet dit weer op sy beurt vir sy oudste seun gee. Die klerk by die poskantoor vra haar: “Is daar enige iets breekbaars binne-in die pakkie?” waarop sy antwoord: "Net die tien gebooie."

Koffiehuiskonsert: Lagterapie - 'n moet vir elkeen!!

Ons hou weer koffiehuiskonsert!!

Het jy al jou kaartjies gekoop??

Dit beloof om 'n heerlike lekker aand vol lag en pret te wees!

Bring gerus jou vriende, bure en skoonma saam!!

Kontak die kerkkantoor by 053 842 1100 vir meer inligting en vir spotgoedkoop kaartjies - geen inflasie en geen konsternasie!

Pieter kan ook gekontak word by 082 290 2104

Vergeet een aand van jou sorge en kom meld aan vir 'n lagsessie by die kerksaal.

Hulle wat lag, wen!

Terugblik: Diamantveld-gemeente se groeteboodskap

Diamantveld-gemeente is die jongste dogtergemeente wat in 1955 van Dutoitspan afgestig het en tydens ons gemeente se eeufeesvieringe was ds. VO Nel die leraar van Diamantveld. Hier volg sy groeteboodskap aan Dutoitspan:

Dit is vir my 'n besondere voorreg om namens die jongste dogtergemeente, Diamantveld, u hartlik geluk te wens, waar u tans die honderdjarige bestaan van u gemeente herdenk. Ons is saam met u dankbaar en bly.

As ons oor die honderd jaar terugkyk, wil ons die Here dank vir daardie manne en vroue - geharde Godsvresende mense wat die behoefte gevoel het en daadwerklik oorgegaan het tot die stigting van die gemeente Dutoitspan. Hierdie gemeente het gegroei en met trots sy plek ingeneem in die ry van gemeentes van ons kerk. Ander gemeentes is van hom afgestig met 'n eie karakter wat God aan hulle gegee het.  

Die gemeente van Dutoitspan het saam met ons kerk in wording, gely en gestry en krisistye deurgemaak, insinkings belewe, maar deur die genade van God staande gebly en sy deel bygedra om die geestelike erfenis sowel as die kultuurgoedere van ons volk en kerk in stand te hou.

Na honderd jaar bely ons saam met u dat die Here u gelei het na Sy raad, en dank ons Hom vir wat die Calvinisme, ons Gereformeerde leer en die Verbondsgedagte vir u beteken het. Ja, dat die kerk van ons vaders nog ons kerk is!

Ons glo dat u 'n verbondsgemeente is, en dat God 'n besondere doel met u as gemeente het.

Waar ons grootste dank in oorgawe geopenbaar word, wil ons met die oog op die toekoms saam met u bid, die gebed van Dawid in 11 Samuel 7:29: "Laat dit U dan nou behaag, en seën die huis van U kneg, sodat dit vir ewig voor U aangesig kan wees."

Klik HIER vir meer inligting.

Bron: Eeufeesalbum: Gous, HG. 1971. Die NG Kerk Dutoitspan-gemeente: Beaconsfield Kimberley 1872-1972

Verjaar op die kerkbasaar

Iemand wat presies geweet het om haar verjaardag reg te kies, is 'n bekende en betrokke gemeentelid, Sarie le Roux (óf het iemand dalk die basaardatum reg gekies?)

Hoe dit ookal sy, dit is 'n uitstekende keuse - jou vriende en familie kan vir jou op heerlike basaarlekkernye trakteer of andersom is net so 'n goeie oplossing.   

Op hierdie geseënde ouderdom is sy nog aktief betrokke by die werksaamhede van die gemeente en help sy ook by die klerewinkel.  Die goeie wense het sommer vroeg-vroeg, voordat die basaar in volle swang was, deel van haar dag geword. Mag hierdie dubbele vreugdedag deel wees van jou lekker herinneringe. Op die foto wens Elsa Minne haar goeie wense toe. Mag hierdie nuwe lewensjaar oorloop van goeie gesondheid, seën en vreugde.

Hoekom bekommerd?

