O God, as ek vandag kos het,
help my om die hongeres te onthou.
As ek werk het,
help my om die werkloses nie te vergeet nie.
As ek ’n warm huis het,
herinner my aan die haweloses.
As ek sonder pyn kan lewe,
gee my deernis met dié wat ly.
En as ek húlle onthou wat nie het wat ék het nie,
verlos my van my selfvoldaanheid,
sodat ek uit my gemaksone sal kom
en met woorde en dade diegene sal help
wat met hul oë roep na alles
wat ek as vanselfsprekend aanvaar.
Moeder Teresa van Kalkutta
(Uit: Die groot gebedeboek, Piet Naudé, 2014)