Wanneer dit by geskenksakkies vir senior burgers (die ouer pa) kom, is dit belangrik om hul unieke behoeftes en belangstellings in ag te neem. Of jy nou 'n geskenksakkie saamstel vir 'n spesiale geleentheid of net om hul dag op te helder, hier is 'n paar idees wat sekerlik 'n glimlag op hul gesigte sal sit.
1. Draadlose oorfone:
Gradeer sy klank-ervaring op met 'n paar draadlose oorfone.
Bederf sy voete met 'n paar nuwe sagte en knus pantoffels. Kies dié met glyvaste sole vir ekstra veiligheid. Die koue vra op hierdie stadium vir heerlike warm pantoffels.
3. Persoonlike fotoboek:
Skep 'n fotoboek vol herinneringe, gesinsprente en stories uit sy lewe. Dit is 'n geskenk wat sy reis en die liefde wat hy gekweek het, vier.
4. Warm kombers met moue:
Hou hom knus en warm gedurende kouer maande met 'n kombers wat moue het. Op hierdie manier kan hy gemaklik warm bly terwyl hy lees, TV kyk of bloot ontspan.
5. Lekkernye (soet en sout):
Sagte koekies of beskuit, lekkergoed, neute of gedroogde vrugte. Verskillende teegeure of kitssop is ook treffers.
6. Praktiese doendinge:
En as hierdie geskenke nie in jou omgewing beskikbaar is nie, of jy weet dat jou pa nie een is wat van tierlantyntjies hou nie of hy is nog nie 'n senior pa nie, onthou, daar is niks so lekker soos 'n heerlike bord gekookte kos met aangename geselskap nie. Was sy kar of sny die gras, snoei die bome se oorhangende takke en pak die garage of buitekamer reg. Doen iets waarvoor hy nie tyd of miskien nie meer die krag het nie.
En onthou om vir hom DANKIE te sê vir al die jare se opofferinge. En gee daardie dankie-drukkie wat 'n mens so dikwels agterweë laat.