Ons hoor so dikwels iemand sê: Moenie bekommerd wees nie - maar dan ons wonder maar in die stilligheid hoe ons al ons bekommernisse net so opsy kan sit. Daar is soveel gevare wat ons omring, soveel dinge wat ons in spanning laat leef, en soveel mense wat seer het. Ek kan onmiddellik aan 10 belangrike bekommernisse gelyk dink - die verkiesing wat op hande is, die misdaad wat hand uitruk. werkloosheid, die ekonomie, finansiële probleme, oorloë en gerugte van moontlike oorloë, kanker wat so toeneem dat feitlik almal op die kerk se gebedslysie, die een of ander kanker het en dan tref dit my: Om nie bekommerd te wees nie, lyk onmoontlik. Dit is onmoontlik om ons op te hou bekommer as ons elke dag na al die probleme in die lewe kyk. 

Maar tog, toe ek vanoggend my twee oë oopmaak, besef ek dit is die eerste sigbare seëninge vir vandag. Die wonder van God se liefde wat vir ons leer dat Hy soveel groter is as die kommerwekkende omstandighede wat ons daagliks ondervind. Hy verseker ons dat Hy beheer het oor alle dinge. Hy is die Almagtige, Alwetende God wat ons behoeftes ken en in staat is om almal te vervul. 

Hy het ons grootste bekommernis weggeneem. Hy het ons bevry van die straf wat ons as sondaars verdien. Hy het Sy liefde aan ons gegee deur ons die lewe saam met Hom te gee, wat vir ewig sal  bestaan. Ons Hemelse Vader, wat ons so liefgehad het dat Hy Jesus as ons Verlosser gestuur het, beloof ook om in ons lewens te voorsien en ons teen gevaar te beskerm. Dit is nie nodig om onaangenaam, onbuigbaar, kwaad, angstig of vir die toekoms bang te wees nie, want ons het ’n Verlosser wat al ons gebede hoor en verhoor. Geen bekommernisse of al die ellende wat ons daagliks in die wêreld ervaar, en in die media van lees, kan die vrede wat ons deur geloof in Jesus Christus ontvang het, van ons wegneem nie.

 
Dankbaar vir God se reddende liefde in Jesus Christus, kan ons van ons geneigdheid tot bekommernis afwyk. 

Ons kan Hom met vertroue in gebed aanspreek, in die wete dat Hy luister en volgens ons beste belange sal antwoord. Aangesien God ons ook deur sy Heilige Gees verseker van sy alomteenwoordigheid en beskerming, weet ons dat Hy in sy liefde ook in hierdie lewe vir ons sal sorg.

 
Daar is dus geen rede tot kommer nie. Soos die apostel Paulus sê: Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.
(Fil 4: 6-7).

Kindervreugde: Ondersteun die Santa Shoeboksprojek

Dis weer tyd om ‘n paar kinders se harte

rondom Kersfees bly te maak.

Ons het weer 50 name gekry.

Raak betrokke en kom kry 'n naam.

Inligting is by die kantoor beskikbaar.

Bokse moet nie later as 30 Oktober in wees nie!!!

Dankbaarheid

Dankbaarheid maak dit wat jy het, genoeg en selfs oorvloedig.

Dit omskep 'n maaltyd in 'n feesmaal.

'n huis in 'n tuiste ...

'n vreemdeling in 'n vriend!

Dankbaarheid gee sin aan die verlede,

vrede vir vandag

en hoop vir die toekoms!

Dankbaar vir gereelde welkome bydraes

Griekwa-Afrikaans: Daniël in die leeukuil

Darius was die koning van die leeukuil.

Die koning was so dros op Daniël, hy wil hom salf as eerste minister. Die koning het mense gehet wat by hom jop. Daai mense het gejaloers op Daniël. Hulle het vir Danie met die koning aanmekaar gesteek. Al het Daniël nooit vergeert gedoen nie. Al ding hyt elke dag op sy knieë gevas. 

Die mense sê vir die koning: "Mak 'n wetenskap laat elkeen van omtrent dertig dae oud moet net vir die koning bid. Dieëen wat nie wil nie, word vir die leeukuil gevoer."

Maat Daniël het oop gorduin bly gebut in sy boste kamer. Elke tyd het hulle hom gekry but. Die mense sê die koning moet nou voetstappe neem teen Daniël. Hulle gee die koning baie probleme. Hulle is vir die koning 'n kopseer. Die koningin se kop is ook seer.

Toe sê die koning: "Dan moet Daniël maar in gaan gegooi word."

