Laat hierdie woord jou versterk vandag dat jy nie sal twyfel oor God se krag in jou nie.
Miskien twyfel jy oor jouself, jou ouderdom, jou mislukkings, jou onvermoë, jou swakhede en sondige natuur.
God twyfel nie in jou vermoëns nie, want dit is Hy wat jou versterk en krag en wysheid gee, om te voltooi wat Hy in jou begin het.
Die God wat jou tot hiertoe gebring het is die een wat jou ook hierdeur sal bring in sy oorwinning.
Here, my God, ek het swakhede maar ek vertrou op u krag. U krag is op sy beste in my swakste tye, daarom is my blydskap groot. Net U alleen is betroubaar en die Waarmaker van u woord wat U oor my uitgespreek het. Ek weet dat u Naam verheerlik sal word in my swakheid, en dat net goedheid en guns my sal volg al dae van my lewe. Amen.
[Aangestuur deur Pieter Swanepoel]