Dalk was dit die beker wat jou ouma vir jou geskink het saam met ’n tuisgebakte beskuitjie. Of die een tydens ’n moeilike gesprek, waar jy gesit het met ’n vriend wat nie geweet het wat om te sê met woorde nie, maar met die gebaar van koffiemaak wel. Of die beker wat jy in die kerksaal vasgehou het terwyl jy skaam aan jou eerste Bybelstudiegroep voorgestel is.
Elke koppie dra ’n storie. En in die kerk word daardie stories bymekaar geweef tot iets groter. ’n Herinnering dat ons nie alleen is nie, dat God selfs in die gewone gebare van gasvryheid en koffiekoppies teenwoordig is.
Onthou, ons kom elke Sondag na die erediens bymekaar vir 'n heerlike koppie koffie of tee. Moenie die kans om deel te wees van 'n storie, misloop nie.