Smeek-smeek gooi hy vir Daniël in die leeugat. Hy het met droewagestem gegroet. Daniël het heelnag in die leeukeel gesit. Die leeu was daai nag nie lekker gewees nie. Hulle het vir Daniël nie gebyt nie of eersie gehap. Die klein leeu ook. Die volene môre roep die koning hartseerlik met 'n vuin stemmetjie. Maar Daniël het nis gemukeer nie. Die leeus het hom nis gebuit nie.

Die koning het uitgevind die mense lieg vir my. Toe het die koning die anersegekom ingooi. Met hulle pae en mae en kundurs is hulle kom ingesmyt. Die leeukuil eet hulle met bene en al. 

[Bron: Afrikaanse Kloekgoed, Hetta Hager: "Die boekie is 'n weerspieëling van ons pragtige Griekwa-Afrikaans in sy eenvoudigste en ongekunsteldste vorm soos net 'n kind dit kan praat."

Klik HIER en HIER om meer van die bekende skrywer te wete te kom.]

Dankie vir 152 000 e-besoeke

Waardeer mekaar ...

As ek geweet het dis laaste keer dat ek jou aan die slaap sou sien raak, sou ek meer moeite gedoen het om jou warm toe te maak.

As ek geweet het dis die laaste keer dat ek jou gedruk en gesoen het, sou ek jou teruggeroep het vir nog 'n drukkie.

As ek geweet het dis die laaste keer dat ek jou stem sou hoor, sou ek dit op band geneem het sodat ek dit weer en weer kon speel.

Ons leef dikwels asof daar nog baie tyd oor is om alles te wil doen wat ons graag wil doen, maar sê nou vandag is die laaste kans!

Kom ons maak vandag tyd om te sê: Ek is lief vir jou of  Dankie of ek waardeer jou of ek is jammer. Môre mag dalk vir altyd te laat wees en is ons kans verby.

Kom ons leef vandag en elke dag voluit!

Kom ons leef só dat ek 'n advertensie vir Jesus kan wees.

Kom ons fluister in diegene wat ons pad kruis se oor: Jy is spesiaal ... jy is uniek!

Kom ons leef ons doel op aarde uit sonder die woordjie as en sonder verwyte!

Maandag-gedagtesaad

Plaas die volgende op jou gebedslys

Elke Sondag is daar gebedsversoeke op die afkondigingspamflet by die lief-en-leed-hoekie. Voeg daardie gebedsversoeke by jou lysie. 

Wat is ’n gebedslys nie?

* Dit is nie ’n inkopielys waar jy net vir die Here alles kan noem wat jy wil hê nie. (Ons is almal so skuldig hieraan.)
* Dit is ook nie ’n rympie om uit jou kop te leer sodat jy jou gesprekke met die Here net kan opsê en aframmel nie.
* Die gebedslysie sal nie keer dat jou gebede met die Here gesprekke is nie, maar sal jou rig.

Klik HIER vir die name van gemeentelede waarvoor daar gebid moet word.

Kerkgenotjies: In die Sondagskoolklas

Waarom het Noag die ark gebou?

* Hy wou oorsee gaan.

Watter les leer ons uit die verhaal van Dawid en Goliat?

* Om te koes vir 'n klip.

Klik HIER om 'n lag in jou Saterdag te sit.

Slaairesep: Beetslaai met 'n verskil vir die winter

Benodigdhede:
2 tot 3 gaar bete in blokkies gesny
1 tot 2 lemoene - in segmente gesny
1/4 ui - fyn gesny
1 wiel fetakaas (gekrummel)
1/4 koppie neute - gerooster (opsioneel)
Gemengde slaaiblare

Sous:
1/4 koppie vars lemoensap
1/4 koppie olyfolie
2 teelepels heuning
2 teelepels asyn
1 teelepel lemoenskil - gerasper
Sout en peper na smaak

Knoffelvlokkies (opsioneel) 

Metode:

1. Pak 'n bed van blaarslaai

2. Meng res van die bestanddele en pak op blaarslaai

3. Gooi sous oor

Wenk:

Maak sous al die vorige aand aan, sodat die bestanddele solank met mekaar kan kuier.

Terugflits: Soek die juwele in die alledaagse

Juwele kan baie werd wees. Hang af van die vakmanskap en die edelgesteentes of dit kan baie goedkoop wees omdat dit sentiment het. In 'n groot mate word juwele se waarde bepaal deur wat dit vir jou beteken. Daarom vir my so kosbaar die kleine blondekop-meisie wat haar skatte voor my kom uitskud.

