Kerkgenotjies: 'n Gewigtige kwessie

 * Ek is 'n getroue FB-ondersteuner en daar lees ek dat kaneel so goed is vir 'n mens.

Dit laat jou gewig verloor, verlaag jou cholesterol en nog baie meer. Dis 'n wonderkuur, maar die dokters het nog nie daarvan gehoor nie.
Ek was so beïndruk met die nuus, ek het onmiddellik 7 melkterte gaan koop! (Dankie, FB)

* Ek dink ek moet 'n bietjie gewig verloor.

Vanoggend sien ek toe 'n pratende skaal voor die apteek in die stad.
Ek klim daarop en die skaal sê: "Net een op 'n slag asseblief!"

* My vrou is voortdurend aan die regpak, wegpak en weggee. Een so 'n goeie oggend kom ek in die kamer en sien dat haar hele hangkas op die bed uitgepak is. Al haar klere in geordende hope. 

Ek vra toe ewe belangstellend wat haar plan met die klere is.

Sy sê toe sy wil haar ou klere skenk vir mense wat honger ly. Ek sê toe vir haar dat mense wat in haar klere pas, nie honger ly nie."

Nou praat my vrou nie meer met my nie.