Hy leun oor na sy ma toe en sê: "Moenie vir my betaal nie - ek is nog onder ses!"
* 'n Klein dogtertjie sit rusteloos en rondskuif in die kerk toe die diens darem net te lank aanhou na haar sin.
Uiteindelik fluister sy vir haar ma: "As ons nou vir hom die geldjies gee - sal hy ons dan laat gaan?"
* Soos klein kinders dit hoor:
👂 Daniël se vriende was Sadrag, Mesag, Appel en Mego.👂 Dawid en Oliegat
👂In een van die kleiner Sondagskoolklasse, was die opdrag dat die outjies die name van die Bybelboeke moet gaan leer. Junior is gretig om te begin, maar by Kronieke trap hy klei en die beste wat hy vorendag kon kom was Koringkrieke.