Ons kampeer met kinders uit verskillende omstandighede. In haar beperkte konteks en haar vyf jaar van bestaan, ken sy nie diamantringe en goue juwele van 'n sekere karaat nie. Sy weet daarvan, maar die waarde is nog ver bo haar begrip. As sy haar juwele uitskud, dan besef ek sy gaan dit nooit verkoop nie, maar tog is dit van soveel waarde dat haar juwele moeilik vorentoe deur die harde werklikheid van goud en silwer vervang sal kan word.

"Oom, kyk my juweeltjies - ek tel elke dag 'n sak vol op."

Ongelooflik - twee skoenlappers, drie boomsade, 'n dooie tor, 'n wit klip, 'n stukkie rooi gras, 'n boompeul. Dit is haar juwele. Sy het al baie by die huis.

Haar ma het gesê sy mag dit in haar kamer hou. 

'n Mens moet ook nie dink dat sy nie weet wat elkeen vir haar beteken nie. Sy soek haar juweeltjies met die hand uit.

Ek is dom - ek durf vra of elke dag s'n dieselfde lyk. 

Verontwaardig kom die antwoord: "Natuurlik nie, Oom, daar is elke dag nuwe juweeltjies om my. Ek moet hulle net optel."

Hoe wonderlik as 'n mens nog in die klein goedjies juwele kan sien.

[Bron: Noordkaap - Twyfelhoekie - Hannes Noëth]

Terugflits: Make a bear to show that you really care

CHRISTMAS THIS year will be filled with many bear hugs for the children from the Thusong Kids Haven, Kestel Campus and Christina Kiddie Childrens Centre.

This heart-filled operation was undertaken by die NG Church in Dutoitspan, where organiser, Madelain Weideman, set out to have teddybears knit for these children.

Their aim was to bring joy to every child this Christmas and to make them feel special. A big thank you then goes to:  Aunty Jane, Inge, Hettie, Lina, Anna, Letsie, Skoonsus, Tina en Ina, who finished their mission within only a month.

The congregation would like to wish all a blessed Christmas!! The heart warming gesture will be much appreciated by the children.

[NND/Kitsnuus Vrydag]

Kindervreugde: Ondersteun die Santa Shoeboksprojek

Kom ons as 'n gemeente maak hierdie jaar weer 'n paar kinderharte bly. Daar is 'n lys met 50 kindername by die kerkkantoor beskikbaar. Kontak asseblief so gou as moontlik die kerkkantoor om 'n naam te kry. Kersfees is juis 'n tyd vir gee en uitreik!

Alle geskenkbokse moet teen 30 Oktober ingehandig wees.

The horse with the bell ...

Just up the road from my home is a field with two horses in it.

From a distance, both horses appear to be like any other horses. But if you walk closer, you will notice something quite amazing; one of the horses is blind. However, the owner has chosen not to put down the blind horse but has made a good home for both horses.

If you stand nearby and listen, you will hear the sound of a bell attached to the halter of the sighted horse. The bell is used to lead the blind horse. You will notice something amazing; the sighted horse regularly checks to see if the blind horse is hearing the bell, is following the sighted horse’s lead, and is continuing to trust that he will not be led astray.

Each evening, the horse with the bell returns to the shelter of the barn, occasionally looking back to make sure that the blind friend isn’t too far behind.

Like the owner of these two horses, God does not throw us away just because we are not perfect or just because we have problems or challenges.

He watches over us and even brings others into our lives to help us when we are in need.

Sometimes, we are like the blind horse being guided by the little ringing bell of those whom God has placed in our lives to help us. At other times, we are like the horse with the bell, helping others to find their way.

Good friends are like that ... you may not always see them, but you know they are there.

Please listen for my bell, and I’ll listen for yours.

And remember ...

Be kinder than necessary -
Everyone you meet is fighting
Some kind of battle.
Live simply,
Love generously,
Care deeply,
Speak kindly ...
And leave the rest to God!
For we walk by faith and not by sight!

- Author Unknown

151 000 e-kuiers

'n Hartlike Dutoitspan-dankie aan elkeen wat 'n wyle hier vertoef en lees van die doen en late in die gemeente, maar wat ook die inspirerende boodskappe en gedagtes lees wat van oraloor aangestuur word. 

Dankie vir elkeen wat die adres van die blog aanstuur, en die boodskap op hierdie manier versprei.