Sê daagliks dankie vir die geskenke wat jy uit God se hand ontvang het. Sif deur die dag se gebeure, en haal die geskenke een vir een uit.
- Sê dankie vir God se liefde, daar waar jy liefdevol was en liefde ontvang het.
- Sê dankie vir God se onfeilbare liefde en vergifnis en vra Hom vergifnis daar waar jy die dag minder liefdevol was. Hoor hoe God vir jou sê: “Ek weet dit, Ek was daar. Jy word vergewe, want Ek is lief vir jou.”
- Sê dankie vir die opstandingskrag wat jou in staat gestel het om uit ’n moeilike situasie “op te staan”.
- Kyk saam met Christus vooruit na die volgende 24 uur en vra vir Hom om van jou ’n helder vertoonvenster vir Hom te maak.