Dink hieroor: Wat van vandag?

Ons het so gewoond geraak om die vraag te vra: “Gaan jy eendag hemel toe as jy doodgaan?” 

Eendag ... "the pie in the sky when you die ..." 

Maar wat van vandag? 

Is die werk van iemand wat die Here ontmoet het, om nou die hele tyd net te wag totdat die eendag aanbreek?

Nee, vandag moet ...
* mense by ons die ewige lewe kan sien in ons oë.

* hulle dit kan sien in ons dade en hoe ons teenoor ander optree.

* hulle dit kan hoor in ons woorde en gesprekke.

Hulle moet daarna verlang om ook die ewige lewe te hê. Sodat hulle, soos ons vandag, as kinders in die huisgesin van God kan woon en daarom kan staatmaak op die versorging van die goeie Vader van die huisgesin.

Dit is vandag die voorreg van mense wat reeds die ewige lewe het!